السلام عليكم ورحمة الله وبركاته
كيفكم صبايا ... بدخل فالموضوع دغري احس حتى ما فيه وقت اكتب كلام واجد ...تخيلو زوجي وش طلب مني ع الغدى قال ابي عشاء جريش مشتهيه انا نشبت القمه في حلقي بس الحمدلله جت سليمه ... وحافظت على توازني وقلت اوكيه وانا ما عرف اصلا ولا عمري سويته اليله الله لا يعوق بشر بمثل اني تعبانه بس بكره لازم اسويه ...احس اني للحين مصدومه من الخبر احسه صعب بس تكفون ابي طريقه مضمونه تضبط من اول مره واكشخ فيها قدامه ............طلعوني من الازمه الله يجزاكم خير
انا واخواتي ندخل بنفس الاسم
السلام عليكم ورحمة الله وبركاته
اختي الغالية اليك طريقة الجريش الابيض :
كأسين جريش مغسول ومنقوع بماء حار لمدة ربع الى نصف ساعه 0
ضعي في القدر نصف قالب زبدة وبصلة صغيرة احمسيها قليلا فقط ثم ضعي كمون وماجي ابيض قليل وضعي ماء واتركيه يطبخ ثم ضعي الجريش عندما يتشرب الجريش الماء ضعي الملح واللبن تقريبا نصف لتر الى ثلاث ارباع لتر واتركيه على نار هادئه وتحته حديدة على النار واتركيه لمدة من ثلاث ساعات الى خمس ساعات 0
اعملي الكشنه الخاصة للجريش اللي تحبين 0وبالعافية على قلبك

الجريش سهل

شوفي ياقلبي
حطي في قدر الضغط : اللحم وكوب جريش زنصف او ثلث كوب رز مصري
وبصل وملح وبهارات وماء وقفلي القدر ولما يصفر وطي النار عليه
وبعد ساعة الا ربع اضيفي زبادي وخليه ربع ساعة على نار هادئة بدون ما تضغطيه

وبالعافية عليكم
سوي بحث عمو قوقل
rwyl_lmr
ياحليلك ياليت دريت عنك كان ارسلت لك من غداي حافظه توني مخلصه متغديه جريش

مافيه اسهل من الجريش توكلي على الله وسويه الليله فيك فيك طبخته وين تهربين خخخ

قطعي بصل صغار واحمسيه بزيت بعجين اضيفي قطع لحمه صغار او دجاج على حسب رغبتك

ورشي عليها ملح وكمون بعدين حطي الجريش عليها اذا انتم شخصين حطي كاس ونصف جريش + نصف كاس رز مصري

اغسليه وكبيه على اللحمه وصبي عليه مويه مغليه اذا بداء يطبخ هدي النار مره وخليه كل شوي قلبيه واضيفي مويه

لانه يشرب المويه وخليه ساعتين كذا بعدين صبي عليه لبن تقريبا لهالمقدار ثلاث علب صغار من اللبن وقلبيه بين فتره

لفتره لمدة ساعه اضافيه يعني مدة طبخه كلها ثلاث ساعات ويطلع معك احلى جريش ان شاء الله

ولاتنسين تذوقين الملح وتضبطينه لانه يحتاج ملح مع زيادة المويه وجهزي كشنه للوجه بصل مقطع صغار احمسيه بزيت

او سمن وحطي عليه فلفل اسود وليمون اسود مطحون وبالعافيه عليكم وطمنينا وش يصير معك ترى الطريقه تحسينها طويله

لكن اسهل شي الجريش مريحه طبخته مو مثل غيره شبي عليه وانسيه بس قلبي بين فتره وفتره





الساعة الآن 08:36 .