القصه تقوول>>حصلت هنا في السعوديه<< كان
هناك رجل عزم هو وزوجته على السفر للنزهه
{وتغيير الجو}فجا الزوج الى زوجته بالليل وقال
لها:جهزي ترا بنسافرالى.........
قالت له وهي فرحااانه:متى؟
قال:الحين{وش ورانا}
قالت:لا والله مانرووح بالليل..
قال:الا نرووح..
:لاااامانرووح..
:الا
:بنص الليل؟؟ومحنا متجهزين..
:واذا صار الناس كلــــــها تسافر بالليل{مبالغات خخ}
ورفضت الزوجه والزوج مصرر ويحاول يقنعها
وبعد محـــــــــــــــولات اقتنعت الزوجه اخيرا
وهي متخوفه من هذي السفره..
جهزوا الشنط وركبوا السياره وغادروا بيتهم
الصغير بسم الله مسافرين..وودعواا مدينتهم..
دقايق ومسكوا الخط السريع وماتشوف الا غبارهم
والزوجه الى الان خااااااايفه!!
الدنيا ضلااااام..
يمينهم صحرا..
يسارهم صحرا..
شمالهم صحرا..
مامعهم الا الله والطريق خاااالي..
وبعد ان قطعوا مسااافه مو قليله من الطريق..
وفي حوالي الساعه2بالليل وهم يمشون بالطريق
لمحوا من بعييييد شايب واقف جنب الطريق
وملابسه حالتها حاله وقاعد ياشر بيده..
الزوج دخلت قلبه الرحمه فقال لزوجته:وش رايك
لووقفنا وشفنا وش يبي ونقدم له خدمه اذا كان محتاج؟؟
رفضت زوجته بقووووه>راسها ياااابس<وطولت لسانها
حاول زوجها وحاول ولكن الاخت راكبه معها مرره..
وبعدين حن قلبها شوي وقالت:وقف وشف وش
يبي بــــــــس مايركب معنا..
قالها خلاص..
ووقف ونزل من السياره وسلم على هذا الرجل
المسن>يعني الشايب<فطلب منه الشايب انه
يوصله للمكان الفلاني..
قاله الزوج:انتظر لحظه..
وراح لزوجته وقال لها:هذا الشايب يبينا نوصله!!
>يحليله مطييع من اليوم ياخذ راي زوجته<
المهم الزوجه رفضت لان كما سبق وقلت
راســـها ياااابس..
حاول معاها ويستعطف قلبها على هالشويب
المسكين واقف لحاله بنص اليالي وبردااان ومن
هذا الكلام..
حتى رحمته نوعا ما ويااااليتها ما رحمته!!
فقالت لزوجها:اوكي نشيله بس بشرط انا اركب
قدام>باين عليها راعيه رزه<واافق زوجها وراح
للشايب وركبه السياره في المقعد الخلفي طبعا..
ولكن!!...
ولكن الشاااايب معه كرتوون وش بداخله؟؟
الله اعلم!!!
ركب الزوج السياره وربط الحزام>اهم شي
عشان التفتيش<مشى..ومشى..
وزوجته لحد الان خااايفه حدها وكل شوي تلتفت
على الشايب وهي مرررررعوبه منه..
وفيما هي تمارس هذي الالتفاتات شااافت الشايب
يفتح الكرتون اللي معه ويطالع بداخله ويبكي
وتدمع عيووونه..
خافت الزوجه اكثر..
وكل ما التفتت عليه شافته يطالع داخل الكرتون
ويبكييييي..
زااااد خووفها وهمست لزوجها:نزل ذا الشايب
الحين شكله مووو طبيعي..
رفض زوجها..
والحت عليييه بس رفض رفضا قاااطعا ولكن
الحرمه هذي مصيبه لقت لها حيله قالت:ابي
الحمام
>اللحين بيوقف غصب عنه<
وقفوا بمحطه سيارات..نزلت الزوجه وقالت
لزوجها:انزل معي..
نززل معها
ويوم نزلوا قالت:شف يا انا ياهو..
احتار الزوج وحاول فيها بس>راسهااايابس قلت
لكم<..
في الاخير اتفقوا يتصل الزوج باقرب مركز
شرطه ويقول لهم ان معه رجل بينزله عندهم وانه
شاك فيه>مسلسل تاريخي<
الحين لان راس الزوجه وركبت السياره مشوا في
طريقهم حتى وصلوا اقرب مركز تفتيش فقالوا
يطمنون هالشايب ان هذا تفتيش اثباتات لكن
هالشويب خاف وزاد بكاؤه..
وقفوا عند المركز والشايب حاضن كرتونه
ويبكيي..
فتح الظابط باب السياره الخلفي وقال للشايب:انزل
الشايب وهو يبكي:لا مااانيب نازل
:اقولك انزل
:لالاااا
قاموا نزلوه بالقوووه وهو متمسك بكرتونه حاولوا
ياخذون الكرتون منه ولكن بكى وبكى وبكى
وبكى..اخذوا الكرتوون منه بقووه ويووم
فتحووه.. ياللمصيبه!!وش ذا؟؟
اش هذا اللي بالكرتوون؟؟
تدرون وش لقو؟؟
{شو تتوقعوون؟؟}
لقد
وجدوواااااااااااااااااااا ااااااااااااااااااااااااا اااااااااااا
روؤس!!
وش ذا؟؟ هل هذا حقيقه ام خياال؟؟
يوم سمعت الزوجه ان اللي لقوه روؤس
قالت وهي تبكي من الخليعه:قلللت لكم اني شاكه
فيه من اول اهى اهى
وخايفه منه..وصار شكي في محله..
ياللموقف المذهل..
ياللفاجعه..
ماذنـــــــــــــــــب هذي الرؤوس المقطعه؟؟
ماذنـــــــــــــــب هذي الزوجه المفجووعه؟؟
ماذنــــب هذا الزوج المسكيين اللي شال الشايب
وانفجع بذا الموقف؟؟{ولاحقين عالشرطه ماعلينا منهم}
ما ذنبكم انتم تخافووون؟؟
ماذنبي انا اكتب السالفه هذي؟؟
يالله ماذا يشاهدوون رؤووووس
رؤوووس
رؤووووس
وؤوووووووووس
وؤوووس
غمضو !
رؤووس
.
بصل مقطعه؟؟
:39::39:
أنا هي @ana_hy_3
كبيرة محررات
يلزم عليك تسجيل الدخول أولًا لكتابة تعليق.
جيجــــــــي
•
اول مره ارد اول وحده بس ترا ماقريت شي بجد خايفه
أنا هي
•
اول مره ارد اول وحده بس ترا ماقريت شي بجد خايفهاول مره ارد اول وحده بس ترا ماقريت شي بجد خايفه
ياحليلك يالخوافه ههههههههههه
مايخوف :35:
أنا هي :
ياحليلك يالخوافه ههههههههههه مايخوف :35:ياحليلك يالخوافه ههههههههههه مايخوف :35:
هههههههههههههههههههههههههههه ابشرك قريتها بس اندمجت مره
الصفحة الأخيرة