كلامكم حلوووووووووووو مرة

ولكن ماافضل اسوي ثنين مع بعض بس ينجح واحد اتوسع واسوي الثاني عشان مااسوي ثنين مرة وحدة اخسرهم ع الاقل اخسر واحد ولا اخسر ثنين


برآيكم الاول احسن ولا الثاني

وساعدوني بالاسعار للتدريب بالصالة الرياضيه ؟
هلا هدوء...
شوفي انا رايي ادمجي الفكرتين لانه كثييييييييييييييير بنات تبي تروح معها صديقتها اختها تغيير جو بس تغير رايها ليه مافيه مكان عشان كذا ادجي الاثنين المشاريع النسائيه تنجح اذا كان فيها مرافق تخدم جميع الشرائح...
وبكذا يصير الدفع على الطلب بدون دخول واشتراك النادي عندنا يبدا من 300 ريال الى 600 للمراكز المتخصصه انت شوفي كم يناسب بنات البحرين وخير الامور الوسط 400 ممتاز..
ودائما اعتمدي تنوع السعر يعني ايروبكس فقط اشتراك 450 ...اشتراك اجهزه فقط 350 ...اجهزه وايروبكس طول الاسبوع طبعا ارخص من مجموعهم سوا 550 عشان تتشجع وتدخل كذا تكوني ربحتي...ممكن عروض اجهزه +يومين ايروبكس مجانا والعكس عشان تتشجع الوحده وتشترك بالاثنين...
ومدام انت فاتحه كوفي شوب او اذا مافتحتي سوي نظام غذائي للمشتركات هاتي اخصائية تغذيه اللي حابه تفحص عندها وتشترك بالنظام الغذائي يوصلها لبيتها 3 وجبات وهالخدمه تشمل حتى اللي مو مشتركات بالنادي وحطي اشتراكها 1000 ريال لغير المنتسبات والمنتسبات 800
واذا تحسينه صعب عليك ممكن تتفقين مع احد لك النادي والكوفي وله خدمة النظام الغذائي وهو يتكفل بتجهيزاته من الى,,,
يعني تكونوا شراكه بالموقع بس وكل واحد ربحه فجيبه...


.........................................................................

لو حابه فكرة الكوفي بس حطي برا ستاند اكتبي فيه عبارات حلوه تدل على نشاطك واكتبي التسعيره للجلوس دون الطلب او تقسمي الكوفي قسمين مفتوحين على بعض يعني واحد مرتفع والثاني منحفض ويكون هذا قسم الطلبات وهذا قسم الجلسه دون طلب وتحطين سعره 30 دينار عشان زباينك ماتنقطع وتسوين للزباءن الدايمين لقسم بدون طلب كروت عضويه شهريه بمبلغ معين ...يعني مثلا اذا بيجون بمعدل مرتين او 3 بالاسبوع بيكونون دافعين من 60 الى 90 بالاسبوع بالشهر يطلع لهم من 240 الى 360 دينار انت حطي عضويه مفتوحه ب150 وااكد للزباين الدايمين لقسم بدون طلب كذا تضمنين انهم ماينقطعون وبعد فتره يحبون يطلبون يكون حالهم حال اي زبون ثاني لا وممكن تصير دعايه لك وغير كذا مايستكثرون كل مره 30 دينار ...ولو المكان دورين حطي فوق قاعة مناسبات او معارض للي حابة تسوي حفله ولا ممكن انت تنظمين معرض او بازار او احد يستاجره واذا كنت حابه مع الوقت تتوسعين ماتضطرين تغيرين مكانك...
وارجع ااكد الاسعار حسب بنات ديرتك شوفي ممكن يدفعون ولا لا...
مثلا مشروع عندنا بالرياض لازم يكون متكلف لان البنات هناك يتفاخرون انا رحت لمكان كذاومكان ....بالشرقيه العكس يحبون البساطه والنعومه وجودة الخدمه اهم شي عندهم فيفرق انا وش بسوي حسب المنطقه...

ووه تعبت ...بس والله تستاهلين...واهم شي دراسة الجدوى يالغاليه...ربي يوفقك لكل خير...دعواتك


اللهم استودعك ابنتي مياس فانت الذي لاتضيع ودائعه
فكرة المشروعين حلوة وممكن تسوين النادي مع الكوفي ... موفقة يالغلا
اقتباس مشاركة  (هـدوء الـكـون !!)
كلامكم حلوووووووووووو مرة

ولكن ماافضل اسوي ثنين مع بعض بس ينجح واحد اتوسع واسوي الثاني عشان مااسوي ثنين مرة وحدة اخسرهم ع الاقل اخسر واحد ولا اخسر ثنين


برآيكم الاول احسن ولا الثاني

وساعدوني بالاسعار للتدريب بالصالة الرياضيه ؟
........................................
احترم وجهة نظرك بس لو كان نشاطين او اكثر واحد بيشيل الثانيوتقل الخساره... والخسارة ماتجي الا من اخطاء اداريه واولها ميول بنات ديرتك افتحي شي البنات يحبونه وغلط التجار اللي فشلوا انهم فتحوا شي هم يحبونه..


اللهم استودعك ابنتي مياس فانت الذي لاتضيع ودائعه
ام مياس يالغاليه


تسلم ايدك .. من التعب

آنآ مرة استفيد منك اختي ... كثير تفيديني وكلامك يريح ويشجع على التطبيق


مااعرف كيف اشكرك


لك جزيل الشكر ياعمريييييييييييي


فيك الخير والبركة والبنات ايضاً مايقصروا .. واي افكار لمشاريع ثانيه ممكن يحبوها البنات لاتبخلوا علي


الساعة الآن 10:25 .