بسم الله الرحمن الرحيم
كيف جميلات عالم حواء ***** الله انكم بخيييير أنا من قسم الاعمال الفنيه وحبيت اني اطرح موضوعي اليوم حتى تعم الفائده. . طبعا القسم هذا لازم من المرور عليهواستفدت منه كثييييير وحبيت اني ارد جميلكم علي بها الموضوع ما لكم في الطويل . .

أذكرو الله يذكركم

انا دايم مع اغراض البيت الشهريه اشتري كرتون دجاج و زوجي وعيالي يفضلون الافخاذ على الصدور حاولت اني اشتري أفخاذ الدجاج فقط بس ابو الشباب يقول طعمها يختلف عن الدجاجه كامله شوفو التفكير كيييف. . فرجعت اشتري كرتون دجاج طبعا الصدور تتجمع عندي في الفريزر و تسوي لي زحمه ماهي طبيعيه فقررت بعد كل اسبوعين ثلاثه اسوي جرد للفريزر خخخخخ اترككم مع الصور

هنا بعد ما نزلت الدجاج من الفريزر و انتضرت الى ان ذاب الثلج و غسلتها و نضفتها من الزفر بالدقيق و الملح


هنا شلت جلد الدجاج و قصيت اللحم بشكل مرتب و سحبت العظام منها طبعا العظام حاولت بقدر المستطاع استفيد منها اللي بقى فيها شويه من لحم الدجاج كسرتها صغار و نظفتها و كيستها للشوربه تعطي نكه لذيذه


هنا قسمت لحم الدجاج لقسمين قسم قطعته لعمل فيليه الدجاج و قسم لعمل شيش الدجاج



هنا جهزت التتبيله ومكوناتها
ملعقه مايونيز _ ملعقتين زبادي_ ملعقه كاتشب _ ملح _ فلفل اسود _ مكعب ماجي_ بهارات مشكله_ عصرة نص ليمونه_ فلفل رومي مبشور _ ثوم مبشور _ شوية كزبره خضراء _ شوية حبق مجفف _ م صغيره قرفه _ خلطتها كوييييس وقسمت التتبيله نصفين نص للفيليه و النص الثاني اضفت عليها زعفران و خليتها للشيش



هنا بعد ما تبلتها حطيتها في الثلاجه من الليل لليوم الثاني علشان تتشرب التتبيله وبعد كذا وزعتها في اكياس و ثلجتها و لما احتاج بس انزل منها واطبخ. . الفيليه كفت لوجبتين والشيش لوجبه واحد وبكذا وفرت على نفسي تعب وجهد وكلفة ثلاث وجبات .




هنا بعد ما عملت الشيش طبعا تحضيرها سهل شوية زيت في المقلاه وحطيها على نار متوسطه وقلبيها با ستمرار طبعا الريحه ما اقول لكم امممممممممم عملتها وقدمتها مع بطاطس مقليه وصينية شوربه و طحينيه
طريقتي في الطحينيه : أحب الطحينيه اللي تجي مع الطازج وبعد التدقيق و التذوق و التمحيص اكتشفت السر : حطي في صحن طحينيه سايله حسب الكميه اللي تحبي وجيبي ربع بصله وابشريها عليها وحطي عصرة نصف ليمونه وشوية فلفل اسود وملح وحركيها مع شوية مويه الى ان تصل للقوام اللي تحبين و قولو أم وسن ما قالت.ههههههههههه واثقه الاخت




وهنا فيليه الدجاج مع صوص مايونيز بالثوم وصوص مايونيز بالكاتشب و عملت معاها بطاطس مقليه
وطريقت الفيليه سهله جيبي بيضتين و نص كاسه دقيق و بقسماط طبعا البقسماط انا مسويته من خبز التوست لما اعمل سندويتشات لعيالي ما يحبو اطراف التوست فاقطعها و اجفهها و اطحنها و استفيدمنها . . غمسي الفيليه مره في الدقيق و مره في البيض و انتقلي على البقسماط و قبل العمليه سخني زيت في المقلاه مقدار نص كاسه تقريبا و اقليها على نار متوسطة الحراره و استمري في التقليب الى ان تنضج وقدميها طبعا الطم ما اقولكم أفضل من اللحوم المجمده بكثييير و الاهم انها من صنع يدك



يارب اكون افدتكم واللي تسويها تدعي لي وسلامتكم و تقبلو مروري . .
06-01-1432 هـ, 09:40 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ماشاء الله شكلها مره مشهي يسلمووووو ايدينك ويعطيك الف عااااافيه
06-01-1432 هـ, 09:45 صباحاً
 
الله يعافيك حبيبتي ومشكوره على ردك الحلووووو
06-01-1432 هـ, 09:55 صباحاً
 
اقتباس مشاركة  (كنت قاعده)
ماشاء الله شكلها مره مشهي يسلمووووو ايدينك ويعطيك الف عااااافيه
الله يعافيك حبيبتي و مشكوره على ردك . .
06-01-1432 هـ, 09:56 صباحاً
 
مشاء الله جونااااااااااااااااااااااان

تسلم الاياااااااااااادي ياالغلا
06-01-1432 هـ, 09:59 صباحاً
 


الساعة الآن 08:08 .