نفسيتي تعبانه ...... أبيكم تساعدوني لو بكلمه ..الله يجزاكم خير ..

الأسرة والمجتمع

السلام عليكم ورحمة الله وبركاته


اخواتي انا نفسيتي تعبانه ...... أبيكم تساعدوني لو بكلمه ..

قصتي هي :.

انو انا متزوجه من ست سنين من زوج حبوب و طيب الله يحفظه وعنده ثلاث بنات وولدين وساكن في عمارة ابوه مع اخوانه وجايب شغاله والحمدلله اوضاعنا الماديه و الصحيه تمام ..ورزقت منه ببنت وولد ..
ومع هذا كله احس اني مو مرتاحه وهذالاحساس أثر على شكلي و باين على وجهي عدم الراحه وعلى عيالي ..
ابي ابين لكم انا من ايش متضايقه وايش اللي مخليني كذا وابيكم تساعدوني .

أول جيت لقيت الأب متعلق في عياله بالحيل وخاصه وحده من بناته !
حسبت ان الطريق لقلبه من عياله وخصوصا دلوعته كنت اتقرب منها لدرجة انها كانت تنام معانا على السرير في الشهور الاولى وكانت بالصف الاول الابتدائي وكنت اقول مادام هو مرتاح انا مرتاحه .
لكن كلامي كان غلط لانه بعد ماحملت باول حمل صرت اتضايق من الزحمه على السرير وكان ينيمها معانا بس على الارض وهاذي بداية المشكله لانها كانت تقول انت ماتبغانا وتبغاها وانت ماتحبني وتحبها وكنا نضحك ونقول كلام بزارين وكان يرضيها كل ما جاء من العمل بحلاوة او شكولاته وكنت اشوف فيه الاب الطيب .
ومع الايام لاحظة انهم يتضايقون مني ومن نصحي ومن اشرافي..
وبدو يتمردون والاحظ ان جدتهم تساعدهم على التمرد لاني كل ماأغيب عن البيت تدخل وتشرف عليهم وتتلقف في الشغالة وتاخذ اي شي يعجبها بدون اذن وكن البيت مافيه حرمه واذا كلمة زوجي قال امي وايش اقول لها ؟
وفي يوم لمحة لسلفاتي اللي ساكنين معي ابي اعرف هي طبعها كذا قالو لا ماتدخل بيوتنا الا ضيفه . استغربت معي انا غير ليه ؟؟؟
وفي يوم من الايام كنت عازمه اهلي عندي للعشاء وكان البيت مليان بزارين وهيصه وكان المطبخ في وسط البيت يعني له بابين باب لقسم النوم وباب لقسم الضيوف ووقت ماكنت اجهز العشاء فيه تعرفون كل شي حايس والخدامات والصغار رايحين جايين وعلى راسهم بنت زوجي وكان عمرها 6سنين (ربتها خالتي ام زوجي ) ومعاها عيال عماتها وعيال خواتي مع العلم ان خالتي وبناتها ماجو ا بحكم انو احنى جالسين جلسه عائليه المهم يوم شفت الحال زاد لدرجة العب بالثلاجه والعجين والشغالات يهاوشون قمت اخذت كل بزر لامه وقلت امسكيه لين يجهز العشاء واللي امه برا طلعته وقلت بعد العشاء تعالو وبنت زوجي تبي تطلع معاهم فطلعتها المهم هدى الجو . لكن كان الهدوء قبل العاصفه !!
يوم مديت السفرة وقلطت اهلي ماسمعت الا الصياح والمطارد يوم قمت الا وحده من العمات تلحق بنت زوجي الدلوعه تبي تضربها وهي تصارخ وقمت انا وقفت بينهم وقلت ليش تضربينها قالت طويلة لسان وكانت تبي تعطيها كف ومسكت يدها وقلت ما تنضرب وسط بيت ابوها قالت اطلعي منها انتي عمه وحدك غرفتك كفايه انك طارده العيال وطارده البنت من بيت ابوها تحسبين انك صاحبت البيت (بيت العيال وانت حدك مكانك) المهم امي قامت وسكتتني وقالت صلو على النبي والبنت اذا غلطة لها ابو كلموه وهو يربيها .
انا زعلت منها وامي وخواتي لمو عيالهم وراحوا و السفرة على الارض ما كلوا زين وجلست انا اتحسب وخايفه ينكدون علينا فعلا اللي خفة منه لما جا ابو العيال استلموه واعطوه اللي يبون وجاني مقفله معاه وغير ملابسه وانا استناه يتكلم وهو ولا كلمه اخذ فراشه ونام عند عياله وفي الصبح جاني بعد ما اخذالهرجه من عياله وقال هذا بيت مشترك ولا تحكمين فيه غير نفسك وعيالك .
ومن بعدها خلو بيتي قهوه وحضانه لامه وخواته اذا جات مناسبه او زواج جابو عيالهم عندي وهم تحت مرتاحين واذا بغيت اتكلم اتذكر كلمته واسكت ..
والله تعبت نفسيتي وباين على شكلي وحتى عيالي باين عليهم عدم الاستقرار والراحة .

