اقتباس مشاركة  (مزون مكه)
شوفي طريقتي لأنها اسهل واسرع وماتستهلك غاااز وبسيطه وان شاء الله تعجبك,,,,,

اول شيئ قطعي اللحم صغير الى متوسط وعلى طول غسليه وسويه في قدر تيفال او ستناستيل حتى مايلصق بس حركيه وغطيه وكل شوي وعلى نار هاديه حركيه طبعآ بدون اضافات الى ربع ساعه ,,,

بعدها اضيفي البصل المقطع صغير وقطع قرفه وفرنفل وهيل وحركي وغطيه وبعد مايذبل اضيفي البهارات والفلفل وخليه ثواني بس لمى تطلع ريحة البهارات اضيفي الطماطم والملح واذا ماتحبي بس اضيفي معجون الطماطم مع الملح وحركيه 5دقايق لحد ماتذبل الطماطم,,,

بعدها اضيفي الماء لنصف القدر ويكون مغلي من قبل وخليه ربع ساعه على نار عااليه ,,,,

وبعدها اضيفي الأرز المنقوع في مويه ساخنه مسبقآ وبعد مايغلي خفظي النار عليه وماراح يطول عشر دقايق ويستوي بس اهم شيئ ماتكون المويه كثيره عليه ولمي يستوي خلاص طفي النار و خليه 5دقايق وبعدها قدميه,,

واذا ماتحبي تضيفي الرز على اللحمه اثناء الطبخ ممكن تطلعي اللحم في قدر ثاني حتى مايبرد وضيفي الرز ,,
واذا تبغيه اصفر لاتضيفي طماطم خليه ابيض وفي النهايه اضيفي رشة كركم على سطح الرز وحركيه بخفيف حتى مايتكسر الرز...


وهنا شوفي التقديم واضافاته...










وبالعااااآآآآآآآآآآآآآآآآآآآآآآآآآآآآآآآآآآآآااااافيه....




وشوفي هنا مفيد
http://forum.hawaaworld.com/showthread.php?t=811912

ياجعل الجنه مثواك ماقصرتي يالغلا
30-12-1431 هـ, 09:36 صباحاً
 
اقتباس مشاركة  (حجابي عفافي)
ماشاء الله عليك سنعه الله يوفقك

هو الطبخ يبي له بس ثقه بالنفس وكل شي يكون حلو لو فشلتي مره وثنتينت بالنهايه راح تنجحين

راجعي مواضيعي فيه موضوع عن تعلم الطبخ ببيفيدك ان شاء الله الصفحات عندي ثقيله والاكان جبت لك الرابط

اللحمه اذا كانت كبيره افضل تطبخينها بصينيه بالفرن واسهل طريقه وتكون لذييذه اغسلي اللحمه تمام

واعملي فيها شقوق بسيطه بالسكين بعدين افركيها بملح وفلفل اسود وبهارات مشكله وليمون اسود الليمون كثريه

يعني اللحمه يكون لونها مثل الليمون لانه بيعطيها نكهه حلوه بعدها حطيها بالصينيه واضيفي لها المويه وغطيها بقصدير

ودخليها الفرن من ساعه الى ساعه ونصف بيكون واضح عليها النضج اذا نضجت بعدها شيلي القصدير وحمريها

وقدميها مع رز ابيض او احمر وسلطه والرز الاحمر لازم تكشنين له بصل وطماط مطحون وصلصه وبهارات بعدين الرز

مو مثل الابيض المسلوق بس انتي ليش اضفتي حليب على الرز الافضل بدونه الرز الابيض بس رز ومويه وزيت وملح

وبهارات حب ولا تنسين تقدمين سلطه او خضار مشكل معاه

يوم قلتي اني سنعه الله يااني تشققت وتونست حسيت اني حووورمه قدعه
الله يرحم والديك وينور دربك ويسخرك عبيده باارضه وملائكته بسماه
30-12-1431 هـ, 09:38 صباحاً
 
هههههههههههههههههههههه

الله يسعدك

والله احسك تتريقين

عموما البنات فيهم البركه بيردون عليك انا لو ارد مابيعجبك ردي
30-12-1431 هـ, 10:16 صباحاً
 
اقتباس مشاركة  (omhoood)
هههههههههههههههههههههه

الله يسعدك

والله احسك تتريقين

عموما البنات فيهم البركه بيردون عليك انا لو ارد مابيعجبك ردي

وربي اني جاده

انا شاطره بكل شي الا الطبخ الثقيل مثل الايدام والرز وخصوصا لاني مااكل هالاكل فماعندي خبره يعني الحلويات شاطره فيها وبقوه لكن غيره وشي فيه زفر نو ويه

احس شكلك من اللي لو ترد قالت ايه هذي من قل السنع والرباده والا فيه بنت ماتعرف تطبخ
زين انك مارديتي وان شاء الله الله ان حالي بيتعدل وبوقف وقفه جاده وحازمه مع نفسي واصير حورمه ==>>ايه هين بس لين ترد امك وترجع حليمه لعادتها القديمه
30-12-1431 هـ, 10:46 صباحاً
 
هههههههههههههههههه الله يسعدك

لا والله ماهو كذا بيكون ردي بس باعصب عليك في الشرح شويه لان خواتي مثلك بالضبط واعصب عليهم واتفلسف عليهم كثير

وعلى فكرة انا اغلب الاشياء ماتعلمتها الا بعد زواجي

فاحسن لك تعلمي في اهلك
30-12-1431 هـ, 10:55 صباحاً
 


الساعة الآن 11:07 .