السلام عليكم ورحمه الله وبركاته
بنات انه سبق وكتبت هني اني بسوي ريجيم بس للاسف ما قدرت اواصل فيه
الضغوط النفسيه دايما تجبرني ارجع للاكل
من فتره فتره قريت عن كوفي يمدحون فيه انه يعطي طاقه للجسم ويساعد على حرق الدهون وووو وانه في محل في الهمله
عاد انه وحده مادلي البحرين صراحه >>> حلفي
والكسل بعد يلعب دووور
الاسبوع الي طاف رحت ويه اختي الصيدليه تبي تاخذ شي ولفت نظري الكوفي من بعيد يأشر لي >> والله !
استانست اني حصلته قلت الله يابه لي لمكاني
خذته وانه مستانسه ومشيت
وابتديت اخذه ثاني يوم يعني اليوم لي خامس يوم
كنت ابي اخبركم عنه بعد ما اخلص اسبوع بس اللقافه وما تسوي
اليوم رحت الصيدليه اخذ شي >> يا كثر هالاشياء الي ما تخلص
وشفت الميزان ياشر لي يناديني و شاءت الاقدار اني اوزن >> اشعندها البحتري
يوم شفت وزني لاشعوريا قعدت اصارخ واناقز هههههههه الي يشوفني يقول هاي مو صاحيه هبله >>> الحمدالله الصيدليه كانت فاضيه مافيها الا فلبينيه شافتني اناقز يات تناقز وياي
بنات في هال 5 ايام نزلت 4 كيلو
ودعت عالم المئات ودخلت التسعينات وعقبال ما اوصل الخمسينات >> طاخ بوم قويه
نظامي للي تبي اتعرفه
صياااام
فطوري كوفي
وبعد ما تشربينه اتحسين نفسج خلااااص شبعاااانه والله اني ما احس باليوع لوقت السحور اجبر نفسي اكل
ولما احس باليوع كنت اشرب ماي واشبع خلاص والكل منصدم مني اشلون شهيتي تغيرت 180 درجه
ولما رحت بيت يدي عندنا بيت يدي يعني اكل >>> حشه مطعم
سويت لي وجبه عجيبه الكل طاح فيها وهدو الاكل ههههه سويت سلطه عاديه وسويت لي سندويشات تاكوو شهيه طبعا بدون ولا نص كالوري بعدين بنزل طريقتها السهوووليه في قسم الطبخ
بناات والله الفرحه مو سايعتني ودي اطير اطير اطير >>> مو كاني للحين صايره فيله
اي قبل لا انسى كنت اشرب شاي الاعشاب مال الرشاقه ماخذته من ميدوي علشان ما يصيدني امساك
اسم الكوفي كوفي بلاس سعره دينارين و 800 فلس فقط وفيه 10 اكياس حق 10 ايام >> اكيد حق 10 ايام عيل حق دهر
يلا يا بنات كل وحده اتدش تدعي لي اواصل واني اضعف على خيررررررر
وعقبال ما شوفكم كلكم رشيقااااات
تشااااو >>>يعني مع السلامه بالصيني
النـ حرموني ـاس @aln_hrmony_as
عضوة نشيطة
يلزم عليك تسجيل الدخول أولًا لكتابة تعليق.
ღ خـزآمـى نـجـد ღ
•
الله يعطيك العافيه
هههه والله صراحه ماعرف شووو فصيله دمي بس انه ادماني شي اسمه الكوفي
بنات والله افطرت على كوفي وابي اكل مو قادره احس بشبع مو طبيعي
بنات والله افطرت على كوفي وابي اكل مو قادره احس بشبع مو طبيعي
QفلورQ
•
حلو بس ياليت القاه في السعوديه وياليت تصورينه
ايه قبل ماانسى انتبهي ينزل وزنك بدون رياضه عشان الترهل وانتي بتنزلين وزن كثير عشان كذا ابدي رياضه من اليوم
موفقه
وانا باديه من لسبت رجيم صيام وفطور خفيف
وشرب شاي توقايين من شواهي
وانتظر سباق النخبه عشان ابد بحماس
ايه قبل ماانسى انتبهي ينزل وزنك بدون رياضه عشان الترهل وانتي بتنزلين وزن كثير عشان كذا ابدي رياضه من اليوم
موفقه
وانا باديه من لسبت رجيم صيام وفطور خفيف
وشرب شاي توقايين من شواهي
وانتظر سباق النخبه عشان ابد بحماس
هلا حبيبتي راح انزل الصوره بعد شوي ان شاء الله وان شاء الله اتحصلينه بالسعوديه بالصيدليات
بس اذا تقدرين اتجين البحرين موجود في لابيل شوب في منطقه الهمله بس انه حصلته في صيدليه المواساه بالمحرق
ونسيت اقول لكم
الكوفي ماعطني طاقه مو طبيعيه صايره ما اتعب والكل ملاحظ علي وايد اتحرك وحتى الرياضه قبل بس مشي اتعب الحين امشي والعب رياضه تايبو مال بيلي بانكس وبعد احس فيني طاقه ما تخلص
الله ينحفنا جميعا على خير وننتقل من عالم الافيال الى عالم الغزلااااان
بس اذا تقدرين اتجين البحرين موجود في لابيل شوب في منطقه الهمله بس انه حصلته في صيدليه المواساه بالمحرق
ونسيت اقول لكم
الكوفي ماعطني طاقه مو طبيعيه صايره ما اتعب والكل ملاحظ علي وايد اتحرك وحتى الرياضه قبل بس مشي اتعب الحين امشي والعب رياضه تايبو مال بيلي بانكس وبعد احس فيني طاقه ما تخلص
الله ينحفنا جميعا على خير وننتقل من عالم الافيال الى عالم الغزلااااان
الصفحة الأخيرة