اقتباس مشاركة  (حجابي عفافي)
ياحليلك ياليت دريت عنك كان ارسلت لك من غداي حافظه توني مخلصه متغديه جريش

مافيه اسهل من الجريش توكلي على الله وسويه الليله فيك فيك طبخته وين تهربين خخخ

قطعي بصل صغار واحمسيه بزيت بعجين اضيفي قطع لحمه صغار او دجاج على حسب رغبتك

ورشي عليها ملح وكمون بعدين حطي الجريش عليها اذا انتم شخصين حطي كاس ونصف جريش + نصف كاس رز مصري

اغسليه وكبيه على اللحمه وصبي عليه مويه مغليه اذا بداء يطبخ هدي النار مره وخليه كل شوي قلبيه واضيفي مويه

لانه يشرب المويه وخليه ساعتين كذا بعدين صبي عليه لبن تقريبا لهالمقدار ثلاث علب صغار من اللبن وقلبيه بين فتره

لفتره لمدة ساعه اضافيه يعني مدة طبخه كلها ثلاث ساعات ويطلع معك احلى جريش ان شاء الله

ولاتنسين تذوقين الملح وتضبطينه لانه يحتاج ملح مع زيادة المويه وجهزي كشنه للوجه بصل مقطع صغار احمسيه بزيت

او سمن وحطي عليه فلفل اسود وليمون اسود مطحون وبالعافيه عليكم وطمنينا وش يصير معك ترى الطريقه تحسينها طويله

لكن اسهل شي الجريش مريحه طبخته مو مثل غيره شبي عليه وانسيه بس قلبي بين فتره وفتره
وربي احلى طريقة الماما تسويها وقد سويت لااهلي بس بقدر الضغط احلى ترين والله يجمعكو ع الخير
30-12-1431 هـ, 04:29 مساءً
 
الله يعينك انا زيك اتمنى ما يطلب زوجي شي الا وانا قد تدربت عليه
30-12-1431 هـ, 04:32 مساءً
 
اقتباس مشاركة  (الجيده)
بالعكس الجريش سهل بس أنتِ شايله هم


أنا يوم التنظيف الكامل بالبيت أزين جريش مايبي شغل حطيه وإنسيه

طريقة الاخوات واضحه وسهله بس قبل التقديم حركيه بقوه لما يتجانس

ولو حبيتي بخلاط الكيك موب الكاس الريش

خبرينا بالنتايج

موفقه إن شاء الله
فكره حلوه خلا ط الكيك كنت احاتي الخلط احسه ثقيل الله يساعدني بس ***** الله بديت استوعب وهذا بفضل الله ثم بفضلكم
30-12-1431 هـ, 05:19 مساءً
 
حيبات قلبي ادرررري متأخره واااااااجد فالرد بس والله ان النت انقطع مني من ذاك الوقت اشوى انه انقطع بعد ما علمتوني على الجريش سويته بعد دعمكم لي النفسي والمعنوي طبقة الطريقه الي كتيتوا كانت كلها متقاربه وطلع يجنننن وسهل مره لايفوتكم وانا كاشخه عند رجلي يقولي شغلك خطير فالجريش عاد انا من زود الثقه قلت ايه انا اسويه دايم عند اهلي بس غفلت عنه لين ذكرتني اياه احس انها ما مشت عليه بس يالله..... وش نسوي ولا ....زادت الكميه وارسلت لجارتي الا تدق تسألني عن الطريقه وانا كاشخه اقول ما يبيله شي سوي وحطي اتفلسف وهذا كله من فضل الله ثم بفضلكم حبيت بس اطمنكم علي الله يسعدكم ويوفق كل من رد علي دنيا واخره.
05-02-1432 هـ, 07:38 مساءً
 
يااااحبي له بس احسه حوووووسه

وثلاث ساعات يالله مدة طوويله

طيب لو بسوي بقدر الضغط كم الوقت وهل يخترب ولا يضبط معي
06-02-1432 هـ, 12:25 صباحاً
 


الساعة الآن 01:05 .