السلام عليكم ورحمة الله وبركاته...
كل وحده تحب تسوي حركات لزوجها عشان تونسه وتقربها منه..
عشان كذا:أحب أحط لكم شوية حركات بسيطه..
ملاحظه:بعض الفتيات يقولون:زوجي ما راح ينتبه.
لا يا عمري راح ينتبه ويستانس..اللحين اكتب لكم الحركات وقولو لي رايكم؟واللي يحب يضيف شي حياه الله
الحركاااااااااااااااات
===============
1- حطي من عطره المفضل..راح يتفاجأ ويستغرب..بعدين يضحك
2-ارسلي مسجات لتلفونه أو على البلوتوث..ذكريه بحبه لك
3-ارسلي له بطاقات فلاشيه رومنسيه على ايميله
4 - ألبسي من ملابسه (يختارها لك من السوق)
5- لا تنتظرينه يقولك(أغسلي ملابسي أو أكويهم) انتي سويهم من نفسك
6- كل فتره اهديه هديه حتى لو من غير مناسبه وحتى لو تكون بسيطه
7-أبتسمي بوجهه على طول الا اذا كان زعلان
8- قولي له نكت وألغاز أو العبوا مسابقات وأسئله
9-أكشخي بالبجامات الحلوه قدامه
10-على طول حطي معطر جسم+معطر جو بالغرفه
11-حفي جسمك على طول وشيلي الشعر الزايد منه
12-لا تنسين قصات الشعر والتسريحات(وانتي قاعده بالبيت معاه)
13-لو شفتيه زعلان اتركيه بروحه شوي..وبعدين لاعبيه وأضحكي معاه
14-النصيحه الذهبيه:عاملي زوجك كالطفل..لان التشابه بينهم كبير
15- لا تدخلين احد من اهلك او اهله في مشاكلكم الخاصه ولا تطلعين عيوب زوجك لاهلك ولا تفضحينه او تتكلمين عنه بالسوء
16- ألبسي قمصان نوم..وغيري بين الطويل والقصير
17- كل فتره دلكيه(مساج) بالزيوت والكريمات
18- كل فتره فاجئيه بالحمام:اترسي البانيو ماي وحطي فيه رغوه ومعطر جسم..ورشي الحمام معطر جو..ولا تنسين الشموع وتطفين لمبة الحمام عشان يصير الجو رومانسي
19- لما يجي ينام ألعبي بشعره ودلكيه
20-كل فتره اطلبي منه انكم تطلعون تروحون للبحر او سينما او تشربون عصير في مطعم فخم
21-أكثري من السوالف والكلام بينكم(سولفوا عن ايام الصغر والمدرسه)
22- اعطيه فرصه للكلام لان الرجال يحب يتكلم..واستمعي له ولا تقاطعيه
23- الاحضان لها دور كبير بالعلاقه الزوجيه..أحضنيه كل يوم
24- ألعبي معه بالغرفه(تركضين ويلحقك) او(تخرعينه لما يجي من الدوام)
25- لا تعطينه فرصه يفكر بغيرك أو بأصدقائه
26- حسسيه انك انتي كل الناس له
27-أرقصي له مصري او خليجي(للتغيير)
28- شوفوا افلام فيديو بالبيت(يفضل رعب) عشان لو خفتي تقطين نفسك بحظنه
29- اذا تبين ترفضين له طلب لاتقولين على طول لا وتفشلينه(تحرجينه)..قولي لا بطريقه مختلفه..
30- لا تنسين ذكر الله والصلاة على نبينا محمد صلى الله عليه وسلم.
وادعو الله العلي القدير ان يسعد كل زوجين
والله يوفق الكل..
لاتنسوني من خالص دعائكم
ونااااااسه @onaaaaaash
محررة
يلزم عليك تسجيل الدخول أولًا لكتابة تعليق.
Eng.I
•
حلوه مشكوره بس في بعص النقاط للاسف ماتنفعني ان شاءالله تنفع باقي خواتي
nancy80
•
لا يمكنك مشاهدة هذا التعليق لانتهاكه شروط الاستخدام.
19- لما يجي ينام ألعبي بشعره ودلكيه
طيب يلي زوجها اصلع شو تعمل؟؟؟:42:
طيب يلي زوجها اصلع شو تعمل؟؟؟:42:
الصفحة الأخيرة