Analysis Services
السلام عليكم ورحمة الله وبركاته
خواتي العزيزات تسلم ايديكم على كل الطبخات اللي تسوونها وتعرضونها في عالم حواء
من كثر ما انا اتابع الاطباق والعزايم خاطري اسوي عزيمه للاهل
تقريبا بيكونون في حدود 50 شخص ما شاء الله تبارك الرحمن
بس انا بكون بروحي والخدامه بتساعدني بس هي ما تعرف تطبخ
خاطري اسوي كل شي بيدي مو من برع
بس ما اعرف كيف انظم وقتي
شو الاطباق اللي ممكن اسويها قبل العزيمه بيوم والاطباق اللي اقدر اسويها صبح يوم العزيمه
ممكن تساعدوني
لانها بتكون اول عزيمه لي في بيتي
العزيمه بتكون عشا ونحن نحب دايما على جمعاتنا وخصوصا في هالجو الحلو نحب نسوي باربيكيو في الحوش
بس انا ابغي اطباق زياده اسويها
والاهل \دايما يتكفلون انها كل وحده تجيب طبق او اكثر من عندها
بس هالمره ابغي اسوي كل شي بروووووووووحي
يالله همتكم معاي خواتي الكريمات
27-01-1432 هـ, 11:31 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
المحشيات والسمبوسه والسبرنق ر ول تقدرين تسوينها قبل بيومين اواكثر ايضا الحلويات الي تبع القهوه وحلى العشا كلها قبل يوم العزيمه الله يسهل عليك
27-01-1432 هـ, 11:45 صباحاً
 
رفع
27-01-1432 هـ, 11:56 صباحاً
 
مشكورات خواتي على الردود
بارك الله فيكن
27-01-1432 هـ, 12:38 مساءً
 
حبيبتي حسب ايش بتحطين
مثلا اذا تجهزين بف وسبمبوسه وكبه هذي تجهزينها قبل اسبوع ما تضر وتحطينها بالفريزر بحيث يوم العزيمه تطلعينها بدري والخدامات يقلون لك..لاكن جهزي صحون التقديم قبل وخليها قدامك وافرشي عليها المناديل..وقطعي ليمون وبقدونس للزينه وخليها قريبه منك
تلفين ورق عنب قبل يكم يوم برضو وتفرزينه وقبل بيوم تطلعينه بالثلاجه ويوم العزيمه الصباح تطبخينه وتخلينه يبرد وتحطينه بصحن التقديم وتغلفينه
تتبلين المشاوي قبل بيوم
تجهزين الحلو حق القهوه قبل بيوم وتغلفينه..وما انصحك تحطين حلو عشاء لان البربكيو يبغا له مشروبات غازيه او عصيرات فتكفي عن الحلو..او جهزي قبل بيوم سلة فواكه مرتبه
السلطات جهزيها قبل بيوم بحيث بالليل تقطعين كل شي وتحطينه بعلبه لحاله كل نوع على حده لا تخلطينهم الا بوقت التقديم
برضو الدرسنق جهزيه قبل بيوم ووقت التقديم رشيه على السلطه
حمص ومتبل يوم العزيمه العصر جهزيها وعبيها بصحون وحطي عليها زيت زيتون علشان ما تنشف وغلفيها
جهزي سلتين كبار فيهم الخبز والساندويش والتوست وغلفيهم ببلاستك علشان ما ترتبكين بنفس الوقت
جهزي كل شي بر بالحوش على طاوله اذا كانت جلستكم برا
مثلا...قهوه..شاي..حلو القهوه..فناجين..
مدي السفره على الطاوله وحطي بنهايتها سلة الخبز والكتشب والمايونيز..وملاعق وشوك بلاستك وصحون بلاستك ومناديل سفره وكراتين المشروبات والمويه..
طبعا من قبل بيوم يومين طلعي الشوايه والفحم والشبوك الشوي والاسياخ ..وقبل الشوي بنص ساعه شكيها بالاسياخ والشبوك
مع اني اشوف لو تجيبين اسياخ جاهزه ومتبله من برا من عند المطعم او الشوايين اللي متخصصين ويأجرون اسياخ مجهزه اريح لك...او تعطينه الذبيحه وهو يجهزها لك يجيبها لك مصفوفه باسياخ وتزيدين عليها قد ما تبين اسياخ دجاج
لان ذبيحه ماراح تكفي ل 50 شخص
او اللي الحين يجون للبيت يريحون صراحه..رجل يجي ومعاها كل اغراضه ويشوي لك ويعطيك جاهز..انتي بس جهزي السلطات والمقالي...
والله يوفقك
يالله عاد اذا خلصتي ننتظر صور العزيمه
27-01-1432 هـ, 02:07 مساءً
 


الساعة الآن 06:19 .