متينة؟ أنا عندي الحل !

قوة بنات :41:

أنا مثلكم حاولت كل الطرق عشان أضعف وطبعا أضعف وأرد الوزن ووووو الكلام اللي تعودتوا عليه.....
لكن فيه فكره...أنقذتني.....ونزلت وزني إلى الآن 18 كيلو....والبقيه في الطريق ان شالله...
انا الحين 63 كيلو ووزني المثالي المفروض 50
طيب....
كيف نزلت ؟؟
وكيف راح أكمل أنزل ؟
أنا اقولكم...
بالبداية لازم تبطليييييييييييييين تكلمين نفسج على انج متينه ... وانج ماعندج اراده ...بمعنى اصح الكلام السلبي اللي نقوله لما نشوف نفسنا بالمرايه.....غيريه.... لا تقولين ابي انزل وزني ....قولي ابي اصير رشيقه... ابي البس مقاس اصغر....لا تقولين ابي اسوي ريجييييييييييييييييييييييييييم.....انتي من تقولين ابي اسوي ريجيم ...لاحظي ان الاكل يصير احلى..
والجوع يزيييييييييد... والشهيه بقمتها.....
يعني الخطوه الاولى انك تحترمي ذاتك وتحبين نفسك ...ودايما تكلمين نفسك بالايجاب...( أنا قدها ....راح أووصل للوزن المطلوب....الاكل الصحي ألذ....الأكل الخفيف أريح...) وهكذا..

اعترفي لنفسك انه مو ريجيم جديد....ولا فتره وتعدي.....لااااااااااااااااا
قولي انا تغيرت
أنااااااااااااااااااا تغيرت
راح آآكل أكل صحي ولذيذ وخفيف...راح آآآكل كأني رشيقه وصحيه.... راح آآآكل أبطأأأأأ
آآآكل أقل ....
أشرب ماااااااااااااااااااااااء أكثر
( مرات يا بنات تختلط علينا الأمور ...نكون عطشانين مو أكثر ...ونظن انه جوع...ونفتح الثلاجه وناكل ...وهو بالاصح عطش مو أكثر ...لو تشربين كاستين مااااي انتي بخير )

قولي راح أتغير للأبد....
جاملتي في عزومه؟؟؟؟ مو مشكله ...ما انتهى العالم.....من بكره تاكلي الغدا وتتعشي أخف من كل يوم....وهكذا ....خليه طبع فيج..... مو فتره محدوده وتنتهي...

ما مليتي كل يوم انتي في ريجيم وكل يووم حبوب شكل وكل يوم خلطه وغيره وغيره......؟؟؟
الى متى ؟؟؟؟؟؟؟

خلاص........ اليوم من هذه اللحظه انتي انسانه رشيقه وصحيه ....لا للدسم ولا السكر الزياده
ولا الخمول ... تحركي ...استمتعي في الحياة وبطلي توزنين كل يوم.....
وبدون ما تشعرين...........وزنك راح يبدا في النزول ....يوم ورا يووووووووووووووم ورا يوم وكيلو بعد كيلو ...وانتي ابتسامتك تصير اعرض وثقتك في نفسك اكبر...ولا راح يزيد وزنك أبداُ

أنا نزلت 18 كيلو في ثلاث شهور تقريباُ....يعني كان ينزل 3 كيلو في عشرة ايام...وبعدين كيلو بأربعة أيام ..وبعدين اربعه مره وحده ..وبعدين ولا كيلو ... وهكذا ....انسيه.... راح ينزل برووووووحه....بس انتي بطلي اكل مطاعم.... وان اضطريتي ألغي البطاط المقلي وأختاري اكل مشوي وخفيف...واكلي نصف صحنك...(ترا مو شرط تخلصينه)..
أنا آآآآآسفه طولت عليكم....لكن حبيت أفيدكم
واذا في أي سؤال ماراح أقصر معاكم...واذا تبون تشجيع ترا انا زاهبه ومستعده ...مالي غيركم:27: