Analysis Services
  • «
  • 1
  • 2
  • 3
  • >
  • »
في البدايه اشكر كل وحده ساعدتني وحطت وصفه والا رفعت الموضوع والا ارفعت معنوياتي
الله يجزاكن خير ويرزقكن بصحبة الرسول عليه الصلاة والسلام والنظر بوجه الباري
الله يطول بعماركن ويرزقن بالذريه والازواج الصالحين
الله يعلي شانكن دنيا واخره
الله يفرج همكن ويرزقكن من حيث لاتحتسبن
بنات امس سويت لابوي رز ابيض وسلطه

واليوم قلت بسوي رز احمر مدري اصفر المهم اللي يجي ملون بس كيف اسويه يعني نفس الابيض انا امس حطيت رز وزيت وحليب عشان يطقم مع الرز الابيض ههههههه وملح وماي مدري طريقتي صح والا لا ^_^
لاني فتحت الدرج واي شي حطيته
طبعا بدون لحم بس رز وسلطه
ويالبى قلبه ابوي اكله بس عاد مدري هو مجامله وابتلش فيني والا هو حلو وعادي
انا احسه عادي يعني مب شين
طيب اذا بغيته ملون اسوي نفس الطريقه بس ازيد صلصله صح
وبعدين دخلت المطبخ وجلست ادعبر بالفريزر واحوس وسحبت الاكياس اخذ وارمي لان امي الله يسلمها مقسمتهن بااكياس وحاطه كل كيس فيه مقدار وجبه وكذالك حاطه مدري شنو كروش بروحها والكبد بروحه المهم طفشت والاكياس باره عقبها سحبت اقرب كيس لحمه لكن ابتلشت فيها هي كتف مدري رجل شي فيه عظم المهم كيف اسوي فيها يعني اقطعها واخذ اللحم وارمي العظم والا احطها على شكلها بالقدر

بعد عندي مشكله الحين الرز مو اذا انطبخ يكثر انا احس امس الرز ماكثر مثل دايم واللي اشوفه تتوقعون شنو السبب لاتقلون ماااستوى لاني غفصته وانغفص يعني مو قاسي ههههههههه ===>>الله يعين اللي بتطبخ له *_*
تتوقعون السبب من نوعية الرز لانه جديد
ايه نسيت الزبده علموني بالحمه شنو اسوي فيها الحين
لاتنقدون علي يابنات والله اول مره اطبخ ولا اعرف ولاني مااكل الحم مدري شنو انواعه والمسميات يعني جاملوني وساعدوني
وكيف اعرف انها زانت لاتقلون اكليها لاني مااحب الحم ولا المرق ولا الرز الملون يعني مااقدر اذوقه
وزين بعد اني بعد بجازف واسويها وانا مااكلها كثر الله خيري @_@
والحين بروح اغسل المطبخ وانظف المواعين واكنس البيت وارتبه يوووه وبالاخير ابخره حسيت اني تعبت
خلاص ماعاد ابي اتزوج
الحين عرفت ليه اني دايم اشوف البنات يقلون يارب نتزوج وانا سبحان الله احس الموضوع عادي عندي لدرجة شكيت اني مب بنت مثلهم
اثاري لاني مرتاحه في بيت اهلي ولا ابي المسؤوليه والكرف والطبخ سحقا لشغل البيت
سبحان الله والحمد لله والله اكبر
30-12-1431 هـ, 07:23 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حبيبتي الله يعين رجالك عليك من كثر الهذرة عندك
هههههه

المهم يا الغلا لازم تحبين الطبخ بأنواعه علشان تبدعين

مافيه شيء اسمه ما احب آكله لازم تتذوقينه لو ما تحبينه

وانا متأكده انك بتنجحين
30-12-1431 هـ, 07:44 صباحاً
 
ماشاء الله عليك سنعه الله يوفقك

هو الطبخ يبي له بس ثقه بالنفس وكل شي يكون حلو لو فشلتي مره وثنتينت بالنهايه راح تنجحين

راجعي مواضيعي فيه موضوع عن تعلم الطبخ ببيفيدك ان شاء الله الصفحات عندي ثقيله والاكان جبت لك الرابط

اللحمه اذا كانت كبيره افضل تطبخينها بصينيه بالفرن واسهل طريقه وتكون لذييذه اغسلي اللحمه تمام

واعملي فيها شقوق بسيطه بالسكين بعدين افركيها بملح وفلفل اسود وبهارات مشكله وليمون اسود الليمون كثريه

يعني اللحمه يكون لونها مثل الليمون لانه بيعطيها نكهه حلوه بعدها حطيها بالصينيه واضيفي لها المويه وغطيها بقصدير

ودخليها الفرن من ساعه الى ساعه ونصف بيكون واضح عليها النضج اذا نضجت بعدها شيلي القصدير وحمريها

وقدميها مع رز ابيض او احمر وسلطه والرز الاحمر لازم تكشنين له بصل وطماط مطحون وصلصه وبهارات بعدين الرز

مو مثل الابيض المسلوق بس انتي ليش اضفتي حليب على الرز الافضل بدونه الرز الابيض بس رز ومويه وزيت وملح

وبهارات حب ولا تنسين تقدمين سلطه او خضار مشكل معاه
30-12-1431 هـ, 08:29 صباحاً
 
شوفي طريقتي لأنها اسهل واسرع وماتستهلك غاااز وبسيطه وان شاء الله تعجبك,,,,,

اول شيئ ق
طعي اللحم صغير الى متوسط وعلى طول غسليه وسويه في قدر تيفال او ستناستيل حتى مايلصق بس حركيه وغطيه وكل شوي وعلى نار هاديه حركيه طبعآ بدون اضافات الى ربع ساعه ,,,

بعدها اضيفي البصل المق
طع صغير وقطع قرفه وفرنفل وهيل وحركي وغطيه وبعد مايذبل اضيفي البهارات والفلفل وخليه ثواني بس لمى تطلع ريحة البهارات اضيفي الطماطم والملح واذا ماتحبي بس اضيفي معجون الطماطم مع الملح وحركيه 5دقايق لحد ماتذبل الطماطم,,,

بعدها اضيفي الماء لنصف القدر وي
كون مغلي من قبل وخليه ربع ساعه على نار عااليه ,,,,

وبعدها اضيفي الأرز المنقوع في مويه ساخنه مسبقآ وبعد مايغلي خفظي النار عليه ومارا
ح يطول عشر دقايق ويستوي بس اهم شيئ ماتكون المويه كثيره عليه ولمي يستوي خلاص طفي النار و خليه 5دقايق وبعدها قدميه,,

واذا مات
حبي تضيفي الرز على اللحمه اثناء الطبخ ممكن تطلعي اللحم في قدر ثاني حتى مايبرد وضيفي الرز ,,
واذا تبغيه اصفر لاتضيفي
طماطم خليه ابيض وفي النهايه اضيفي رشة كركم على سطح الرز وحركيه بخفيف حتى مايتكسر الرز...


وهنا شوفي التقديم واضافاته...










وبالعااااآآآآآآآآآآآآآآآآآآآآآآآآآآآآآآآآآآآآااااافيه....




وشوفي هنا مفيد
http://forum.hawaaworld.com/showthread.php?t=811912
30-12-1431 هـ, 09:23 صباحاً
 
اقتباس مشاركة  (فووووزه)
حبيبتي الله يعين رجالك عليك من كثر الهذرة عندك
هههههه

المهم يا الغلا لازم تحبين الطبخ بأنواعه علشان تبدعين

مافيه شيء اسمه ما احب آكله لازم تتذوقينه لو ما تحبينه

وانا متأكده انك بتنجحين

ههههههههههههههههه
يحمد ربه اني وافقت عليه من زينه هو وخشته
خليه الحين يجي
30-12-1431 هـ, 09:34 صباحاً
 


الساعة الآن 11:48 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