كيفكم يابنات


انا اليوم سجلت في عالم حوا ء بطييييييييييير من الفرحه



وابغى اطلبكم طلب زغنوووووووووووو ن




ابغى اي وحده عندها خلطه لدجاج ماتبخل علي الشهر هذا ماشترينا لحم الحاله الماديه ماتساعد

وبصراحه طفشت من الدجاج وحتى ابو الشباب مل


مره احمره ومره اسوي مضغوط (اشكل يعني)

استناكم يابنات الله يسعدكم

مافهمت عليك كيف خلطه لدجاج اذا كنتي تقصدين طبخات مختلفه بالدجاج ابشري بس وضحي قصدك حبيبتي
حبيبتي اسبريسو

زي ماقلتي الله يسعدك انتي الي عبرتيني

لو طريقتين بس
مابغى اتعبك
والله يجزاك بالخير
شوفي حبيبتي تقدرين تسوين الدجاج باسياخ الخشب زي النجت وتقلينها او تدخلينها بالفرن شيش طاووق وتقدمينها مع الرز الابيض
تقدرين دجاج صيني مع رز صيني
تقدرين تسوين بروستد
تقدرين تسوين صينية دجاج بالخضار بالفرن وتقدم مع الرز الابيض
وتقدرين بعد تسوين رز بالتونه كبسه بدل الدجاج واللحم ولاتخافين مايحتاج للتونه ميزانيه ب3 ريال وطعمها جنااااااان


الدجاج الحار

--------------------------------------------------------------------------------

12 فخذ دجاج (السيقان افضل) - 2 م ثوم مهروس - 2 م زنجبيل مفروم - 2 حبات بصل اخضر مفروم - 2 قرن فلفل حار مفروم - 1 م من مسحوق الكاري المدراسي - 1 م فلفل احمر - 2/1 ك روب - 2/1 ك كريمة حمراء من كي دي دي - 2 م زيت زيتون - 4/ 1 ك عصير ليمون

الطريقة:
خلط كافة المقادير جيدا حتى تتجانس
ينقع الدجاج بها لمدة 6 ساعات
يشوى على الفحم ويقدم ساخن مع الخبز أو الرز الابيض والسلطات




بايركس الدجاج (اكلة تركية )سهــــــــــــ ـــــــــلة جدا ...

--------------------------------------------------------------------------------

المقادير:
دجاجة مقطعة 8 قطع
بصلة مفرومة
ملح ،بهارات ،القليل من الزيت
(فلفل بارد مقطع ارباع ،طماطم مقطعة ارباع ،بصل مقطع حلقات )
الطريقة :
يشوح البصل المفروم بالزيت في القدر ثم نضيف البهارات والدجاج ونحرك المقادير حتى النضج .
نضع الجميع في بايركس ونضيف البصل المقطع حلقات والفلفل البارد والطماطم
وندخله الفرن لمدة عشر دقائق على نار متوسطة ثم نحمر البايركس من اعلى ،ثم يقدم مع الارز الابيض والسلطة .

ملاحظة:نستطيع اضافة بطاطس مقطعة حلقات ومقلية وموقعها يكون اسفل قطع الدجاج




شرائح صدور دجاج على الطريقه الصينيه
المقادير :
نصف كيلو جرام من شرائح صدر الدجاج بدون جلد
1حبه فلفل اخضر
نصف حبه فلفل احمر
1حبه جزر
1ملعقه زيت ذره
1ملعقه خردل(ماسترد)
2 من مكعبات شوربه ماجي
1علبه قشده متوسطه الحجم
الطريقه:
يوضع الزيت في جدر صغير الحجم على النار ومن ثم يوضع البصل المفروم ويترك حتى يصبح ذهبي الون وبعدها يوضع الدجاج ويقلب مع مكعبات الماجي ويقلب حتى يصبح لونه مائل للابيض
وبعدها يوضع الخضار المقطع اصابع (الجزر_الفلفل الاحمر_الفلفل الاخضر) ويترك لمده عشر دقاق وبعدها توضع القشده والخردل وتقلب على النار ثم ترفع....
ملاحظه:
تقدم ساخنه مع الارز او الخبز...

واتمنى اني افدتك علما بان الطبخات منقوله لاني حبيت اساعدك لان الان لايحضرني اي طبخه
ينقل من الساخنه الى اطباق عالم حواء


الساعة الآن 11:55 .