السلام عليكم ورحمة الله وبركاته ...
انا جايه اليوم وشاركت بالمنتدى لما له من سمعه طيبه .. وبعد ماعرفت عنه الكثير
وحبيت اطرح قصتي بعد ماضاقت بي الدنيا ,, ولا لقيت من يسمع لي .. او يهتم للي اسهر مقلتي
انا بنت عمري( 24) سنه ,, يوم كان عمري 17 تقدم لي شاب وكان كويس مرة واخلاق وسالو عنه اهلي
على الرغم من انهم كانو يعرفوونه بس سألو عن قبل لا يوافقون على خطبته لي .. طبعا احنا من عاداتنا ان
البنت مايصير تكلم خطيبها وقت الخطبه وقبل ما تملك ,, استمرت الخطبه فترة قصيرة ماخذت اكثر من شهر ..
تزوجت في البداية ماكان بينا ميانه وكنا رسميين مرة .. بس مع الوقت تعودنا على بعض وارتحت له حيل وهو بعد
وكنا اسعد ثنااائي .. وصرت اموت فيه عشقته ومن حبي له قبل ماينطق بالحرف اقوله يالبييه , وهو بعد
كان يحبني حيل ويسوي لي كل الي ابيه ,, انا حملت بسرعه بعد اربع شهور من زواجنا .. مرت الايام وولدت
وكانت حياتنا مرة كويسة حتى اذا واجهتنا مشاكل كانت مشاكل بسيطة وبسرعه نحلها ولا نخليها تسيطر على حياتنا ,,
بعد سنه حملت مرة ثانية ,, وفرحنا كثير بالحمل هذا ,, بسرعه عدت ايام الحمل وصارت ولادتي صعبه حتى
بنتي نقصها اكسجين وهذا بسبب اهمال من الدكاترة والممرضات ,, طلعت بنتي معاقه ,, انا في البداية انزعجت
مرة ونفسيتي تغيرت حيل ,, صرت احب العزله واهملت شوي بيتي ,, بس هالفترة ماطولت وعلى طول وكلت ا
مري لله ورضيت بقضاءه وقدره ,, مرت الايام وانتبهت الشي ,, لقيت زوجي ماكان مثل اول تغير مليون درجة
ابتعد عني كثير .. وصار مايحس بالمسؤليه طلعاته كثرت واذا رجع البيت يجلس ع النت وحتى مايكلف نفسه
يكلمني ,, او يسال عن عياله ,, صار تعامله جاف معاي مايعرفني الا وقت ما يحتاج شي ويطرشني ,, بالعربي
صرت مطراش عنده ,, حتى بالغرفه صار ماينام معاي ,, واذا حاولت افاتحه بالموضوع يتهرب ,, واذا ضغطت عليه
يصرخ بوجهي ويحط اللوم علي ويقول ماتشوفين حالك ,, مع اني ماكنت مقصرة بالعكس شايلته على كفوف
الراحه واحاول ماحسسه بأي شي ,, مو بس اهو تغير علي حتى اهله كرهوني لان اكتشفت انه يروح الامه
ويشتكي لها مني .. ويقولها كلام يشيب الراس كل اهل بيته قلبو علي ,, بس عمي الي اهو ابوه كان هو
احسن واحد ,, وصارو خواته يطلعون علي كلام مو فيني ,, صرت اسمعه من برى ,, انقلبت حياتي جحيم من
يوم جبت البنت ,, صار يقول الامه انه كرهني ماعاد يتحملني ,, وطلب منها انها تدور له وحده ثانية عشان يتزوجها
طبعا انا مارضيت وطلبت الطلاق ,, واهلي مايدرون بشي من الي مريت فيه كله ,, الا يوم سمعووو انه بيتزوووج
وهم بعد مارضوها علي وخصوصا امي ,, وقالو لازم يطلقني ,, طبعا اهو كنه ماصدق خبر بعد فترة من التمثيل
منه ومن اهله انهم يبون اصلاح ولا يبون الطلاق وماعليه انه يتزوج واظل على ذمته طلقني .. وبعد فترة قصيرررة
ماتعدت شهووور ,, سمعت بخبر زوااجه والمصيبه منووووو تزوج بنت عمته الي انا كنت اعدها اعز صديقاتي
وياما دخلتها بيتي وياما سولفت معاها وشكيت لها عن همووومي الي امنتها على اسراااري تتزوجه لدرجة
هذي الدنيا ماعاد فيها خير ,, استغفر الله استغفر الله حتى شكيت فيها انها هي سبب في تغيره علي وكانت
سبب كبير .. بس ان بعض الظن اثم ... المهم تزوجووووو والحين عندها بنت وولد توام .. انا بنتي قطوها بدار
رعايه للمعاقين ... وولدي بالموت رضت امي انه اخليه عندي كان مسكين مثل العبه كل واحد يرميه على
الثاني ,, وامي مارضت اني اخذ بنتي هي مارضت اخذ ولدي عشان اخذ بنتي ..
انا ابي اعرف شذنب الي سويته عشان يصير لي كذا ..
شالاسباب ..
اااااااااااه
حياتي تدمرت ,, صرت اتعس انسانه ...
بس الحمد الله على كل حال
.
.
حزينة الدمعه @hzyn_aldmaah
عضوة جديدة
يلزم عليك تسجيل الدخول أولًا لكتابة تعليق.
ااام نايف
•
عزي نفســـــك اللي مايبيك لاا تركضين وراه ، ربي بيعوضك خير ولاتندمين على رجـــــال باعك في يوم، وبنتك لازام هو بعد يتحمل مسوليتهاا، مو انه طلقكك يعني خلااص ، واشتركي في نوادي دوري لك وظيفه اشغلي نفســـك ، عيشي لـ نفسك وبس ،
إذا كانت هي السبب في خراب بيتك حسبي الله عليها ونعم الوكيل الله ينتقم منها <<<أنا قلت اذا كانت هي السبب
وصدقيني اذا كانت خانتك أو سوت معاه علاقة قبل الزواج ربي يمهل ولا يهمل ويمكن تذكرين كلامي
وانتي الله يعوضك ويعطيك ع قد نيتك يارب
وصدقيني اذا كانت خانتك أو سوت معاه علاقة قبل الزواج ربي يمهل ولا يهمل ويمكن تذكرين كلامي
وانتي الله يعوضك ويعطيك ع قد نيتك يارب
الصفحة الأخيرة