دانه عبس @danh_aabs

عضوة نشيطة

زوجي مدمن تلفزيووووون وش الحل

السلام عليكم ورحمه الله وبركاته

بدخل بالموضوع على طوووول السالفه وما فيها ان زوجي مدمن شي اسمه تلفزيون:06:

يعني طول ماهو بالبيت جالس قدامه وحطله تلفزيون لها بالمجلس لحاله

وانا وعيالي بالصاله وطول اليوم كل واحد لحاله بتقولون لي وين المشكله انتي روحي عنده لما اروح اكون انا والجدار واحد يعني ماكاني جالسه عنده ولا كلمه

وارجع اقوم للصاله حاولت اصلح قهوه واناديه نفس الشي تصدقون يجيني والريموت بيده:hahaha:

واحط تلفزيوني على قنوات هو مايتابعها مثل بدايه واتفاجا انه مولمي قاعد يقرا الكلام الي بالتشات تحت

ولما اتهاوش انا وياه يقول انتي ماتبين راحتي وتطلع مشكله طويله عريضه كل يوم على ذا الحال

وانا والله لو اشوف انه منسجم غلى بس مباراه بخليه على راحته ومابزعجه لكن طول اليوم

وهو الحمدلله مايجلس الا على مباريات وبرامج حواريه بس

يعني مره قلت ماراح ادخل عليه وبخليه بشوف وش النهايه وجلس عند التلفزيون لين ماجا وقت نومه بعدين سكره وراح ينام حتى مامر علي

وانا ملييييت من القعده بررروحي :06:

يلزم عليك تسجيل الدخول أولًا لكتابة تعليق.

تسجيل دخول

الفـ دنا ــراشه • 13 سنة

اللهم يا ذا الوجه الاكرم والاسم الاعظم والعطيته الجزلى اجعل زوجها لها كما تحب واجعلها لزوجها كما يحب واجعلهم لك يا الله كما تحب وترضاه ووفقهم وصلح ما بينهم وجمعهم في خير وعلى خير اللهم امين

أدعولي اسافر • 13 سنة

يابنت الحلال التلفزيون ولا شي ثاني

وبعدين الانسان طماع لو زوجك مايقعد في البيت كان قلتي ياليته يجلس عند

التلفزيون ولا يطلع بس اهم شي يكون عندنا

اجلسي عنده وتابعي معه ترا اغلب الرجال كيذا

توكس وقهوه • 13 سنة

اجلسي عنده

واذا كان ساكت سولفي معه بهدوء ناقشيه بالبرنامج اللي قاعد يتابعه

بس مو تخربين عليه القعده ويعصب لا

جيبي قهوتك وحلاك واجلسي معه

بعدين انت من جدك تخلينه يتابع معك قناه بدايه
تشوفين وش سوالف الشريط
لا تحطين القناه ابد وزوجك عندك ...

يكفيني حنانك • 13 سنة

أدعولي اسافر :

يابنت الحلال التلفزيون ولا شي ثاني وبعدين الانسان طماع لو زوجك مايقعد في البيت كان قلتي ياليته يجلس عند التلفزيون ولا يطلع بس اهم شي يكون عندنا اجلسي عنده وتابعي معه ترا اغلب الرجال كيذا

يابنت الحلال التلفزيون ولا شي ثاني وبعدين الانسان طماع لو زوجك مايقعد في البيت كان قلتي ياليته...

نفس الراي هذا الي كنت بقووووووووووووله:26:

دانه عبس • 13 سنة

مشكورين بس والله ان ادمانه شي مو طبيعي مايمل ابد ولا فيه سوالف بيننا او حوار الا اذا كنا بالسياره نفسي يجلس معي نتقهوا نسولف لكن مافيه امل الي عندها حل تقولي