حبايبي عندي عزومه الخميس يعنى مفطح عزيمه رياييل ابي طريقة صلطات تقدم مع المفطح حوار وبوارد ابي طرق مضمونه وحلوه وابي طريقة حلى يحبونه الرجال لاني بصراحه دايما اسوي حلويات سفره ماتطب ايدينهم فيها اصلا احس الرجاجيل مايحبون الدريم ويب وخرابيطه ولاتقولون جلي وكريمه ومهلبية وام على احسها دقه قديمه واللي عندها طريقة روعه للتشيز اكيك اللي يجي ابيض ثمن فوقه صوص كرز بدعيلها بالصحه والعافيه الحقوني الله يرضى عليكم
19-01-1426 هـ, 09:44 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بقولك على طريقتين للتشيز كيك تبيض وجهك قدام المعازييم ****لله

تشيز كيك بصلصة الكرز الأحمر

المقادير:
علبة باوند كيك ابيض تقطعينه شرائح و ترصينه في قاع الصينيه
بعين تخلطين في الخلاط 6 حبات كيري وقشطة كي ديدي وباكيت دريم ويب وبكيت جلي فواكه
مشكله بعد ماتذوبينه في ثلاثة أرباع كوب ماي دافي

تصبين الخلطه على الكيك يكون لونها أبيض على وردي فاتح جداً وتبردينها

بعدين تجيبين صلصة الكرز الأحمر ( مونارك احلى شي ) تكون مبرده وتصبينا فوق الخلطه لما
تجمد زين شكلها راح يكون جميل وجذاب على السفره



تشيز كيك بقطع الفراوله :

نفس المقادير السابقه بس بعد ماتخلطين الخليط تضيفين له مكعبات فراوله طازجه وتخلطينه
بالملعقه وتصبينه فوق الكيك ولما تبرد تزينينه بأنصاف الفراوله (تصفينها بشكل جميل مرتب)

وهذي بعد شكلها حلو مره
20-01-1426 هـ, 09:30 صباحاً
 
اهلييييييييين

اوكي بفيدك باللي اعرفه الحين...

واخواني يحبونه كثيييييييير وعلى قولتك مايحبون الخرابيط ..

هذا حلى بس يحتاج لفريزر ...

بالبدايه ..

جيبي زبديه عميقه يعني قاعها عميق...

ضعي :

2 قشطة التاج او اي نوع

2 قشطة طازجه (بلادي) المهم نفس حجم بلادي

1 علبه حليب نستله

2 بسكوت شاي مكسر قطع صغيرهـ

تخلط جميعها ...بإمكانك وضع ربع ملعقه صغيره نسكافيه للنكهه..

اقعدي اخلطي بالملعقه لين البسكوت يتشرب الخلطه ..

احضري زبديه عميقه ولبسيها نايلون النايلون العادي اللي يحفظ الاطعمه ...

بعدين صبي الخليط فيها ودخليها الفريزر لمدة 4 ساعات او الى ان يتماسك...

طلعيها وعند التقديم اقلبيها بصحن التقديم وازيلي النايلون من فوقها وزينيها بكورن فليكس ومن فوقه كاكاو سايل
او اللي تحبين ......

ترا لذييييييييييييذه جدا جدا وانا مستغربه ليه اخواني يعجبهم هالحلا بالذات وباقي الحلويات على قولتك مايذوقونها
20-01-1426 هـ, 05:01 مساءً
 
ينقل من المقبلات الى اطباق عالم حواء
20-01-1426 هـ, 05:14 مساءً
 
الله يفك زنقاتكم ***** الله ومشكورين بس بالنسبه للسلطات ويش اسوي لاتقولون تبوله وفتوش ابي حوار وبوارد غيرهن يالله تكفونننننننننننننن
21-01-1426 هـ, 11:21 مساءً
 


الساعة الآن 11:38 .