مساء الخير

عندي طبخه ومااعرف اذا سبق احد نزلها

واتمنى انكم تردون بعد ماتجربونها لانى متاكده بتنجنون عليها

المقادير

قشطه الخفق المقاس الوسط (ماتنوجد الا في السوبرماركت الكبار)
كاس جبن سايل يفضل كرفت
ملفوف
شرائح مشروم(حسب الرغبه)
عجينه لف سمبوسه سويتز (ظروري هالنوع)
دجاجه
بصل
بهارات ملح فلفل اسود
جزر(حسب الرغبه)
شويه زيت

الطريقه يابنات
تسلق الجاجه وتقطع لقطع صغيره جدا بدون عظم

تقطعين البصل وتحمسينه على شويه زيت لما يذبل تحطين عليه الدجاج وتخلينه يتسبك مع البهارات والملح والفلفل الاسود والجزر لو حابه لين تحسينه طلع طعمه حلو

تجيبين الملفوف وتقطعينه بشكل طولي صغير مره وتخلطينه مع المشروم الشرايح وتفرشينه بالصينيه اللي بتحطين فيها الطبخه

تجيبين شرايح السويتز وتقسمينها نصين بالعرض
وكل قسم تحشينه من حشوه الدجاج وتلفينه على شكل اصابع وترصينها جنب بعض مصفوفه فوق الملفوف والمشروم بالصينيه الين يتغطى الملفوف

تجيبين قشطه الخفق (مقسها مو الصغير اللي كنه معجون الطماطم ولا الكبير الطويل )>>من زين الشرح
وتحطينها بالخلاط مع كاس الجبن السائل وبعد ماخلطتيهم صبيهم فوق الصينيه بحيث انها تكون مغطيه الصينيه بنفس مستوى الاصابع مو فوقها بكثيرر ودخليها الفرن

وعلى نار عاليه خليها حول نص ساعه الين تحسين الخلطه شوي تماسكت ومو سايله لاتكون ناشفه تقريبا

وعلموني النتائج تراها لذيذذذذذذذذه وتنفع تسوينها بدون ماتصبين الخطلطه عليها وتخلينها بالفريزر واذا جاك احد بس طلعيها وحطي الخلطه عليها وبالفرن

ابي ناس تجرب ابي تشجيع



بالعافيه
سبحان الله وبحمده *** سبحان الله العظيم




يقول الله عز وجل

(( "إني لأجدني أستحي من عبدي يرفع إلي يديه يقول يارب يارب فأردهما فتقول الملائكة 00الهنا إنه ليس أهلا لتغفر له00 فأقول ولكني أهل التقوى وأهل المغفرة أشهدكم إني قد غفرت لعبدي"








فكره باين عليها رااااااااااااااااااااااائعه وإن شاء الله نجربها
تسلم يدينك ويعطيك الف عافيه راح اعملها يوم الجمعه بإذن الله لان عندي عزيمه وودي بشي
جديد , ماقصرتي ,
أسألك اللهم باسمك الأعظم أن ترزقني رضاك والجنة..
يعطيك الله العافيه ومشكوره باين لذيذه ان شاء الله اجربها ..


الله يسعدك ويوفقك ويرزقك يارب ياكريم .




إدعوا لي بأن يرزقني الله الذرية الصالحة


[


الساعة الآن 10:49 .