شوفي أنا كنت زيك وأول مرة اشتريته علمتني صديقتي طريقة رووووعة جزاها الله خير

تنقعين الربيان في
زبادي + ملح + ثوم مفروم + كزبرة مفرومة + كركم + كزبرة مطحونة + فلفل أسود + عصير ليمونة + زنجبيل طازج أو بودرة
بعدين تحمسين على النار بصل + ثوم + طماطم وتصبين الربيان بلطته عليه وتحركينه على النار وتتركينه يتسبك على نار متوسطة ربع ساعة تقريبا
تكونين أثناءها سالقة رز أبيض
تصفين الرز وتكبينه على الربيان وتقصرين النار وتغطين القدر خمس دقايق بس
وتمتعي بأحلى برياني


وعندي طريقة ثانية بعد حلوة لو بغيتيها كتبتها لك

دعواتك
04-01-1432 هـ, 02:53 مساءً
 
الله يعطيك العافيه ويجزاك كل خير



اي اكتبها عادي بجربها كلها *****الله
04-01-1432 هـ, 03:37 مساءً
 
عندك سلطة الربيان
وصينيه الربيان بالبطاطس
وايدام الربيان
ورز بالربيان
وابحثي عن الربيان بيطلعلك اكلات اشكال والوان
04-01-1432 هـ, 03:41 مساءً
 
اقتباس مشاركة  (طيف امراه)
الله يعطيك العافيه ويجزاك كل خير



اي اكتبها عادي بجربها كلها إن شاء الله

يعافيك ياعمري
أبشري من عيوني

شوفي
تنقعين الربيان في عصير ليمون + ملح + ثوم مهروس + فلفل أسود + فلفل أحمر لو حبيتي بارد أو حار أنتي وذوقك + بهارات سمك ولو ما عندك حطي بهارات مشكلة مو مشكلة + شوية صويا صوص + شوية خل + كزبرة مطحونة + كمون + شوية كركم
تخلطينها كلها وتنقعين فيها الربيان ساعة ساعتين حسب وقتك المتوفر
بعدين تاخذينهم الربيانات حبة حبة وتطلعينهم من الخلطة وتدحرجينهم في طحين مخلوط مع شوية ملح + فلفل أحمر (بابريكا) + فلفل أسود
وتقلينهم بزيت حامي
على فكرة ما راح ياخذون وقت طويل مجرد ما يتحمرون طلعيهم واستمتعي بأحلى بروستد

وعلى فكرة نفس الطريقة بالضبط تسوينها مع سمك فيليه مقطع
وممكن نفس الخلطة تسوين سمك وربيان ورز أبيض بنفس اليوم يطلع غداء محترم

دعواتك
05-01-1432 هـ, 03:55 مساءً
 
اكبسي عليه رز احمر
05-01-1432 هـ, 04:03 مساءً
 


الساعة الآن 12:06 .