بسم الله الرحمن الرحيم


السلام عليكم و رحمة الله و بركاته


حباَ و وفاءَ لموقعي الحبيب , حبيت تشاركوني تجربتي بجميع ايجابياتها و سلبياتها
و اتمنى تستفيدون منها , و تفيدوني بأرائكم الرائعه ..

فكرنا انا و اختي في مشروع خياطات من المنزل , أختي ما شاء الله عليها معاها شهادة خياطة
و تفهم زين في اصول القص و الخياطة , و لله الحمد استقدمنا 3 عاملات اندونيسيات ,
و جهزنا غرفه لهم للخياطه في بيتي , و غرفة ثانيه للنوم , و بصراحه اللي شجعنا اننا نجيب من اندونيسيا ,
وحده نعرفها و كنا نخيط عندها جايبه من نفس الجنسيه .



و لله الحمد الشغل كان ماشي زين لكن ببطء , الحين لنا سنه و نصف , الشغل كان فقط فترة الصيف
اما بقية الايام لا يوجد شغل , يعني يمر اسبوع اسبوعين ما احد يسأل ولا يكلم ,
حاولنا نحل مشكلة اوقات الغراغ بعمل جلابيات و نعرضها للبيع , و بسعر معقول ,
يعني من 150 الى 300 ريال حسب الخامه و الموديل ,
لكن للأسف ما بيع منها ولا قطعه , في النهايه لبسناها انا و اختي ,



اقترحت علينا وحده نسوي ثياب البيت القطنيات اللي معروفه بأسم الروز ,
و فعلاَ اشترينا كم طاقه , وانا ولله الحمد ذوقي كثير حلو بالموديلات , طلعنا موديلات راااااااااااااا ائعه ,
و كنا نبيع الثوب الواحد بـ 50 ريال , لكن الحقيقه ان شغلها متعب جداَ ,
نشتري القماش , و ننقعه ثم نغسله , و بعدين نكويه و نفصله و نخيطه ,
يعني شغله , بس مو مشكله صرنا اهم شي نطلع رواتبهم ..

الحين عندنا مالايقل عن 30 ثوب , ما بيعت لحد الان , و الخياطات قاعدين بدون شغل ,
للأسف هذا الشي يأثر على نفسياتهم ,

بس يقولون حنا نفكر نفكر , و للأسف بعد باقي عليهم فقط 6 شهور و تنتهي السنتين ..
والله و للأمانه شغلهم جداَ رااااااااااائع , و بأشراف اختي تطلع القطعه ممتاااااااااااا زه ,
لكن ما ادري وين الخلل .

دخلهم يادوب غطى رواتبهم , يمكن السبب لأن اسعارنا متواضعه .


بصراحه اكتشفت شي حز بخاطري , كذا وحده تخيط عندنا و تقول انها مخيطه بالمحل الفلاني ,
يعني احتكار . طيب شلون ممكن ننشهر ,
و شي ثاني كثير يفاصلون بالسعر و كأنها مصدومه من الغلا علماَ انه اغلى فستان كان بـ 800 ريال ,
و كله طبقات طبقات 2سم متر موديل اساساَ ماركه و خيطنا عليه .


من واقع تجربه اشوف انه مشروع حلو لكن غير مربح ,
يمكن مسلي و ممتع اكثر من كونه مربح ..


طرحت لكم تجربتي بكل صدق و امانه ,,
اللي تحب تسأل عن أي شي لا تتردد
و اللي عندها أي اقتراح لها دعوه من القلب ..



تحيه عطره ..


..
.

خساره والله
الله يفتحها عليكم يارب
يالمقابرخبري ذاك الحبيب اللي خذاله بين سكانك مكان ان قلبي مانساه
الله يرحمك ياامي
اقتباس مشاركة  (ملح الخرج 1)
خساره والله
الله يفتحها عليكم يارب

الله يجزاك خير عزيزتي ,,

الف شكر عالمرور ..

..
الله يعوضكم ان شاءالله بالرزق الواسع
انا عندي قناعه ان كل شي ارزاق وتوفيق من الله
خوفتيني انا نفسي ادخل هذا المجال
اقتباس مشاركة  (leeelee)
الله يعوضكم ان شاءالله بالرزق الواسع
انا عندي قناعه ان كل شي ارزاق وتوفيق من الله
خوفتيني انا نفسي ادخل هذا المجال

نعم ,, هذا اهم شي ,, القناعه بأن اللي الله كاتبه لك بيجيك ,,
( و في السماء رزقكم و ما توعدون )

ياقلبي ما قصدي اخوفك ,, كل شي قسمه و نصيب ,,
و الحمدلله انا مو ندمانه ,
بالعكس , انا كتبت تجربتي , عشان اذا اي وحده حابه تستفسر عن شي تتفضل ..

..

..


الساعة الآن 11:59 .