حسبي الله على كل متحرش ومتحرشه في برائه الاطفال

الســــلام عليكــم ورحمـة الله وبر كاته

صباحكمـ/ مســاكمـ



فــل ويــاسمــين..







اليومـ خواتي ابي استسمحكم بموضوع امكن يكون شوي اوحبتين جرئي.. بــــس الموضوع هذا والله ما ذكرته الا لمعرفتي لبنات تعرضوا له ..ويعانون منه,, ويبكون منه.. ودايم احاول اني اخليهم يفضفضوا واهون المشكله عليهم..

الله يعطي العافيه لختي { المهمومه}.. قريت موضوعهاا وتشجعت اني اكتب الموضوع.. لكم
نفسي يكون في موضوع في المنتدى لدعم الفتيات المتحرش فيهم وهم صغار.. لان الموضوع هذا يكتم في النفس وما تقدر اي بنت تتكلم فيه..او تشكي منه.. وخصوصاالهلهاء او قريبتهاا عشان ما تتغير النظره لها.. او يعطفوا عليه اويتكلمون من وراها
والتحرش هنا .. يكون من اي حركه او اعتداء ا.. ذكرتها لسا ومتضايقه منه
وكيف صار لهاا بدون خــــــــــــــــدش الحياء او التعمق في الموضوع..او وصف الطريقه..الالتزام با اداب الاسلام
ودعم الفتاه .. والدعاء لهاا..

مو ضروري يكون الموضوع يخصك حتى لو تعرفي احد تعرض له احكي لنا خلينا نوقف جنب بعض
.. ونتعلم كيف نحمي ابنانا من المتحرشين.. وطرق تحرشهم انا من خلال معرفتي في بنات تعرضوا لمواقف هذي .. اكتشفت ان المتحرشين اما اقارب واهم الاقل او البنقاليه الي في البقالات او الشغالات..
حسبي الله على كل متحرش ومتحرشه في برائه الاطفال..


وارجوو كل الرجاء من اخواتي الحوائيات عدم جرح مشاعر البنات او التلفظ بي كلمه تستفز البنت ..او استهزاء
يكفي ما حصل لهاا..لا تكوني انتي والدنياء عليهاا..وارجوا من العضوات عدم حذف الموضوع لحاجتنا اليه.
لكل فتاه هذهي الصفحه .. لتزيحي بهاا كل ما يضايقك فاهلن وسهلا بكي اختي الحبيبه انتي بين اخواتك المسلمات
بسمـــ الله نبدا


يسعدني اكون اول فتاه تتكلم وتلقى من يسمعهاا انا صاحبه لينا واحنا سهراني مع بعض الليله وشربنا القهوه وطرت على مخنا ها الفكره فاتمنى تساعدكم مثل ***** الله انها تساعدني

انا اسمي المستعار مي عمري 22 بحكيلكم موقف قهرني وماثر علي .. جدا.. حتى اهلي مايدرون عنه كتمته في صدري.. وقفلت عليه ابواب الدنيا دفنته في اعماق قلبي .. وقلت لو الارض تنشق ما قوله لاحد..
كان عمري حوالي 5 سنوات وابوي الله يخليه لنا مدلعنا وحنا صغار في كل مكان معاه .. وهذا ياحريم اكبر خطى ان البنت ترووح مع ابوهاا كل مكان بين الرجال.. الله يخلي امي لي كانت ترفض.. وتصر علي اجلس بس انا عنيده وابوي مايتحمل دمعه مني على طول يوافق ويغصب على امي
امهم.. كان عندنا مزرعه مره حلوه وابوي يروح لها كل يوم العصر..وكنت انا متعلقه معه مع ان رجال يجونه في المزرعه بس انا الا معه..
وكان في عامل مصري يشتغل عند ابوي ,, شكله مره طيب اسمه سمير .. مره ابوي حط خيمه في المزرعه كبيره.. وعاجبتنا احنا الاطفال مره وقمنا نصارخ الله بابا مره حلوه خلينا نطلع فوقهاا نوصل لسماء ضحك ابوي وقال..طيب
وهو كان يسقي الشجر من البير وخايف اننا نجي البير ونغرق فيه تعرفونه يعني.. بركه المويه الكبيره
طلب ابوي من سمير انه يرفعنا؟؟؟؟؟؟؟؟؟
فاجاء العامل وقام يرفع الاولاد قدام ابوي.. يوم راح ابوي جاءدوري وانا اخر وحده ورفعني ؟؟؟؟؟؟؟

وسوى حركــــــــــه حسبي الله عليه..حسبي الله عليه.........
انا في برائه.. وعلى الفطره.. حسيت في شي غلط.. قمت اصااااارخ بابا بابا بابا
فا نزلني على طـــــــوال وخاف؟؟
انا ذاك اليوم زعلت وبكيت كثير وانا مو عارفه ايش قصده او ايش فيه؟؟
بعدين رحنا البقاله..وشرايت حلويات.. ونسيت السالفه
بس صرت اخاف من الرجال حتى لو صوت من بعيد
اهرب عند امي
بس لما قربت اتزوج الموضوع سبب عندي عقده كبيره ومشاكل مع زوجي.. كثيره وكنت اتحجج اني مستحيه
وادعي ربي..انه يسهل اموري .. وما يفرق بيني وبين زوجي والحمد الله سارت الامور بخير
بس الى الان من جواي مجروووحه يابنات .
حسبي الله عليه
بعض الاحيان افكر واقول الحمد الله اني صرخت والا كان بلاوي.. حصلتي
يارب لك الحمد حميتني وانا في قمه البرائه..

فانتبهواا ياحريم على بناتكم مهما بكت البنت او زعلت لا تروح مكان لوحدها حتى لو مع ابوهاا او اخوها.. ترى الرجال ما ينتبهو الاشياء هذي مثل الام وحرصهاا ..



اتمنى تتفاعلو مع الموضوع ما كتب الا لمساعده..