السلام عليكم
قوة بنات وشلونكم
سبق ووعدكم بهالموضوع
http://forum.hawaaworld.com/showthread.php?p=55031047#post55031047
والحين اوفي بوعدي
وهذي خطوات الفيشل وكنت منزلتها بمنتدى ثاني وهي من تجميعي من خبرات البنات ومدحهم لهالاغراض
والاهم مافيها بخار وعمليه يعني ما تاخذ من وقتك اكثر من 45دقيقة الى ساعه بالكثير
نبدأ بسم الله
بشرتي مختلطة ,صافيه نوعا ما,دهنية بمنطقة الانف وعندي زيوان بشكل بسيط ومسامات واسعه
IMG_1046
1-اول شئ اقشر بشرتي بصنفرة سانت ايفز وهذا النوع هو التوب عندي بصراحة جربت كل الانواع ورجعت له مرة ثانيه
طريقتي:
انقطه على الوجه والرقبه وافرك بذمه خصوصا الانف وتحته
بعدها ابلل اطراف اصابعي بالمويه وافرك بنعومه ثم اشطف
2-اختار اي من القناعين الطين والكركم من الهملايا او فيزبلي كلير من نايتروجينا
بالنسبة للطين أمده على الوجه والرقبه
استرخي لربع ساعه وامسحه بقطعه اسفنج خاصه بالماسكات مبلله بالموية
بتحسين بتقشير خفيف بسبب الاسفنجة
هي تجيك مثل الاستيك وتنتفخ بالبلل وبشوفونها بالصورة الثانيه مفرودة
النوع اللي اخترته خاص بالبشرة الدهنية والمعرضة للحبوب
مرة تلقفت وجربت الطين الابيض للبشرة المدهنة بزيادة
وشد وجهي بشكل فضيع ما حبيته
3-عادة اذا مستعجلة ومالي خلق للتسدح استخدم نايتروجينا ميزته انه 2في1 يعني غسول وماسك
حلو والاحلى منه ديب كلين هذا شوي قوي ع البشرة
5دقايق وانتي خالصة يعني ممكن تفرشي اسنانك او تجهزي اغراضك الباقيه
واذا مرررررة متعيجزة الطخ خشمي وبس لانه عقدتي الوحيدة -الحمدلله على العافيه بس-
4-ارطب خشومي واحط الstirp
-هذي النوعيه جيدة وسعرها معقول وبصراحه الغالي زي الرخيص حسب تجربتي-
قبل لا احطها اقصها على مقاس خشومي العزيز يعني ما توصل لخدودي مو ناقصه تتعود
طريقه القص
اصفطها من النص واقص الزوائد-تبون صورة توضيحة من عيوني-مصدقه عمري
الموهيم
القصاصات الزايدة احطها على ذقني
ربع ساعه وتنشف
وتشيلينها بسرعه زي الحلاوة
وبتشوفي احلا showعليها:09:
5-بعدها امسحي المنطقه بالاسكينول حتى تسكري المسام
القرين بابيا انسب نوع لي
اللي بالخيار قشر وجهي
اللي باليمون ريحته قويه كنها اسيتون
البايايا العادي مو مرة
الافوكادو كنه صابون والله رجيته وطلعت لي رغوة!
الشفاف ما ينظف كنه مويه
اخيرا اكتشفت انه تقلييييييييييد
IMG_1049
6-طبعا هالربع ساعه استغلها بشغلتين
اصبغ واشقر حواجبي
الصبغة بيجن وهذا احلى لون بني شوكلت
الكرتونه الاورنج ما انصحكم فيها سيئةجدا-مكتوب عليها بني-
استخدم عود اسنان للرسم
بعدها اشقر
احيان اذا ابي لوك طبيعي الغي خطوة الصبغة
اذا خلصت امسح التشقير اول بعود اذن
وبعدها اجيب نفس الاسفنجه حقت الماسك مخصصتها للصبغه وامسح شوي شوي حتى لا احوس الدنيا
بعدها امسح المنطقه بفازلين او فيوسودين او بناثينول او بتنوفيت .....الخ اي كريم حساسية
7-وبنفس الوقت
جيبي هالدواير الحلوة -اول ريدي مخزنه بالثلاجة- وبلليها بمويه ورد باااااااااارده وحطيها تحت عيونك واستمتعي باحلا انتعااااااش
هالنكهة ما عليها بس اللي بالخيار ااطلق بكثير واللي عجبني اكثر ان شكلها هلالي
واو من جد تشوفين فرق من اول مرة تخف الخطوط وتحسين العين مرتاحة ومنورة
8-واذا ما مداك تجيبنيها ممكن تبللي قطع القطن بمويه الورد ويمشي حالها
هذي احسن نوعيه جربتها ما تخدش ولا تترك بقايا ولا تتشرب كثير
واحيانا من القعاطة اقسمهاواستعملها مرتين
صناعاتها بولدنيه
بالنسبة لموية الورد
كل الانواع سوى عندي
السرتي -تالية اللبناني-فا يعني الجود من الموجود اهم شئ باااااااااااردة واللي تعرف الاجود تفيييييييدنا
تحذير حكومي:
وانتي مطبقه الخطوات الثلاث السابقه يحبذ محد يدخل عليك الغرفة خشية عليه من الصدمه!!!!
