مسااااااااااء الخير

كيف الحال والاحوال

هذا تطبيقي لدجاج الشوايه لام فيصل الله يرحمها وينور قبرها يااااارب

والله اني احبها وانا ما اعرفها

انا عملتها كذا مره بس اليوم اول مره اصورها وعملت معاها الرز الافغاني

بس في شي قهرني اليوم

اقولكم عليه اخر الحلقه اقصد اخر الموضوع

طبعا طريقة الدجاج نغسل الدجاجة كاملة زي ما هي من غير تقطيع ولا نزع الجلد

وبعد ما تنظيفها تماااااام التمام

نتبلها بالبهارات الي نحبها وانا زودت كمان ثوم وخل وزيت زيتون

وفركت الدجاجة بالبهارات من جوى وبرى

ونجيب كاس قزاز ونحط فيه اعواد قرنفل وشوية هيل ومويه الى النص

ونوقف الداجة زي الصورة الجايه ونحط في الصينية مويه يعني نخلي الكاسة جوة بطن الدجاجة

ونسيبها في الفرن ساعة ونص

طبعا انا صورتها بعد ما استوت وهذي اول صووووووورة



وهذي ثاني صورة للمداااام




وطريقة الرز الافغاني

نقطع بصل شرائح ونقلية في شوية زيت لحد يحمر مررره

ونحطة في الخلاط مع طماطم ومعجون طماطم وماجي وفلفل رومي وشوية ملح

ونخلطها وبعدين نرجعها في نفس القدر الي شوحنا فيه البصل

لما تتسبك ونضيف عليها شويه قرفه مطحونة وليمون ناشف وموية والرز ونسيبها تستوي




وهذا صحني الي اكلت فيه لاني اكلت لحالي خسااااارة التعب زوجي ما رضي يتغدى يقول شبعان

المهم اني اكلت لحالي مع اني انتظرته لحد العصر وكمان ما رضي ياكل

المهم

اخر شي عملت صوص الطماطم الحار

طماطم + فلفل حار + ثوم + ملح + ليمون وفلفل اسود

ونخلطها في الخلاط وبس




قاعده اكتب بسرعه وما زلت معصبة من الاخ لانه ما اكل بس الله يعين





حساباتي
في تويترFo_ona@
والانستغرام

fo_ona@
بالعافية على قلبك
أم فيصل أنابعد أحبها من مدح الأخوات فيها سبحان الله بعد ماراحت
سيرتها ما راحت الله يرحمها
} وماقدروا الله حق قدره والأرض جميعا قبضته يوم القيامه والسماوات مطويات بيمينه }
تسلم ايديك مشهيه مررررررررررررررره هني وعافيه
تسلم يديتك شكله مرره مشهيه جاري التطبيق
كان نديتي علي اكل معك عليك بالعافيه
الله يعطيك العافيه وام فيصل الرحمه
اللهم حققلي كل امنياتي اللهم امين قولواميييييييين ولكم باالمثل


الساعة الآن 05:40 .