هذا غدا خفيف تقدري تسويه اذا كنتي مستعجلة وكمان اللي مو متعود عالمقبلات ودايم رز وايدامات ينفع تغيير.
المحتويات:
ورق عنب
بطاطس مقلي
حمص
فتوش
نبدأ بالورق العنب اخذت الطريقة من جوجو2222
بس اضفت ملح ليمون من عندي وعصرت طماطم كمان من عندي وطلع شي.
بعد ما تحطي الورق العنب بالفرن احسبي له 10 دقايق او 15 دقيقه وجهزي الباقي.
1. اول شي حمي الزيت على النار عشان البطاطس.
2. بعدين فكي الحمص من علبته وحطيه وزينيه بزيت الزيتون والسماق والبقدونس.
3. وقطعي البطاطس وحطيه بالزيت واذا انقلى زينيه ابلفلفل والكمون والكتشب.
4. وعلى بال ما ينقلي قطعي الطماطم والخيار والفلفل الاخضر والبقدونس والخبز مربعات.
5. اقلي الخبز بالزيت بعد البطاطس وطلعيه.
6. وجهزي الفتوش وحطي عليه ملح وشوية ليمون وملح الليمون وزيت زيتون.
واكيد يكون الورق العنب استوى
7. طلعيه واستنيه يبرد شوية وقدميه وترى طعمه مره خطير بالخلطة.
وبالعاااااااااافية
