هذا ياطويلات العمر غدانا الخاص اليوم انا وعائلتي الله يحفظهم ولا تدققون بالمواعين تراها حقت الاستخدام اليومي
كان عباره عن رز ابيض ودجاج صيني مع خضار وسلطة حاره

طريقتي في الرز الابيض كالاتي
انقع الرز بمويا حاره للمده ساعه او نص ساعه
اقلي بصل مع شوية زيت لين يذبل شوي ثم احط عليه زنجبيل مبشور وبهارات صحيحه (قرفه _هيل_ 3قرون فلفل اخضر حار_قرنفل )
واقلبهم جميع واضيف الرز والماء الساخن اللي يغطي الرز لاني منقعته قبل واذا بدا يطبخ اقصر عليه لين يستوي .... وبكذا خلص الرز

نجي للدجاج
اول شي ننظف الدجاج بماء وملح ونقطعه ارباع ارباع ونشيل جلده ثم نقطع بصل جوانج ونقلبه مع شوية زيت ثمن نحط زنجبيل مبشور وثوم مهروس ونقلبهم ثمن نحط الطماط والفلفل الرومي مقطع جوانح وقرفه ووهيل وورق غار
ونقلبهم ونجيب الدجاج ونضيفه ونقلب لييين يطلع المويا حقه ثم نضيف الخضار(كوسه-جزر-بطاطس) نكون عاد مقطعينه مربعات وسط ونقلبهم جميع ونرفع النار اول ليييين يتسبكون ثم نقصر الى اخر شي ونخليه للمده نص ساعه ونحركه كل شوي ..
عاد تشوفين اذا استوت الخضار وبقى شوووية مويا فيها مايقارب كاسه تضيفين عليهم صلصة الصويا تقريبا كاسة ونصف وتحطين ملح امممم لذيذ صراحه

عاد السلطه الحاره
بالخلاط 2 طماطه وسط وقرن فلفل وثووم وملح وزنجبيل مبشور وملعقة كاتشب وبس

اتمنى اني قدمت لكم شي يعجبكم واللي تجربه تعلمني

ولا تنسوين تضغطون على ايقونة شكرا
عشان انزل لكم طريقة خبزة الوالده الله يحفظها ويسعدها و يعطيها العافيه مع العسل والسمن امممممم تذكرتها عاد تصلح مع هالبرد الله يعينا عليه
يعطيك العافية
استغفر الله الذي لا اله الا هو العلي العظيم واتوب اليه
يسلموووووووو
الله يرحمك ويغفرلك ياابوي ويصبرني ع فراقك
تسلم الايادي .... بالعافيه قلبو ّّّّّّّّّّّّّ

كُلْ آلنِدآء آذآ نَآديّتُ يَخذُلنِي , إلآ آلنِدآء آذآ نَآديّت ~ يآ رب !؟
يعطيك العافيه شكله روووعه اشتهيته
وننتظر خبز الوالده الله يخليها لكم
اللهم ارضني بمارضيت لي وعافني فيماابقيت حتى لا أحب تعجيل ماأخرت ولاتأخير ماعجلت


الساعة الآن 06:43 .