السلام عليكم ورحمة الله وبركاته

ياحبيلكم ابي زنجبيل المخلوط بالزعفران ويكون حاااااار وين القاه

ومن تعلمني طريقة الفريك الله يوفقها ويسخر لها
30-12-1431 هـ, 03:05 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
انا اعرف وحده تبيع الزنجبيل اذا تبينه ارسلي لي على الخاص عشان ارسلك الرقم

30-12-1431 هـ, 03:33 مساءً
 
up
30-12-1431 هـ, 04:27 مساءً
 
تعرفين محلات الخضار خاصه يعني مثل أولاد علي منتوجاته تجي من القصيم رياض القصيم منتوجات من القصيم.....الخ اي محل
بتحصلين عندهم مخلطات عبدالعزيز صراحه كل مخلطاته جربتهن زنجبيل بهارات لايعلى عليها
وانا طريقتي ماحط زعفران تعرفين العصفر اطحنه نااااااااعم واخذ بملعقه صغيره بس شي خفيف واحطه داخل الترمز اهو والسكر والزنجبيل واصب المويه المغليه صراحه طعم والعصفر يعطيه لون مثل لون الزعفران ولا يطعم فيه
جربي هالطريقه وبترتاحين وتدعين لي
اما طريقة عمل الفريك ماعرفها
30-12-1431 هـ, 04:30 مساءً
 
الزنجبيل انا شريته من وحده مو ذاك الزود ماعجبني ....

طريقه الفريك

له طريقتين اختاري اي وحده

الاولى

تسوين عجينه ( دقيق اسمر + مويه دافيه + ملح + حبه البركه+بكنج باودر ) وتعجنينها زين وتخلينها ترتاح نص ساعه وبعدين تحطينها في صينيه تيفاال مستطيله حقت الكيك

وتدخلينها الفرن من فوق ومن تحت الين يستوي

وبعد ماتطلعينها من الفرن تقطعينها صغار بسكين وتعجنينها بيدك بسمن وعسل وبالعافيه


الطريقه الثانيه احلى بس اصعب ,,,

تعجنين ( دقيق اسمر + مويه دافيه + ملح + بكنج باودر ) وتحطينها على التاوه زي خبز الصاج بس اعرض واثخن وتقلبينها الين تستوي وتقطعينها وتحطينها في الفرامه وتفرمينها مع سمن بري

وبالعافيه
30-12-1431 هـ, 05:09 مساءً
 


الساعة الآن 06:03 .