مساء/صباح الخير
يا حلوات مابي اطول عليكم بالمقدمات يعني ابدخل بالموضوع سيييدا
انا عندي مشكله..معقدتني.. يمكن هي بالنسبه لكم مره عاديه و ما تستاهل تفكير
مشكلتي انه لي شخصية بالبيت (مع اهلي) شكل بس في اماكن غير كذا لا شكل ثااني
انا عمري 17 و مو عارفه اخلي شخصيتي اللي مع اهلي زي علاقتي مع باقي الناس
والله مدري ليه انا كذا,هو مو ثقه بالنفس او شي ثاني. بس لما اكون في المدرسه اسولف مع صديقاتي و اضحك و كلش عادي بس مع بنات غير صديقاتي لا ما فيني جرأة
أغلب البنات لما يشوفوني انا و صديقتي جالسه بالسيب(اذا ابغ اتأخر او ما احضر حصه مثلا) يستغربون و يقولون غريييبه مو حاضرين الحصه يعني الحين صرتوا تهربون...الخ. طيب ليش غريبه؟! وين الشي الغرييب فيها؟! فيها شي و لا انا مو انسانه اطفش من الحصص, و بعدين هم اصلا ما يحضرون بس مستغربين اني ليييش ما احضر!! لا والله؟! والله عليهم تعليقات و استغراب كنهم ما قد شافوا ناس زي كذا!! احسها حركات بزارين! اكره احد يقول كذا حتى اذا كانوا يمزحون
زي اليوم كان علينا حصه مو اساسيه فقلت لصديقتي مابي احضر و قالت أي مثلك مابي و رحنا يوم شافتنا وحده قالت وين رايحين؟ آآآه ذاك الوقت انا خلااص انقهرت من جواا! قلتلها وشو حصه مو اساسيه. لا بعد تعالي حاسبني على كل صغيره و كبيره! والله عقولهم تافها!
والله شي يطفششش!
المشكله اني بطبيعتي ما احب اكون هاديه لا بالعكس, هذي صديقتي اللي معي دااايم هاديه بس معي عادي, و هذا اللي مخلي البنات يفكرون اني مثلها.. بس انا وربي غييير! احب ادخل مع البنات و اسولف معهم بس ما احس اتكلم بطبيعتي احس في شي ماسكني مو مثل لما اكون مع صديقاتي L
حتى كنت مره في جمعه و احس الحريم ماخذين على طبعي اني هاديه بس انا طبعي مو كذا! مو هذا طبعي ابد. بس مو عارفه كيف ابينه, والله حتى بعض من قريباتي ما اسولف و ادخل معهم لاني كذا فجأه ما اكون بطبيعتي اللي العاديه مدري كيف.
و الحين صدق احس اني كرهت نفسي! كرهتها لاني كذا بدون سبب واضح :'(
وانا الحين ابغ اغير نفسي..شخصيتي, بس مو عارفه كيف. اما كنت افكر لو صديقتي تغير من طبعها شوي لانها بزايده هاديه! بس الظاهر انها ماراح تتغير لانها في اصلا كذا و واضح من شكلها.
بس انا مرره ابغ اغير, والله عندها حلول او اقتراحات او أي اضافات ترد علي بليز, او حتى اللي مروا بالتجربه هذي او عنكم اخت او اللي كبري بتفيدني بليييز محتاجه
ابغ اكون مثل نفسي اللي مع ماما و خواتي و صديقاتي يعني ابغ اكون مرنه مع باقي الناس
بلييز ردوا علي يا بنات لاني ما كتبت هذا الموضوع الا و انا عارفه انكم بتساعدوني.
words of hope @words_of_hope
عضوة نشيطة
يلزم عليك تسجيل الدخول أولًا لكتابة تعليق.
الحوائيه
•
حبيبتي والله العظيم كانك تحكين عني زمان بس ابشرك ذلحين لا والله انسانه ثانيه لا تقلقي وتشيلي في قلبك بتكبري وتتزوجي وبيتغير طبعك كله زي ماتغيرت صرت وحده ثانيه صار فيه تغير في الحياه وشوق لاهلي
الصفحة الأخيرة