نحن ثلاث بنات بالبيت
راح اسميهن عشان القصه
انا اسمي انا <<عشان انا مشهوره جدن جدن :pinklove:
واللي لازقه فيني اسمها هدى <<ابخليها مشهوره طايحتن بتسبدي
واما الوسطي <<نسميها حرشه لانها حروشه
يومن من الايام حيث كانت الساعه 3 الفجر
واذ ببطني تزقزق حيت اني كنت سهرانه على النت واختي هدى الثانيه لاصقتن فيني قلت: لها بروح اكل اجيب لك شي قالت: ايه اما الثالثه وهي حرشه نايمه شخير يعني
رحت المطبخ ابي ابلع واحووس بالثلاجه واذ فجاءة لقيت شاب وسيم عيونه خضر وطويل وبطنه مشدود وشعره يطيرمن الهواء <<ادري مافي هوا واني بالمطبخ بس من هواية المطبخ بكيفي
انا بصراحه خقيت مانخرعت :heart:قلت له بسم الله عليك <<تعرفون
كشتي منفوشه وريحتي تصرع وملابسي اللهم ياكافي
عاد قلت بنفسي يمكنه جني بس اني سميت عليه مااختفى
سألته جن ولا انس .؟؟!! قال : انس واسمي اسامه
قلت: اشوه على بالي جن <<تخطط لبعيد هع هع
قلت له :وش تبي طبعا كل هذا وانا مكشفه وجهي وانا مو حاسه
قال :انا جوعان ؟!! بغيت اجيب له مفطح ياجماعة الخير
عاد انا تذكرت اني بنت وهو ولد
ودورت شي اغطي فيه وجهي عطاني شماغه
قال :تفضلي وانا اسف اني دخلت المطبخ بدون اذن
قلت :ليش ماعندكم اكل<<اوووم الفهم ياناس هع
قال : إلا بس انا هربان من الشرطه بس مظلوم وهم مراقبين بيتي عشان كذا ماقدر اروح لبيتي وكانو مطارديني وتراني متخبي بحوشكم لي مده 3 ايام وميت جوع وترى عندي صديقي بعد متخبي بالحوش ينتظرني اجيب له اكل ممكن اخذ من الاكل شوي
وتراني مثل ماقلت لك مظلووووووم........
بصراحه انا خاقه على عيونه الناعسه :dozey:
خوي اسامه خاف عليه لانه تأخر عليه<<وه انا مأخرته قام يسولف علي اسامه
المهم خوي اسامه دخل البيت على اساس يبي يروح للمطبخ
واختي اللزقه تباطتني <<لاني قلت لها بجيب لك اكل معي
جت اختى هدى للمطبخ وصدفت هالرجال خوي اسامه
المهم اختي من الفهاوه ماكأنها شافته :huh:<<هي اذا نخرعت تفهي
وكملت طريقها للمطبخ <<ايه ايه مطبخنا بعيد هع هع
المهم هالرجل قال يمكنها جنيه لانها مانخرعت
قال لها :انس ولا جن <<سارق سؤالي هع هع
قالت : انس واسمي هدى
قال :لااااااااااا<<كان يبيها جن عشان يسمي وتختفي ههههه
ولازالت فهاوة اختي مستمره وكملت طريقها للمطبخ
وخوي اسامه مشى وراها مو مستوعب إنها انس :confused-
وشافتنا هدى كانت تبي تصرررررخ <<يمه منها تو صحصحت
وانا قلت لها :لالالا لاتفهمينا غلط :icon33:
هدى :شلووون مافهمكم غلط وانا مسكتكم بالجرم المشهوود
<<يرحم امكم شلون مسكتنا بالجرم المشهود وانا قاعده اقلقل بيض واسامه يحمي الخبز
وراحت تبي تهرب وإذ بخوي اسامه وراها ..وإذ بها تخق خقتن موبصاحيه من شدة الخقه شهقت شهقه خرعتنا فيها..
