أختي ريم الفلا....السلام عليكم
أنا أعرفها وأعرف أسويها بس لازم تلتزمين بالطريقة بدقة ويلا بلا كثر كلام
الطريقة:1ك كنافةطاززززززززجة من عند المخبز مومثلجة ضروري والأفضل غوار +قالب زبدة ذايب
جبنةعكاوي أو جبنة موزريلا معاها جبنة كيري (تبشرين الموزريلا وتخلين الكيري أصابع)أوجبنة حلوم على حسب رغبتك (شيرة)
الطريقة:تجيبين الكنافة وتفكين منها جزء والباقي خلي في الكيس عشان ماينشف بعدين أبدي مديها في الصينية وإنتي ماسكة طرف بالترتيب كنك تمشطينها بحيث تكون صف واحد ماتكون منفوشةبعدين إدهنيها بالزبدة بالفرشة وتأكدي إنها شربت الدهن بعدين حطي الحشوة فيها ولفيها زي الدرابيل وتكون بطول السبرنغرول الصغيروحطي في الصينية المدهونة بالزبدة والصينية غطيها بكيس عشان ماتنشف الكنافة وخلي إصبع الكنافة مقلوب على الوجه إلي إنتهت فيه اللفة عشان مايفرط عليك بالفرن وهكذا وإجمعي حتى تنتهي من المقدار وبالفرن حطيها ساعة إلاربع وفي نصف المدة طلعيها وقلبي أصابع الكنافة بإحتراس شديد عشان ماتفرط الجبنة من جوا وهي حارة تحترق وتخرب عليك وإذا إستوت شيريها بالقطر وهي في الصينية وتكون ساخنة والشيرة باردة ورشيها بالقستق المطحون بعدين إذا بردت وصارت دافية شوي طلعيها وصفيها في صحن التقديم بطريقة مرتبة ولاتخلين بعضها فوق بعض أحسن . وبالهناء والعافية.
24-01-1426 هـ, 01:32 صباحاً
 
ياقلبي ياقمرية الوادي
مشكووووووووووووووووره الله يوفقك
قولي امين
بس معليش ابسئل
من وين اجيب كنافة غوار
وكم طول الكنافه الي اصفها بصينيه
24-01-1426 هـ, 05:51 صباحاً
 
السلام عليكم ورحمة الله وبركاته........
أختي ريم الفلا كنافة غوار موجوده عند مطاعم غوار عندنا بالرياض وإذا ماتقدرين تجيبينها إشتري أي نوع بس يكون طازج عشان تقدرين تلفينها بسهولة وماتتكسر معاك ضروري تكون لينة وجديدة مو مجمدة .
وبالنسبة لطول الكنافة تكون بطول شعر الكنافة نفسها يعني لاقص ولالزقإفرديها على طولها ومديها وجاي رايح بفرشة الزبدة كنك تصبغين بوية وصدقيني يالغالية بتعجبك وتضبط معاك وممكن تحطين في الحشوة مهلبية النشاء بالقشطة وخليها جامدة شوي إذا ماتحبين الجبنة بس دايم أضيفي الموزريلا للكنافة عن تجربة صدقيني تتطلع شي خاصة إذا سخنتيها في المكرويف .
وعليك بالعافية ياعمري
24-01-1426 هـ, 09:23 صباحاً
 
مشكوره ياقلبي
24-01-1426 هـ, 11:11 صباحاً
 


الساعة الآن 05:12 .