انا رايي
ماتركزي عليه كثير
ركزي على نفسك
حاولي تكونيين هاديه .يعني مايهزك اللى قدامك
ولان الهدوء اهم سبب في التصرف السليم
لاتحاولين تعدلين فيه .عدلي في نفسك وخليك ثابته على مبادئك
مبادئك تكون من دينك ومن عوايد اهلك
حاولي تتعودين تفكرين قبل ماتتكلمين \
انتي اللحين عمرك 18 ابدا ابدا لاتفكرين انك صغيره
لاترضين بالاهانه ابدا
وعند الزعل يكون التعبير واضح وصريح وباسلوب بسيط وعدم الخوض والكلام في الموضوع كثير وترك مساحه قبل عوده المياه لمجاريها
وكمان لاتشوفين شي اللحين وتقولين بعد الزواج اكيد غير انا بحاول اغيره (هذي المصيبه التي يقع فيها البنات)
ابد اللى تشوفينه من العيوب اللحين اعرفي انه راح يستمر رضيت ودورتي طريقه للتأقلم كان بها والا راح تقضين عمرك تشتكين
طريقة كتابتك تدل على انك محتاجه وحده كبيره من عيلتكم تكون قريبه منك وتعلمك (واضح فراغ دور الام)
ايام الملكه كوني على طبيعتك .صح صعبه بس حاولي
اذا احترمتي نفسك راح يحترمك .وما حد يقدر يهينك الا بعد ان تكون اذنت له من دون ان تدري
يعني اللى خلاه يقول بجي افقع وجهك طريقتك البسيطه معاه(بس مو تروحي تقلبي)يعني لو شاف امرأه قويه من داخل وهي تكلمه وشاف احترامها لنفسها واحساسها بالعزه وباين هذا في طريقه كلامها مستحيل يقولها كذا
لاتزعلين مني
انا ابغاك تركزين على نفسك..لاتركزين عليه ابد
بكره بتشوفين ان ابنك اللى من بطنك ماتقدري تغيريه كيف ولد الناس
بس تقدري تجبريه انه يعاملك بالطريقه اللى ترضيك (مو اجبار صريح )لكن يكون مثل الاشعاع من داخلك وهذا الاشعاع يتكون من عده اشياء
كبر عقلك
هدوءك (رغم كل ماعانيت في اسرتك)
صبرك
ثقتك بنفسك
تقديرك لذاتك
احترامك للشخص اللى قدامك
احترامك لنفسك وان مو اي كلام ينقلك
واهمها
ثقتك بربك
وثباتك على امور دينك
اتمنى لك التوفيق من كل قلبي كما أتمناه لابنتي
الصفحة الأخيرة
دائما حاولي تجذبينه بصوتك لايسمع منك الاالهمس
وحاولي لاتكوني جريئه معاه
وخليك غامضه
الله يوفقك