وعم الهدوووء وصوت البيض المقلقل يعج بالارجاء
قالت هدى : منو انت ؟؟!! قال :صعفق
صعفق كان رجل اسمراني سماره حلو وحجاجه مقرون وطويل
وبطنه مشدود <<كل الروايات يكتبون البطن مشدود ههههههه
هدى : منو صعفق <<تبي تطول السوالف موو هينه هالبنت
قلت انا لهدى : عيب عيب هذولي ضيووف تعالي انسويلهم عشى جوعانين الضيووف <<كل هذا وانا متغطيه بشماغ اسامه
قالت هدى : وه وه عطني شماغك ياصعفق <<ماعندها تلميح الاخت دفشه هي كذا دايمن
صعفق : ابشري تفضلي شماغي بس ياليت تعجلين بالعشاء <<ماخذ راحته الاخ ههههه
وسوينا لهم العشى وتعشو وراحو قلبي انا وختي متقطع عليهم
حبيناهم من أول عشى <<أول نظره قويه شوي هههه
اذن المذن و قومت اختي الحرشه تصلي
وصلينا ورجعت اضم مخدتي لمااا عصرتها وكادت تموت من العصر والضم والبووس <<منحرفه منحرفه خخخخخ
وهدى شافتني بهالحال وجت تضم مخدتها هربت المخده وبعد محاولات الملاحقه والطردي مسكتها وضمتها<<مسكينه مخدتها
الحرشه ؟؟!! وش بلاكن موو طبيعيات بنووب؟؟!!
وإذ بالحرشه ترمق مخدتها وإذ بمخدة الحرشه تبادلها النظره
ولسان حال المخده يقول :ماعليك يالحرشه اجيب لك خبرهم
الحرشه ؟؟ علامكن
انا : تدري وش اللي بها الساعه اتمناه
قربك دقيقه لو ثمنها حياتي
الحرشه :ماشاء الله صرتي شاعره ؟؟!! منهو ذا منهو ؟؟!!
انا : هاه لالا مو شي محاولات شعريه <<بيني وبينكم صرت شاعره من اول ماشفته وصرت اهيجن وحالتي مو حاله
الحرشه : وانتي ياهدى وش بلاك شكلك مووش ولا بد
هدى : ليت الزمن اللي حكمني با البعاد
يعيد حكمه لي بجمع الحبايب
الحرشه :لالا منتن خاليات فيه شي ؟؟!! مصيري ادري
هدى :وش فيك ياختي محاولات شعريه
انا :هدى ماتلاحظين انك تقلديني واجد
وراحت الحرشه برا الغرفه وجلست انا وهدى حزينات
وإذ يطري على بالي كلام اسامه انه متخبي بحوشنا
واناظر لهدى واقول لها: لقيتهم لقيتهم
هدى : وين هم ؟؟!! قلت : بحوشنا ... هدى : من عقلك
قلت : ايه ايه لان اسامه قالي إن له 3 أيام متخبي بحوشنا
هدى : غريبه صعفق ماقال لي <<يرحم امك متى شافك عشان يقولك <<البنت مفهيه بقوه لاحول ولا قوة إلا بالله
انا : يابنت خلي عنك التشره والعتاااب خلنا نلبس العبايات ونروح نسأل عنهم بحوشنا
هدى : يعني نلبس شمغهم <<طبعا هم راحو وخلو شمغهم عندنا
انا :لالا نرجع لهم الشمغ ترى الدنيا برد <<خايفه على اسامه
هدى : يلا مشينا... لبسنا العبايات وطلعنا بالحوش
انا : اسامه اسامه <<بصوت كله انوثه ودلع
هدى : صعفوقه صعفوقه <<ليتك مادلعتيه ههههههه
المهم طلع اسامه من المخزن اللي برا بالحوش قال : ياهيه
وانا: تررربق تررربق تررربق << اطق رقبه على طق قلبي
اسامه :هنا تعالي ..
قلت : تبون اكل .... اسامه : لاافطرنا الصبح اليوم بالبوفيه
هدى : يالنذل ماحسبت لي<<هي كذا إذا جاعت تنسى الرومنصيه
وإذ فجأءة يظهر صعفق <<يظهر مناسبه لصعفق هههههه
صعفق :ياااااابنت .. هدى : هاه <<طووول عمرها تفشلني
المهم صعفق وهدى بزاويه بالحوش وانا واسامه بزاويه <<حركااااااات معجبين هع هع هع
اسامه :مدري وشلون أشكركم <<مدري ليش الجمع مع اني وحده يعني يقصد اني دووووبه الله يسامحك بس
انا : لاعاتي <<لاعاد تتدلعين هههه
انا :ماتبون اكل <<صرعتينا بالاكل <<هو كذا الواحد إذا حب يخربط ......
