صباح الليل يا اخوات
ابي استشيركم يالغوالي بهالفساطين لزواج ولد عمي وخالتي
طبعا زواج ولد عمي بالدمام وزواج خالتي بالمخواه احم احم
يعني راح البسه هنا وهنا حرام اخم من هالفساتين ولا البسهم الا مره وحده
انا قررت افصل واحترت وش اختار كلهم عاجبيني
للمعلوميه انا قصيره شوي ومليانه بس مو مره وخصر شوي ممتلئ
يعني وش الانسب لي تكفون ساعدوني وابي اسم خياط مضمون بالدمام مابي خياطات
يردون الذويقات واصحب الستايلات الكوشخه مو تدخل وحده تسوي نفسها يعنني كشخه وحركات وهي ماعندها ماعند جدتي لاني دايم اقرا ردود تفشل واخر شي تنزل صورة فستانها لزواج اخوها ولا اختها ودك تشنقين نفسك من بشاعته
لاتضيع وقتي ع الفاضي خخخخخخخخ
اترككم مع الصور
انا دايم افحط عند هالفستان مره عاجبني حيل بس مدري اي خياط راح يضبطه بالدمام
هذا بعد عاجبني بس تحطمت لانو يبي له جسم رشيق وطول مو مثلي مربربه مفلطحه من البطاطس والكاكاوات يعني مثلا لو نحف خصري تتوقعون يناسبني ولا لا ولالازم طول بعد
طبعا احب شي بسيط وناعم مثل ذولا بس بستره با كمام او شال
انتظر اراؤكم طبعا ماعرف استر الصور اخاف ينحذف الموضوع او شي
اللي ماتعرف شي ترفع الموضوع بسبحان الله وبحمده سبحان الله العظيم
دمتم بحفظ الله