السلام عليكم ورحمة الله وبركاتة
انا في حيرة من امري

ولولا الله ثم انتوا يا غاليات
كان اقلب وجهي يمين وشمال
فقلت خليني اخد راي حبيباتي
*
*
*
*
*
زوجي جايب سمك كتير ويبغاني اسويلوا هدا الاسبوع
ماكولات بحرية وصواني
وقلي انا جايبلك سمك عشان ابغاكي تتفنني لي في الغداء بنغير من الدجاج
وانا والله مااعرف ولا عمري سويت اكل بحري دايمن من السوق
المهم انا اليوم سويت سمك مقلي
ع بالي بسوي زي السوق
تبلت السمكة بالملح والفلفل والكمون وقطعت السمكة من فوق بخط بسيط
وقليتها في الزيت وكان الزيت غزير
والله يا بنات اني انصدمت لمن انقلت السمكة
انكرمشت على بعضها (يعني اتلمت على بعضها)مو باين ملامح السمكة
وحطيتوا مع رز ابيض
قلي زوجي وهو يطنز علي
هدا سمك ولا بسكوت مقرمش؟؟؟؟؟؟؟؟
والله نفسيتي انصدمت عن الاكل ما صار سمك
مااالوم زوجي لمن يقول بسكوت مقرمش
هههههههههههه
عشان كدا بيضوا وجهي قدام زوجي
طلبتكم
كيف طريقة عمل السمك؟وماهي تتبيلة ؟
وكيف طريقة قلي السمكة هل في زيت غزير ولا زيت قليل؟وكم تاخد من الوقت وهيا في الزيت يعني 5 دقايق ولا اكتر ولا اقل؟
ابغى ادا ما عليكم امر صواني بحرية لزيزة
لا ن زوجي يبغى صواني بحرية؟
بليز
علموني وخلوني اطبخ وانفخ هدا الاسبوع لزوجي عشان تبيضوا وجهي قدام زوجي ويشوفني طباخة ماهرة
بفضل الله ثم فضلكم

يارب اللي تساعدني تسخر لها زوجها وتجملها بعين زوجها وتالف بينهم يارب
يلا عشان بكرة اسوي الغداء من وصفاتكم وانا واثقة من حالي
27-12-1431 هـ, 10:49 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يا حريم وينكم بس تقرون وما تردون
حرام عليكم حسو ا فيا
طيب على الاقل ارفعوا الموضوع
امري لله
27-12-1431 هـ, 11:11 مساءً
 
حبيبتي اذا السمك يتلوا هذا مادخلوا بالقلي هذا من السمك نفسه نحن نقوله مقصر ومستحيل ناكل الملتوي هذا
لكن طريقتك في التتبيل صحيحه وزيتك لازم غزير ولا تتركي السمك أكثر من عشرة دقايق هذا سمك يستوي بسرعه وإذا طول بالنار بيسير زي البلاستك او ينشف مرة
27-12-1431 هـ, 11:12 مساءً
 
طيب ليه ماتبحثي عن طرق السمك في قوقل
صدقيني ماراح يقصر
للاسف انا مثلك بس الحمد لله زوجي مايحب الا الفيلية والفيلية اسويه مثل البروست بالضبط
27-12-1431 هـ, 11:15 مساءً
 
هلا حبيبتي مالى خبرة ابالسمك لان احنا السمك انجيبو جاهز بس الصيادية

سوي بحث من نفس المنتدي عن السمك وبتلقين كثير او اددخلى قسم الاطباق تلقين بنات جزاهن الله خير حطات صواني سمك كثيرة ..........

الله يسعدك ويوفقك
27-12-1431 هـ, 11:15 مساءً
 


الساعة الآن 09:30 .