خففي الاضاءة واستغلي هالربع ساعه بالاسترخاء والتسبيح او الاستغفار
وهذا عامل جدا مهم في تنوير الوجه سبحان الله
قال الرسول صلى الله عليه وسلم:
(كلمتان خفيفتان على اللسان ,ثقيلتان في الميزان ,سبحان الله العظيم ,سبحان الله وبحمده)
(من لزم الاستغفار,جعل الله له من كل ضيق مخرجا ,ومن كل هم فرجا ,ورزقه من حيث لا يحتسب)
(سبحان الله عدد خلقه ورضا نفسه وزنه عرشه ومداد كلماته)
كلمات معدودة واجرها كبير سبحان الله
نرجع لموضوعنا
9-مسك الختام اي قناع نضارة معتمد عندك
عن نفسي احب ملعقتين حليب بودرة وملعقتين مويه ورد واذا شفتيها سايلة زيدي عليها شوي نشا حتى تتماسك
ومديه على الوجه والرقبه والصدر بعد-انا حتى عيوني الطخها-
وانبطحي لربع ساعه حتى ينشف لا تتمشين فيه بالبيت حتى لا يترهل وجهك بسبب الجاذبية
-هذا موهب فيشل الدعوة صارت كلهااسترخاء في تبطح معليش بيوتي از بينفول-مدري وش دخل الالم بالسالفة؟:39:
ثم اشطفي شوي شوي وشوفي الاشراااااااااااااااااااااق وسمي على عمرك ترى العين حق لا يصير الشغل كله نقمه عليك
ولا تنسي يوم تتمقلي بالمرايا تقولين :(اللهم حسن خُلقي كما حسنت خلقي)
وبسسسسسسسسسسس وهذي طريقتي بالتفصيل الممل جربت الفيشل عند خبيرتين بشرة ومو ذاك الزود
والبخار ما حبه احسه قوي ويكتمني,وجبت ابرة التنظيف من البدي شوب حاستني وبقعت خشمي ورميتها بالدرج حتى اشعار اخر
ليلة العرس طبقت كل هالخطوات وشقرت جسمي كله-باكسجين قوة 10%- ما عدا حواجبي مسويتها من ليلة الحنة
اهم شئ يا بنات قناع موية الورد والنيدو
وحلقات العين
ضروري قبل لا تروحين المشغل
وقبل المكياج وزعت كريم الاضاءة ريفلون اخذت اللون الزهري-في ابيض وذهبي وبرونز-
واساسي كان ديرما كول وعطاني لوك طبيعي جدا
وممكن تاخذي اي نوع بس اهم شئ خاص بالتصوير
Image1831
والحمدلله شكلي بالصور سواء بكميرتي الخاصة او عن طريق المصورة ما كان في اختلاف بين وجهي وجسمي
عكس صديقاتي خخخخخخ
مع اني فستاني مكشوف وخفت احط اساس على الجسم حتى لا يبقع فستاني او يغطي على نقش الحنة
بس وزعت شوي بودرة لمعه وبس:icon28:
واخير وليس اخرا تدرون اني نشبة لااااااااااااازم تدعو لي
الله يرضى عليكم دنيا واخرة ادعوا لي يا حبايبي
بالزرق الحلال وبتفريج همومي عاجلا غير اجل
ويحفظ لي زوجي من كل مكروه
ويكفينا شر خلقه
اللي تبي تنقل حلالها بس تذكر اسمي واسم المنتدى وتدعي لي بالخير
واي سؤال نحنو بالخدمة
الحنونة_83 @alhnon_83
محررة
يلزم عليك تسجيل الدخول أولًا لكتابة تعليق.
,وليش تفركين حواجبك عشان تطيح الشعيرات الصغيره مو حرااام وانتي عارفه حكم النمص كمان التشقير اختلف فيه العلماء اتركيه احسن ومن ترك شيئا لله عوضه بخير منه
الصفحة الأخيرة
الله يرزقك
بالزرق الحلال وبفرج همومك عاجلا غير اجل
ويحفظ لك زوجك من كل مكروه
ويكفيك شر خلقه