السلام عليكم اخباركم حبيت احط لكم بعض من تجاربي البسيطه اتمنى تحوز على رضاكم
=====================================
اذا حبيتي ريحة الثوم تختفي من يدينك خذي ملعقه عاديه حقت الاكل وافركي بها يديك تحت صنبور الماء وتختفي الريحه
=========================
خذي اي علبه من عندك سواء بلاستيك اوحديد حمي سيخ وخرمي الغطاء اذا كانت بلاستيك واذاكانت حديد خرميها بمسمار وشاكوش حطي فيهاطحين عند فردك للعجين اوزعترللرشه على الساندوش اوخلطة السينابون
تكون هالطريقه انظف واحسن من الحوسه
=========================
اذا قشرتي البرتقال لاترمين القشر نشفيه واستخدميه مثل الفحم الصناعي ولعي عليه النار واستني شوي حطيه في المبخره وحطي دخونك جربي
=====================
حطي بياله شامبوالسجاد ومثلها بخاخ القزاز ومثلها خل ابيض ومثلها ملين الاقمشه وحطيها في بخاخ لوانكب اي شي على السجاد تكون جاهزه عندك بخي وافركي
===========================
اذاشلتي التجليده من اي شي كنتي حاطتها عليه وتبغين الغراء حقها يروح افركيها بالمساحه حقت اقلام الرصاص المحايه العاديه
=================================
حطي ملي فنجان قهوه زيت الاطفال وكاس بخاخ قزاز ونص صابون سايل حق اليدين واي زيت عطري فوح وعلبة فانيلا حقت الكل اخلطيهامع بعض وحطيها في بخاخ وامسحي بها الابوب والمكاتب وتمتعي بالمعان والريحه
===================================
حطي 2ك صابون بودرة و1ك خل و1ك عملاق و1كلوركس و2 اي مطهر تستخدميه اخلطيها ووزعيها في اي علب عندك انا احطها في علب الشامبو الضغاط واوزعها في الحمامات تكون جاهزه وسريعه وتمتعي بالنظافه
==============================
اذا الخلاط حق الطماطم مايفرم زين اوالفرامه حقت الخضار ماتقطع زين حطي فيها ملح خشن وشغليهالان الملح يعمل على سن السكينه لها
=====================
اذا تبغين تخففين من حوسة المطبخ الظهر اغسلي الرز في الليل وصفيه على طول وحطيه في علبه في الثلاجه قطعي بصل حق يومين حطيه في الثلاجه مايتغير ابدا
وخذي اي علبه كبيره اوسطل صغير وحطي فيه كيس وخليه مثل الزباله الصغيره الله يكرمك على طاولة المطبخ
=============================================
للمعان عيون الفرن انقعيها في خل اسود وماء حار وافركيها باليف الخشن
============================
لتنظيف الكيبورد اوفتحات التلفاز خذي ريشه الرسم الكبيره وبخي عليها ونظفي
=====================
خذي زيت الاطفال حطي عليه اي خمريه حقت الجسم الي تفضلينها ودهني بها جسمك بعد الاستحمام وتمتعي بالرائحه
وخذي اي بودره وحطي عليها 2م مسك بودره و1م فانيلا حقت الاكل ترى مامنها مضار وتمتعي بالرائحه حتى الاطفال بيحبوها
============
اتمنى اني ماطولت عليكم وافدتكم وشاكره لكم صبركم علي وطولت بالكم الله لايحرمني منكم
:27:
دوسرية نجد @dosry_ngd
عضوة جديدة
يلزم عليك تسجيل الدخول أولًا لكتابة تعليق.
شروق2090
•
يعطيك العافيه
الصفحة الأخيرة