السلام عليكم


أخواتي الغالين على قلبي أبغى مساعده منكم قولو تم على شان أقول لكم شوبدي




أنا ناويه أعزم أهل زوجي وأبي تقولون لي وش أحط من أطباق رئيسه ومقبلات

وسلطات وحلويات وأبغاكم اللي عندها أكلات جديده ومجربه تكتبها لي


الله يعافيكم وأهم شي عندي يطلع السماط شكله حلو ويطلعوووووو من عندي وهم يتكلمون على عزيمتي وطبعا الأفضل لكم أذا ساعتوني وش أحط من أول ما يجول حتى يطلعوووووو


ومشكووووووووووو ووووررررررررررر ررين مقدما



يأختي القصيمية أول شي وأهم شي الله الله بالإبتسامة الحلوة وحياكم الله وتو مانور البيت واهلين وسهلين بنور العين شو هالزين كمان لأتنسين المكان اللي بيجلسون فيه لأزم يكون مرتب ومريح حتى ما يكونو جالسين ومتمللين وبعد كذا تأخذين عباة خالتك وتعلقينها بنفسك وتجلسين معاهم شوي مو على طول المطبخ على بالك ظفارة لا بالعكس أجلسي وسولفي شوي عشان ما تحسسينهم انك مشغولة عنهم وبعد كذا قدمي القهوة معها حلا طبعا مثل السينبون لإنه يناسب جميع الأذواق تقريباً أو مثلاً البف باستر عشان اللي عندهم سكر وإذا ولله الحمد ما فيه مشاكل عند أحد ممكن شوكولاته أو حلا بسكويت كرسبي واللي مقاديره هي علبة بسكويت كرسبي غير مملح ولوز مبشور وربع أصبع زبدة وبيالة عسل وعلبتين صغيرة حليب نستله نخلط المقادير كلها على النار ماعدا البسكويت طبعا بعدين نحط بالملعقه الصغيرة على كل بسكوت شوي ونحطها في الفرن لمدة 5د أوحتى يتحمر شوي من فوق وبالهناوالعافية
اجلسي وتقهوي معاهم مو تحطين الدلة وتروحين كنك خايفة تصبين أقل شي أول فنجال تصبينه أنتي إذا كنتي مره مشغوله أوكان فيه رجال بعد يبون شي المهم خلصتوا القهوة مو لأزم تلزمين عليهم بزيادة خلاص عشان يحسو أنهم أهل بيت مو ضيوف ونجي للشاهي يفظل مايكون فيه حاجة معها من وجهة نظري إذا كان العشاء مبكر أما إذا فيه فرق بين العشاء والالشاهي أقل شي ساعة معليش تحطين موالح أو مكسرات عشان يتسلون فيها وطبعاً بالنسبه للعشاء أنا أجهز لله من قبل بيوم عشان أجلس معاهم أطول وقت ممكن وطبعاً اهم شي على سفرة العشاء بالنسبة لنا ورق العنب والسنبوسه باللحم والجبن والبطاطس المقلي والسلطات مثل السلطة الفرنسية وسلطة االخضار وغيرها وإذا انتي بتحطين رز على العشاء فيفضل كبسة دجاج وإذا ما أنتي حاطة دجاج فأعملي رز أبيض ومرقة لحم أما إذا مافيه رز ابداً فأعملي صياني مكرونة بالباشمل وصينية خضار بالفرن ومحشي كوسة ومحشي بطاطس ومصقعة باذنجان وكبة ومرقة باميا بالحم المفروم وأهم شي شوربة شوفان وحطي حلا مثلا عصيدة تدفيهم بالبرد وسلامتك ولا تنسين الطيب بعد العشاء ووزعي عليهم هدايا مثل أشرطه أو كتب مفيدة تنفعهم ويكون لك أجرهم بإذن الله ووإذا تبين طريقة أي شي من اللي ذكرتها مو موجودة عندك أنا جاهزة وإذا راحوا لا تنسين تقولين لأبو عيالك أنك مبسوطة مرة من زيارة أهله لكم في البيت وإنك تنتظرينها من زمان مو تشتكين له أنك تعبانه وما صدقتي يطلعون مع الباب تبدأ الأوجاع وأهههههههياظهري وأهههيارجولي وياربي الله يعيني على الترتيب من جديد هذا إذا ماعندك شغاله :
استغفر الله فيه غلطه ماأنتبهت لها وهي أجهز له يعني العشاء الله يتوب علي ولا يأخذني استغفر الله العظيم
ينقل من الساخنه الى اطباق عالم حواء
مشكوره أختي الغاليه على مشاركتك الحلوه


ولكن وين البنات




الساعة الآن 10:09 .