السلام عليكم

شلونكم يالغاليات

الصراحة انا ما ادري اذا تقدرون تساعدوني والا لا بس ابي اسأل عن اشياء اثنين

اول شي انا مرة رحت بيت رفيجتي وشفتها تسوي حلى والحين ابي اسويه ما عرفت نسيت الطريقة والمقادير اتذكر فيه جيلي فراولة مدري شنو اضافت له بس صار جامد ولونه وردي يعني مطاطي ما اعرف اوصفه المهم قطعته وقلبته في جوز الهند وكان خاطري فيه بس ما ذقته تكفون اللي تعرف تعطيني طريقته

اما الثاني فأنا ابي طريقة ايس كريم مال سوريا ( البوضا ) لونه ابيض وطعمه جنان ادري اني ما اعرف اوصف بس ابيه كأن فيه نشا مدري شنو ذقته في معرض كانو مسوينه عندنا بالبحرين امممممممم

يالله يالحلوات اللي بتعطيني الطريقة بدعي لها دعوة من قلب

ابي افاجىء فيهم زوجي

اختكم في الله

مجهولة


والله كان ودي اساعدك بس والله مااعرف طريقة ولا وحدة من اللي ذكرتيهم
وان كنت قد ذقتهم قبل كذا
**** الله البنات مايقصرون يساعدونا
ياليتني اعرف كان ساعدتج


وانا بعد من يومين كاتبه طلب ابا طريقة البوضه خاطري فيها يميميميميمميممم ممممممممم
ولاحد عطاني الطريقه اللي اباهابس وحده من الخوات ماقصرت عطتني طريقه لايس كريم
لكني ابا البوضه الشاميه يميميم


ياليت اللي تعرف تعطينا الطريقه
شوفي اختي ***** الله افيدك الحلى الاول
جيبي خلاط الكاس وحطي علبتين جلي احمر واربع حبات جبن كيري وخمس حبات بسكوت شاهي واثنين ونصف كاس ماء حار وخلطيهم زين وحطيه بصنيه وبثلاجه لين يجمد بس الي اعرفه انه موحلى قهوه

البوظه باالحليب والفستق هذي ماخذته من محل بوظه عاد سويتها وطلعت نفسها بضبط
المقادير
2كيلو حليب سائل
نصف كيلو سكر
25 غرام سحلب
20 غرام مستكه
20غرام مستكه

الطريقه
يرفع الحليب على النار بعد رفع قسم منه يعادل عشر الحليب ويترك على حدا ثم يضاف السكر الى الحليب المغلي طبعا الكثير ليغلي معه
يذوب السحلب في الحليب الي رفعنه اقصد القليل ثم يضاف على شوي شوي الى الحليب والسكر الموضوع على النار مع مرعاة مواصلة التحريك يعني ايدك راحت فيها بعدين حطي المستكه وماء الزهر اذا صار الخليط ثقيل سكري النار عليه واحطي الفستق المبشور عاد كلن وذوقه ممكن لوز او توت او فراوله اوساده

عاد لاتساليني عن القياسات بالكاس ترا مااعرف الي سوالي القياسات راعي اسوبر ماركت قلتله عطني كيلو من هذا وغرام من هذاك ولله اضبطت معي وترها روعه
ايه نسيت اذا زينتيها حطيه باالفريزر
حطيه بعلبه كبيره وخليها باالفريزر وخوذي منها كل ما اشتهيتي ترا بتصير كثيره وبتعرفين وشلون المحلات الحلويات لعبين علينا عاد اناشاءالله يعجبك

اختك جالكسي سادة
شوفى حبيبتى اعتقد من كلامك عن الحلى الأول ان فيه خدود البنات عشان قلتى مطاطى وعندى طريقتين له بس والله ماجربت ولا وحده بس اعتقد انها حلوه واسهل شى اسألى زميلتك مره ثانيه مافيها شىء


الساعة الآن 11:21 .