انا : انت حلوو ومزيوون وعيونك خضر ووووأنا مثل ماكانت شايف يعني اممممم
اسامه : لاتكملين أنا احبك بأخلاقك<<موقادر يقول عشان خشتك يدري انها قويه شوي هههههه
ومن الجهه الاخرى....
صعفق :عيونك ليش طالعه..؟؟ انا ماقلت لاحد بهالدنيا يشوف لك اصبع ...
هدى : مو شغلك <<توها قاريه كتاب كيف تكون لك شخصيه
صعفق : يلا داخل سوي لي شاهي بزعتر
هدى : يلا ياختي دخلنا داخل <<تسمع الكلام مدري وين راح كلام الكتاب...
انا : اسامه <<وانظر له بعيني الكحيله نظرة مووبصاحيه
واصكه بذاااك البيت
ليت الخلايق تنقلب كلها أنت....وأصير أشوفك كل ماشفت مخلوق
اسامه: الناس تضحك يوم تلقى بعضها ..وأنا مخاصم ضحكتي لين أشوفك<<<متعذب لاحووول
ودخلنا نجر أذيال العذاب والحرمان وإذ بأختي الحرشه منتظرتنا عند باب البيت اللي داخل
الحرشه : وش عندكن لابسات العبايه ؟؟<<بصراحه كسرت خاطري هههه كنت بقولها عن حالتي كنت بفضفض لها
واحكي لها واقووول انا احب وإذ بإختي هدى تمد يدها بسرعه جنونيه تسد حلقي بغت تخترق المرئ واللامعاء الدقيقه والغليظه
هدى : لالا مافي شي هي تحب تتمشى بالعبايه <<ليتك ماتعذرتي
الحرشه :اييييييييه تحب تتمشى بحوشنا بالعبايه
الحرشه : انا سألت مخدتي وقالت لي إن فيه شي مريب ..
عاد أنا موصيه مخدتي بس الظاهر إنها راعية سوالف:angry2:
هدى : أصلا مخدتي تسذوب لاتصدقينها
انا :أنا دايمن اتخيل ومخدتي تصدقني انا اللي اتسذب عليها ..
دخلنا انا وهدى بسرعه عشان مانعطيها مجال للشك
دخلنا للغرفه انا ماسكه مخدتي اسطرها وهدى ماسه مخدتها وحاشرتها بزاويه وتستجوبها وش قلتي ؟؟ ومن كلمتي ؟؟
وموو ملاحظين مخدة الحرشه يالزاويه تتجسس علينا
ولما انتبهنا لها إذ بمخدة الحرشه تهج <<احسه فلم رعب هههه
ورحنا نلحقها عشان ماتعلم الحرشه وفجاءه لقيناها عند الحرشه
توشوش لها <<حاقده على مخدتها
الحرشه : اييييييييه اجل كذا اسامه وصعفق
انا : هاه لالالا مو شي كذب <<وعيوني تغورق من الخوف
الحرشه :ايه اسامه المزيوووون وصعفق
هدى : والله إن صعفق ازين واحلا منه
الحرشه : ترى ماعلم قولوو لي ليش انا مو اختكم انا تغيرت
صرت بنت طيووبه ماني حرشه
صدقناها وقلنا لها كل السالفه .. ولما عرفت السالفه وحسينا انها اختنا بالصدق وانها تابت من الحرشه .. فجاءة اختي الحرشه راحت تركض ...
وعلامات التعجب والاستفهام فووق راسي وراس هدى:confused:
ركضنا وراها ماندري وش تبي تسوي ؟؟ لقيناها راحت يم أمي
وتوشوش لها !!!هنا الصاااعقه !!!!
وفجاءه ركضت مرتن اخرى <<حشى سباق هجن هههه
وركضنا وراها ؟؟!! لقيناها عند ابوي وتوش وش له ؟؟!!
