نصيحة احب أقدمها لجميع الحلواااات

نصيحة احب اقدمها لجميع بنات حوا الحلوات
لاتكثرون من اللعب والتجارب في وجوهكم خصوصا صغيرات العمر فمايناسبك لايناسب غيرك
كنت مشتركه في خدمة جوال وكانت ترسل لس خلطات طبيعيه وكانت بنت جيراننا في الثانوي تاخذ جوالي وتاخذ الوصفات والله يابنات وجهها خرررب وطلع فيها حبوب غريبه مره ماهي حب شباب لا احسها تخوف حمراء وبارزه يوم اهلها هاوشوها قالت اخذت الخلطه من جارتنا الصراحه حطتني في موقف محرج انا مااعطيتها خلطات هي اخذتها من جوالي
انا مالمس وجهي بالخرابيط يادكتور صح يالا
او مستحضر من الصيدليه معروف شركته
اما الجسم ماعندي مانع بس الوجه لا والف لا وانا واخواتي كذا مانلعب في وجوهنا ابد
انتبهوا يابنات من التجارب ترى موكل مره تسلم الجره اشوف البهاق والله كثر من الخلطات
الي تبغى النضاره والجمال الحقيقي تبدأ بأكل صحي وفيتامينات ثم تروح لدكتور جلديه او تجميل وتطلب ماتحبه منه اما خلطات كل شي الا هذا
انا مااشكك في خلطات احد بالعكس الي ناسبها الله يوفقها ويتممه عليها بس لاتجربون على انفسكم وخاصة ماظهر للناس زي الوجه
وفيه قصة ثانيه بقولها لكم مجموعة اخوات يمكن خمس كلهم كبار بشراتهم ماشاللله شابه الا وحده منهم الوسطى منهم مره متجعده وذابله (عرفت من خلال كلامهم انها من زمان كانت احلاهم بشره بس قامت تاخذ من خلطات يعطونها المعلمات معها في المدرسه ) وخربت البشره من كثر تلميس الشي الزايد والتلطيط يخرب الوجه التوسط زين لا افراط ولا تفريط
الشي الثالث الي ابقوله حطوا اذا تبون شي طبيعي كلن على حده يعني
ماسك عسل لحااااله
ماسك زبادي لحاله وهكذا
اما اخلط فكس واحط حليب وش هذا ؟ انتبهوا انتبهوا
وكمان الشي الرابع الي بقوله (ان كان ولابد من الخلطات ) فنصيحتي اخلطي حق اليوم فقط وبكره سوي مره ثانيه لاتقعدين تجمعين لمدة شهور تتفاعل مع بعض وتكون خطر
صدقوني اني احبكم ولعلمي ان المنتدى يدخله من جميع الاعمار اني ابي لكم الخير
الي تبي الجمال الحقيقي تقوي صلتها بالله يعطي نور في الوجه
ثم تبدا بداخلها بالتغذيه السليمه كلوا تفاح تمر اشربوا حليب كلوا خس وبقدونس وورقيات اي شي مفيد كلوا منه
ثم استخدمي مستحضرات معروفه من شركات معروفه حتى لو هي رخيصة معروفه
الي عندها مقدره تروح لأخصائية تجميل او دكتورة جلديه تقولها عن كل الي مزعجها حتى الي تبغى النضاره فيه لها علاجات على الاقل مدروسه ولو جالك شي منها الدكتورة تساعدك
هذا الي عندي يمكن مايعجب غيري لكن صدقوني اني ناصحه لا اكثر ولا اقل
واتمنى انكم تدعون لي بالتوفيق