يابنت الحلال كل الرجال كذا مايمدحون علشان ماتكبر روسنا عيني خير وطنشيه

قلت له بروح لاهلي قال روحي هذا الشارع بس ماني موديك

هذي الجمله تدل على انه شاريك وعارف انه عندك محاسن كثير واكثر من مساوئك بس هم كذا الله يهديهم مايعرفون يعبرون وكمان لما يعصبوا يقولوا اي شي بس عشان ينرفزونك

رفع

اشكر اللي ردو علي

معليش يوم قريت موضوعك والله اني ضحكت

مو استهتار بس قسم بالله من القهر لاني انا نفس وضعك وشر البلية مايضحك

ريحي بالك لو صحيح مساوئك اكثر من حسناتك كان ماقعدتي معاه دقيقه يختي الرجال يدور له على اي سبب عشان يخون او يتزوج او يهجر ويمشي على حل شعره على قولة المصريين خخخخخخ

هو اكيد مايقصد صدقيني وكلهم جحادين بس مادري ليش يقولون ان الحرمه هي تنكر العشير بس سبحان الله حتى هم ينكرون دايما لين يفقدون الاهتمام والدلع ذيك الساعه بس يحسون بقيمة الزوجه

انتي سوي مثل ماسويت لما زوجي قام يركز على مساوؤي ولا يتذكر كل اللي اسويه عشانه قمت اقلل بالتدريج من اهتمامي فيه المبالغ لاني كنت وايد ابالغ واسويله اشياء مب واجب علي واجيب له كل اغراضه واجهزها واشتري له كل شي واهديه باستمرار شوي شوي قمت اخفف وهو لاحظ قام اعتدل بس انا مازلت مصره اني ما اعطيه اكثر من المفروض علي والله يختي انه اصطلب يعني اعتدل وقام هو يهدي وهو يهتم ويترحم على ايام الدلع هههههههه بس ما سكت له قلتله لما كنت اسويلك ما كنت تحسسني انك تحب اللي اسويه على بالي مو مهتم لاني ولا مره سمعتك تمدح اهتمامي فيك ههههههه استهبل عليه

ولين اللحين انا اتدلع واتميرض ولا ابالغ لما جونه ضيوف وحتى مره خليته يطبخ برا البيت قلت له تعبانه !!! وانا هالكلمه ما كان يسمعها مني بالعكس اطبخ وانفخ وكرشتي قدامي وابيض وجهه هو من بعد هالمره ما صار يعزم نفس قبل وانا ارتح تبين الصدق ولما يجونه ضيوف يبلغني قبلها بفتره ويشاورني قبل يحطني قدام الامر الواقع وساعات بنفس اليوم يبلغني !!!

ريحي نفسك وخلي اكبر اهتمامك بنفسك ولا تعطينه اكثر من حقوقه