قلنا : لاااااااااا مانتحملش خلاص مش كدا <<قلبنا مصري من الخرعه خخخخخ ..... جاء ابوي وعيونه تتلون الوان من الغضب
انا : يبه ترى السالفه مو كذا ؟؟فيه سوء فهم!!
هدى : يبه ترى صعفق مظلووم <<موو وقته بنوووب تدافع عنه
انا وهدى ركضنا للغرفه وركض ابوي ورانا <<ماتلاحظون اليوم العالمي للركض... وابوي يصفقنا ويمحطنا العقاال والشلوتيات
ابووي: هااااااه أجل تقلقلون لهم بيض وانا اشوف البيض يخلص
انا : اذا على البيض ترى اسامه ياكل من البوفيه صعفق هو اللي ياكل البيض كله
هدى : هااه اشوفك حطيتي على صعفق ماندري منو اللي يقلقل لهم البيض واسامه يزرط ابو كرشه
انا : اسامه ابو كرشه يااا هدى انتي وصعفق اللي مايعرف الرومنصيه
ابوووي : هالحين ابعرف منو المكرش <<يبي يستنتج منو اللي اكل البيض <<بسم الله على ابوي ذكي
وإذ فجاءة باأختي الحرشه تركض <<من تبي تعلم بعد
الحرشه : الوووو الووو الشرطه النجده هناك لصوص <<لاحظو انها تتكلم باللغة العربيه <<مدري ليش متأثره بكونان
ابوي : عفيه شااااطره يابنتي الحروشه وراح اعطيك هديه على اخلاصك بالعمل
الحرشه : هذا واجبي سيدي
ابوي : تفضلي حلاو ابو نص<<امحق هديه
وأتت الشرطه وقبضت على اسامه الحرامي المزيون وعلى صعفق
وشكرت الشرطه ابوي والحرشه على ابلاغهم لانهم حراميه مطلوبين امنيآ ...كانت الحرشه تبي تعلم الشرطه عني انا وهدى
لاننا تسترنا على مجرمين <<بس ابوي أغراها بحلاو ابو نص
والأاااان لقد أزف الرحيل وصرت عقب رحيل اسامه
حزينه ومشوشه وهدى صارت ماتشتهي الاكل وصارت عصلا
اما الحرشه تطورت وصارت بالتحقيق الجنائي ومساعدها المخده
ابوي صار تاجر بيض ,,,,
ياجماعة الخير إذا احد يعرف أخر أخبار الحرامي المزيون اسامه
ولا صعفق يخبرنا برساله خاصه وله الاجر وجزيل الشكر
.....تـــــــم بحــــــــمد الله .....
الأخوات الثلاث @alakhoat_althlath
كبيرة محررات
يلزم عليك تسجيل الدخول أولًا لكتابة تعليق.
akooooon
•
هعهعهع اوووما احلى شي صعفق خخخخخخخخخخخخخخخخخخخخخخخخخخخخخخخخخخخخخخخخ شكله ضمورة على غفلة خخخخخخخخخخخخخ لا لا اختك احسن منك في الاختيار خخخخخخ وصعفق <<<اسمه يضحححك خخخ
ايه صعفق احسه يذكرني بضميري مدري ليه ؟؟<<احم اوووه لا لا كبيرة يا أكون تشبهيني بصعفق خخخخخ
وابوك خخ كيف تجارته اهم شي ربح بالسوق ولا ارتفعت عليه الاسعار ؟؟ خخخخخخخخخخخخخخخخخخخخخ
رووعة القصة تسلمين ياعسل لاتحرمينا
واهم شي صعفق خخخخ
ايه صعفق احسه يذكرني بضميري مدري ليه ؟؟<<احم اوووه لا لا كبيرة يا أكون تشبهيني بصعفق خخخخخ
وابوك خخ كيف تجارته اهم شي ربح بالسوق ولا ارتفعت عليه الاسعار ؟؟ خخخخخخخخخخخخخخخخخخخخخ
رووعة القصة تسلمين ياعسل لاتحرمينا
واهم شي صعفق خخخخ
الصفحة الأخيرة
رووووووعه يسسسسسسسسسلمو
فوووووشي!!