يابنات الله يسعدكم ابغى بهارات للكبسة والايدام تطلع الطبخ لذيذ ..
وابغى طرق لاكلات وحلويات تتفرز ..

ساعدوني بيجوني ضيوف وأكثر من عائلة والعدد كثير واطفال وبيكنوا عندي بالبيت ولمدة 8أيام وحوسة والله شايله هم أول مرة استقبل ضيوف بهذا العدد وطبعا فطور وغدا وعصرية وحلويات قهوة وعشا ورجال وحريم والادهى من هذا ان وحده من الحريم طباخة درجة أولى ..
وانا من النوع اذا كان فيه عندي ضيوف اتوتر واقلق وماعاد اعرف اطبخ ..مع انه طبخي حلو واهلي معجبين فيه..
تكفون ساعدوني بروابط لطبخات ابغى اكون قدامهم طباخة ..
27-01-1432 هـ, 05:08 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اذا انت في الرياض فيه محلات اليمنيه بهاراتهم حلوه وفيه محامص الرون بهاراتها حلوه خذي واطحنيها
والحلى فطريت التفاح حلوه تتفرزن ومعمول روز حلو
مثلثات السميد
اصابه الجبن وممكن تحشينها تفاح
سنبون حلو يتفرزن بعد مايستوي واذا بغيتيه طلعيه واذا ذاب حطي الصوصوالغداء يوميا رز يكون رسمي ومره معه جريش وسلطه ومره مرقوق ومره ايدام خضار
ومره صينيه خضار بالسمك الفيليه والسلطه كل يوم شكل تبوله مقليات فتوش جرجير سلطه ذره
سوي اشياء حلوه ولا فيها كلافه ولا موعين
والعشاء يوم مكرونه باشميل ومهعا سلطه او مقليات ومره سليق بما انه برد ودجاج مشوي وسلطه حاره
ومره مجدره مره حلوه وليذه وسهله
ومره جيبوا من برى وكذا
والله يكون في عونتس
واحتسبي الاجر وانه واب اكرام الضيف
27-01-1432 هـ, 06:34 صباحاً
 
واي شيء تبينه انا حاضره
27-01-1432 هـ, 06:34 صباحاً
 
ودي أفيدك بس مافي بالي شي معين
ما أقول غير الله يعينك يارب وتصيرين عندهم أسنع السنعات
27-01-1432 هـ, 06:37 صباحاً
 
فديتكم الله يسعدكم ويجعلكم اجمل النساء في نظر ازواجكم ولايشوفون في هالدنيا غيركم
27-01-1432 هـ, 06:38 صباحاً
 


الساعة الآن 12:54 .