طلب مساعدة بخصوص الحجاب...

يا هلا فيك أختي.. الله يحييك..

و ان شاء الله تجدين معنا المتعة و الفائدة..

بالنسبة للحجاب ممكن تفصلّين عبايات ملونة تكون واسعة و ما يبيّن اللبس اللي تحتها يعني تكون تنلبس من فوق مثلا..

عشان تاخذين راحتك في اللبس..و تفصلين لثام نفس اللون أو أسود و تشترين طرحة لون مناسب..

و خذي الربطات اللي من تحت الطرح تساعد كثير.. خذي ألوان متنوعة

العبيات مثل هذا الأقمشة و ممكن الموديل:





الطرح الملونة:



و الربطات:



أو ممكن تفصلين خمار طويل يكون قماشه نوع جيد.. و أنصحك تشترينه من السعودية لأن سوق الأقمشة عندنا كبير و أنواع الأقمشة فيها كثير و متنوعة..

مع لثام و تلبسين من تحته مثل التنورة من نفس اللون أو لون آخر..

الألوان حسب رغبتك.. ممكن بني أو كحلي أو بيج أو رصاصي..

*****************************

أهم الأشياء اللي تاخذينها معك.. (( حسب رأيي.. ممكن بنات أمريكا يفيدونك أكثر.. حسب توفّرها عندهم ))

*سجاجيد صلاة

*شراشف أو أجلّة صلاة

* صواني تقديم + أباريق شاهي + دلة قهوة

* فتاجيل شاهي و قهوة

* مبخرة + عود + معمول + فحم العود المربعات.

* بن قهوة + هيل غير مطحون + زعفران + عويدي أو مسمار أو قرنفل

*بهارات الكبسة + بهارات الشوربة + ليمون أسود

* حافظات.

* ثلاجات قهوة و شاهي.

*ساعة الفجر.. توقيت الأذان في كل دول العالم.. حسب مفتاح المنطقة.. مع صوت الأذان و القبلة.. ضرورية و بالذات في رمضان..



تجدينها مع المبيعات الجوية – الخطوط السعودية.. أو في مكتبة تهامة في السعودية.. و قيمتها 125 ريال..

*******************************
ان شاء الله لو ذكرت شي أضيفه لاحقا.. و أي سؤال لا تترددين.

الله يعطيك العافية يا بنت ادم
كفيتي ووفيتي ... الشي اللي ما جبته معي هي ساعة الفجر و ندمانة اني ما شريتها ..
وبعد البوصلة فيه بوصلة الكترونية بعد تندمت اني ما جبتها احيانا في الجامعة بصلي ما اعرف القبلة

ماشاء الله بنت ادم كفت ووفت
ولدي الغالي
بالنسبة للبوصلة هنا مليااااااااااااااااااااااااان منها وارخص كمان لأن استعمالاتها اكثر .. مدري اذا كان في عندكم ول مارت في بريطانيا لو فيه تلقينها عنده وسعره رخيص جدا جدا ..
واذا ماعندكم اي محل سوبر ماركت روحي قسم الرياضه بعدين روحي قسم رياضة الكامبينق او الهايكينق وهالقسم تلقين فيه خيام ومخدات سفر واكياس نوم ومعدات للمخيمات قسم ضخم ترا وفه تلقين بوصلات اشكااااااااااااااال الوان واذا مالقيتها سوي طريقتي في البحث
اول مادخل المحل ما اتعب نفسي وادور على الغرض اللي ابيه انتظر لما اشوف اوووول موظفه واقولها اني ادور بوصلة مثلا وهي توديني مكانها بدون ما اتعب نفسي ولا شي ولا طريقة فتاكة وسريعه للبحث طبقيها ههههه
اتمنى اكون افدتك غاليتي ولا تندمي ولا شي ماتسوى الشغله :)

بس الساعه معك حق احنا من زمان اشترينا ساعتنا من هنا وكلفتنا اربعة اضعاف سعرها وكانت متعبه يعني لازم كل اسبوعين نضبط الخمس صلوات من اول وجديد وهذي صورتها


يعني هي ما انصحك فيها ابدا على الرغم من انها في السعوديه رخيصة يمكن 40ريال وتلقينها بأي محل ..

شوفي في ساعة حائط منتشرة الان كثيييير بس انا ماحبيتها بس يمكن تعجبك وهي اوتوماتيكية مايحتاج احد يضبطها ولا شي ..



بس بعدين شرينا ساعات الأذان من مكة مو ساعة الفجر لا وحده ثانية نفس مواصفات بالضبط بس شكلها انيييييق انا حبيت شكلها اكثر من الفجر
وهي نفس السعر تقريبا 120 او 140 مو متأكده حسب الحجم




وماعندي شي اضيفه للأخت غير انه لو عندك اطفال جيبي كتب المنهاج معك عشان تدرسيهم في البيت وبالذاااااااااااااات العربي ولاتستهيني بهالنقطة لأنها مهمة جدا
وايش كمااان مدري صراحه يمكن جيبي معك قشطه اذا انت من هواة الحلى ههههه لانها غاااالية وانا موهقة البيت في الحلويات
بصراحه المحلات العربية ماليه الدنيا بس كله يعتمد على اي ولاية واي مدينة رايحه انتِ يمكن بنات ولايتك يفيدوك اكثر مني يالغالية ..
الله يوفقكم وييسر سفرتكم .. اللهم امين

رغودة
مشكورررررة الله يعطيك العافية ...بدور على البوصلة وبطريقتك >>>>ههههههههههههههه

مشكورة على التوضيح للساعات ....:26: :26:

الف الف الف شكر لكم ...

بصراحة مادري وش اقول..


>>>>ماتوقعت احد يعطيها وجة..


أختي بنت ادم..

مشكورة ياقلبي الله لايحرمك الاجر ..

بصراحة ماقصرتي معي...

ماشالله عليك شرح بالصور..



رغد الحياة مشكووووورة ياقلبي..


بصراحة انا ماكنت حاطة الساعة في بالي


مشكورة لانك نبهتيني لها...


بس انا حبيت اسال .

لما اشيل معي مواد غذائية زي القشطة مثلا..


ماتكون ممنوعة في المطار...



ولدي الغالي..


مشكوررة على مرورك..