تحت الأرض بمئات الأمتار، مع الصور.
منجم سولوتفينو – Solotvyno Salt Mine ويعتبرونه موطن للنقاهة الجوفية، أي مريض يعاني من مشاكل في الشعب الهوائية أو الربو يرسلونه هناك عن طريق مستشفى سولوتفينو المتخصص بأمراض الحساسية عشان يشم هوا مخلل بالأملاح.
المكان هدووووووووءءء حتى المتعافي يتعافى أكثر من السكون، بس المشكلة من ناحية الأمن والسلامة المكان قنبلة موقوتة، يقولون تشوف الاطفال قاعدين أو يلعبون ولابسين خوذات أو حاطين قطع بلاستيكية فوقهم عشان تحميهم من الماء اللي يقطر من السقف، المنظر -زيادة على الهدوء وشكل المكان- يخليك تحس كأنك بحلم غريب
.يسمون هالنوع من العلاج سبيليوثيرابي – Speleotherapy أو العلاج بالملح – Salt Therapy عن طريق استخدام الكهوف أو المناجم لأجواءها الملحية، مشهور بشرق ووسط أوروبا من الخمسينات وانتشر عن طريق بولندا بعد ما لاحظوا ندرة إصابة عمال المناجم الملحية بمشاكل رئوية وأمراض الربو والسل. الدكاترة عندهم يقولون الأملاح في الهوا تقضي على البلغم والكائنات المجهرية المسببة للمرض بس في باقي دول العالم قليل يوافقون هالراي ويقولون الأدلة قليلة بخصوص هالفوائد. حتى بعضهم يقول أثر العلاج يكون من التجربة وشكل المكان أكثر من الفائدة الحقيقية للأملاح في الهوا.
هالمنجم يُعتبر الأعمق تحت الأرض ومخصص لهالنوع من العلاج في العالم. يستضيف حوالي 5 آلاف مريض سنوياً، في أي وقت يكون عندهم حوالي 200 مريض قاعد عندهم، ثلثهم من الأطفال، يزورون المكان لجلسات بعد الظهر او يقضون ليلة كاملة لمدة 24 يوم على التوالي.
1- أحد الممرات في المنجم
2- كراسي بجانب سكة حديدية قديمة
3- الجناح الرئيسي
4- أرفف، شكله محد مأمن عليها الكل يخاف تطيح باللي فيها.
5- المرضى نايمين
xxصورة مخالفةxx
6- كافتيريا المستشفى.
7- مكتب الطبيب
8- جهاز طبي مادري شنو يسوي، يمكن يحك الظهر، الله أعلم.
منقول من ايميلي
الله ياليتني اروح هناك واتنفس زي الأوادم لأني اعاني من ضيق التنفس