أنا بصراحة اذا بعمل برياني اجهز الخلطة من الليل واذا برد ادخله الثلاجة بدون ماالمسه ، واذا مقلي اخمره من الليل واحطه بالثلاجه ، واذا مرق يعني صالونه عادي اطبخه من الليل وادخله الثلاجه والرز اعمله قبل مااروح الدوام ، او انقعله بالماي لين ماارجع من الدوام واطبخه على طول ماياخذ وقت
اسلقي الدجاج واذا استوا خليه يبرد بعدين حطيه في الثلاجه ونقعي الرز وكمان حطيه في الثلاجه واذا صحيتي دخلي الدجاج في الفرن والرز اطبخيه وراح يستوي بسرعه لانه منقع
والسلطه تقدرين تقطعينها من الليل ووقت التقديم ملحيها وحطي ليمون وبس هذا اللي عندي لك

أنا قد جربت طريقه روووعه ومايتغير طعم الدجاج
أسلق الدجاج بالطريقة المعتادة (طبعاً لازم يكون مقطع أرباع)
بعد مايستوي اصفيه وأحط ماء السلق في الثلاجه
واخفق بيض مع ملح وبهارات وفلفل واحط الدجاج فيه بعدين احطه بالبقسماط أو دقيق وأدخله الفريزر ( لازم الفريزر عشان مايتغير طعم الدجاج)
وإذا قمتي من النوم طلعي الدجاج من الفريزر واقليه بالزيت
واغسلي الرز (بعد لو حبيتي تغسلين الرز من الليل عادي بس حطيه بالثلاجه) وكبيه على ماء سلق الدجاج اللي حفظتيه بالثلاجه
والله هالطريقه سهله وجداً مريحه خاصه إذا كنتي تتأخرين في النوم
وفيه طرق صواني بعد ينفع تصلحينها من الليل وتدخلينها الثلاجه وإذا صحيتي بس تدخلينها الفرن ..
كل اللي ردو علي ورفعوا الموضوع الله يجزاهم الجنة


الساعة الآن 08:00 .