السلام عليكم ـ
بصراحة مدري وين ابدا موضوعي ,, متفاجئــة فيني :44:
ومرررة احس اني عميانه :35: مدري وش كنت أحس بــه ولا وش كان يدور بمخي ,,
بقول لكم قصتي من الأول ’’ وتحملوني ـ
انخطبت << مبروك :: ثمن تزوجت << احلفي ,, ثمن حملت << بشري أمك
وبآخر شهر من حملي كان شغلي الشاغل وقت النفاس وشلون ارجع بشرتي مثل اول او احسن منها وسويت خلطة عطتني اياها صديقتي وأثق فيها لأني اشوفها ماشاء الله تلق بيضاء سويت الخلطة وكلفتني مقاديرها شي بسيط موب غالية (اللي يبي الدح مايقول أح)
المهم من بثارتي اتصفح النت على الجمال ومادراك مالجمال ..
لقيت موضوع وحده تبيع خلطة للبياض ومدري ايش طلبت منها الكريم حقها هذا .. تكلفته 200 ريال ويابلاش في سبيل الجمال
المهم وصلتني الطلبية ودفعت 50 حق الشحن .. المهم يوم شفتها :32: اقسم بالله اللذي لااله الاهو انها نفس اللي سويتها اللي قالت عنها خويتي :icon33:
السؤال : ليش تنباع بــ 200 وهي ماتكلف 40 او 50 ريال؟؟!
كلمت الحرمة وقلت خافي ربك هذي مقاديرها كذا وكذا وكذا صح ؟!
هي تفاجئت وقالت مدري انا مجرد مندوبة وايه فيها بعض مكوناتك بس اكيد تختلف ؟!
اشلون تختلف وهي نفس اللون + الرائحة+الملمس !!!؟؟
خلصنا من هالسالفة ,, :time:
اسمعوا الثانية /
شفت وحده تبيع زيت للشعر من لقافتي ماأتوب يعني ماشاء الله شعري مافيه خلاف راضيتن به بس بثارتي ورحت وشريته اخر شي طلع زيت خروع مع زيتون مع سمسم بالله مانعرف نخلطها مع بعض؟!!
واللي قاهرني معروف للكل ان زيت الزيتون مو اي شعر يناسبه انا من حطيته شعري نشف وطلع ليفه يخووف اقل شي قالت ترى من ضمن الزيوت فيه زيت زيتون عشان تبري ذمتها
المشكلة اننا نبحث عن الجمال ومانفتح عيوننا
انا ماتبلى الناس ولا ابي اقطع رزق أحد
لكن اكتشفت اني مدري وشو :44:
قلت لنفسي : ابي بياض ,, خلاص سوي خلطة الفكس مع صابونة الغار اللي الكل هااب وفيها وانا شخصيا استخدمتها وفعلا نتايجها حلوة ليش اروح اتلقف واخلي الناس تلعب علي
ابي شعر حلو وش حادني اشتري خلطة زيوت يعني ماكان عقلي معي بصراحة مدري وش اسميني :44:
ابحث عن افضل زيوت شعر واخلطها واشوف النتيجة ولا زيت جوز الهند ابو 5 ريال طول عمري عليه وش حادني ادور غيره !!
يابنات مابي اقطع رزق احد بس ابي لكم الخير مابي وحده تنقهر مثلي (احب لأخيك ماتحب لنفسك)
ايه صح نسيت وشريت صنفرة من وحده تخيلو بــ 150 وتمدحها ودنيتها دنيا اخر شي طلعت ماش مطحون مع زنجبيل مطحون واعتقد (اعتقد) حبة سوداء مطحونه ,, وتقول حطي معها عسل وادهني جسمك وانا طاثرة معها مافكرت لو حطيت عسل لحاله اصلن بينعم بشرتي ووو
ويني عن السدر .. وين عن ملح الحليب آآخ بس
اتمنى محد يزعل من موضوعي
ان اصبت من الله وان اخطئت من نفسي والشيطان
رجاء لحد يسألني عن التاجرات منهم الله يستر علينا وعلى المسلمين اجمعين انا قلت وكتبت للتحذير وحبيت لكم اللي حبيته لنفسي
||أم صبا|| @am_sba_24
عضوة جديدة
يلزم عليك تسجيل الدخول أولًا لكتابة تعليق.
متامله
•
جزاكِ الله خيراااا على التنبيه
الدنيا مدرسه كل يوم نتعلم شي جديد وفي مثل يقول (كل دقة بتعليمه)
الدنيا مدرسه كل يوم نتعلم شي جديد وفي مثل يقول (كل دقة بتعليمه)
الله يجزاك خير
وياليت تكتبي لنا خلطتك اللي اخذتيها من صديقتك الله يبارك فيك وهل استخدمتيه وكيف نتيحتهااا
ساامحيني طلعت عن الموضوع
لكن كنت باشتري خلطة ومترددة وانتي حسمت الموضوع
شكرا
وياليت تكتبي لنا خلطتك اللي اخذتيها من صديقتك الله يبارك فيك وهل استخدمتيه وكيف نتيحتهااا
ساامحيني طلعت عن الموضوع
لكن كنت باشتري خلطة ومترددة وانتي حسمت الموضوع
شكرا
الصفحة الأخيرة
وانتي الحمدلله خسرتي فلوسك ولاخسرتي صحتك
الصحة اهم شي