متتدمة كثير على ضربي لبنتي دمعتي على خدي الله يسامحني

الأسرة والمجتمع

السلام عليكم ... هلا وغلا

يالغاليات تكفون ساعدوني وش الحل متندمة كثير ودمعتي على خدي وضغطي مرتفع وماقدرت انام احس بتأنيب الضمير اليوم كان عندي عزومة ببيتي وكانت جمعه لاهلي وحريم اخواني وكنت مشغولة مرة بالبيت والمطبخ والضيوف واللي زاد الطين بله كانت الدورة معي وهي اول يوم وكنت تعبانه مرة ومتحملة الالام وضاغطه على نفسي وبنتي الصغيرة تسلطت علي اليوم الله يهديها ماتبيني انزلها من على يدي ورفضت اي احد ياخذها مني وتعبت منها فنكدت علي وماعرفت اقضي شغلي منها وكنت ماسكة اعصابي منها فعصبت منها ورحت اعطيها لامي تمسكها عني شوي لين انتهي مرتبة عشاء الرجال فرفضت فحمقت عليها وعصبت ودحجتها ( ضربتها ) مع اي مكان صرت اضرب وبس من غير شعور انفلتت اعصابي وماقدرت امسكها اكثر واحلف لكم بالله لولا الله ثم تدخل امي وسحبتها للبنت من بين يديني كان صاير للبنت شيء الله يستر
واللحين متندمة كثر شعر راسي وكل ماتذكرت كيف ضربتها يأنبني ضميري اكثر عمري بحياتي ماضربتها وانفعلت عليها مثل اليوم حتى خواتها ماقد ضربتهن هذا الضرب
بنتي اللحين نايمه ومغير اناظرها ودمعتي على خدي ياربي سامحني وعمرها بعد 4 ايام تكمل سنه
تكفون ساعدوني وش الحل
32
5K

يلزم عليك تسجيل الدخول أولًا لكتابة تعليق.

تسجيل دخول

أم ريمان وريفان
ساعدوني الله لايحرمكم الاجر ولا تشوفون مكروه في عيالكم وكل من يعز عليكم يارب
الحياة بدونك ولاشي
ياقلبي رحمتها ...والله ضاق صدري عليها مثل ولدي
المشكله انا اذا عصبت مثلك ماأقدر امسك نفسي واضرب ولدي يابعد روحي توه عمره سنه ونص الله يعينهم علينا بس
اوراق باهتة
اوراق باهتة
الله يهديكي بس المرة القادمة تماسكي اكثر
اتمنى الامومه
تكفوووووووووون هذه نعمه ماشاء الله ربي أكرمكم بنعمة الذريه
غيركم يتمنى ريحة ضنى ..

تذكرو ان هالاطفال اماااااااانه ..
صح لو غلط الطفل عاقبيه بس مو بقساااااوه هذا طفل ..

وأن شاء الله هالمرررره تكون اول واخر مره ..
ولاتفكري الي صار صار بس اهم شي لاتعيديها ..

الله يحفط لك اطفااااالك ويرزقك برهم ..
ودعواتك يالغلا *
لغة العواطف
لغة العواطف
اعوذ بالله انتو وش قلوبكم

والله انكم منتو كفو اطفال

حرام عليكم
انتي بالذات ياصاحبة الموضوع كل هذا عشان الناس والعزيمه يختي الله لايردهم عمرهم ماتعشو وعمر العشا ماخلص على حساب ضناي

يووووووووه معليش اعذريني بس ماتتخيلين قد ايش حقدت عليس وحسيت انس نجسه على الاطفال ياويلي هذي وهي ام 4 سنوات اجل لاكبرت وطلع لها لسان وش بتسوين بتذبحينها

استغفري واتندمي صدق مو هنا خل ربي يخلي لس بنتس لايصير فيها شي وينقطع قلبس

وانذري على نفسس انس معد تمدين يدس عليها ولا باقي اخوانها وقدري النعمه الي عندس