اسفه طولت عليكم لكن الله اعلم اني اعتبركم اخوات لي وابي رايكم او حل استفيد منه من عندكم ؟

الله يجزاكم خير ..
17
3K

يلزم عليك تسجيل الدخول أولًا لكتابة تعليق.

تسجيل دخول

قمة الأنوثه
قمة الأنوثه
الله يساعدك وربي مافي منك إثنيين

الله يصبرك أكثر وأكثـــــــــــــــــــــــــــــر

بس بجد قلبي معاكي وكنتي حليمه وحكيمه بكل الأمور

ليش تزعلي وتزعلي نفسك خلاص طالما إنتي كذا راضيه لا تتضايقي وأهل زوجك الله يعيينك عليهم بجد ما يستحو !!

حاولي تكسبي زوجك ومن كلامك حسيت إنه طيب وحنون فخذي كل حنانه يعني حاولي تتملكيه بإسلوب

بنته إنك محتاجته وإنك مالك غيره لا تدلعيه خلي يدلعك في نوعيه من الرجال لما تخدم تحن أكثر وفي نوعيه لما تخدم تحس بالإنزعاج

بس زوجك أحسه لما يعطي يزيد حنان فحاولي تاخذي كل حنانه لا تقولي ما حثقل ما حتكلم ما حطلب صدقيني إنتي اللي حتخسريه

وأهله عامليهم بالصمت والتطنيش والإبتسامه الناعمه وريحي نفسك
آنـسـآنـهـ لآآكـثر
برضه هي عمتها ومن حقها تضربها اذا غلطت ,, وماله داعي توقفينها و تقولين ما تظربينها ببيت ابوها خاصه قدام هلك
النظاره
النظاره
الله يعينك ويصلح أمرك
وبالنسبه لعيال زوجك مادام أهل زوجك موجودين وعندهم شغاله لا تتدخلي فيهم لا بخير ولاشر
أهتمي بنفسك وزوجك وعيالك وعيشي حياتك كأن ماأحد موجود
وأم زوجك أكسبيها بالكلام الحلو والمعسول وفيه أشياء كثيره لأنك لو كسبتيها كسبتي البيت كله
-أنامل ناعمه-
-أنامل ناعمه-
ااااااااااااه ياقلبي عليك
وربي انا بس من القصه عورني راسي كيف انتي اللي عايشتها

ياقلبي لازم لازم تتكلمين مع زوجك بهالموضوع
مافي شي اسمه بيت مشترك
البيت بيتك انتي وعيالك وعياله
وانتي الان مكان امهم يعني كلمتك تمشي عليهم دامك خايفه الله فيهم
اذا وهم اطفال وكذا
وشلون لاصارو بعمر المراهقه
أسيررررة الحب
الله يعينك