السلام عليكم ورحمة الله
كيفكم احلى صبايا بالمنتدى

اليوم عملنا على الغدا مفتول
طبعا هي اكلة فلسطينية
طبعا ماما هي الي عملتها اكيد مو انا
المهم حبيت انزلكم صور الطبخة كاملة من مطبخنا

وكمان رح احط الطريقة عشان تستفيدو يا غوالي

ما رح اطول عليكم ....

اول شي تجيبي مفتول وهو متوفر جاهز بالاسواق
وفي ناس يعرفو يعملوه من طحين القمح او الطحين الابيض

والمكونات الي تحتاجيهم عبارة عن
المفتول+دجاج او لحمة بس الدجاج اطيب من رأي+ حمص حب منقوع ومسلوق+بصل+بطاطا+جزر+بندورة+ او اي خضار تحبيها +رُب البندورة+فلفل اخضر او احمر حسب ما تحبي+ملح وفلفل
طبعا المقادير حسب الكمية

طريقة العمل...
تحطي حلة في ماء يغلي وتحطي المفتول بعد ما تفركيه بزيت زيتون بمصفاه وتحطيها فوق الحلة ولازن تكون المصفاه مسكرة الحلة عشان البخار ما يطلع وتقلبي المفتول بين لخظة واخرة وعادة بياخد وقت تلات ارباع الساعة او نص ساعة حسب

في حلة أخرى بها قليل من الزيت تقطعي بصل جوانح وتقلبيه ثم بندورة جوانح ثم تصبي عليهم شوربة اللحم او الدجاج ...
ثم تضيفي خضار حسب الرغبة
ممكن بطاطا مكعبات متوسطة او
\ كوسة
ممكن الكل حسب الرغبة

والحمص ازا ما كنتي سالقتيه من قبل
بعدين تضيفو رُب البندورة او صلصلة البندورة حسب ما تسموها

وترك لغاية ما يتسبكو وتنضج الخضار وتضعو في اخر خمس او عشر دقايق
البهارات والملح والذي منه

وتصبيها فوق المفتول في النصف يعني عالوش

وتكوني عاملة دجاج او لحمة حسب الرغبة
والله انها اكلة اكثر من رائعة


الان بنزلكم الصور...



المفتول وهو بمصفاية وفوق الحلة





صورة عن قرب للمفتولP


الدجاج مع صلصة البندورة والخضار






صورة عن قرب للدجا قبل اضافة الصلصة




الطبق بشكل نهائي





صورة عن قرب للطبق


اتمنى انو يكون عجبكم غدانا لليوم واستفدتو
واعتذر كثير على الصور الي مو واضحة
27-01-1432 هـ, 10:39 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ماشاء الله تبارك الله

تسلم يدك
27-01-1432 هـ, 10:47 مساءً
 
من جد ررررررررررروعه
27-01-1432 هـ, 11:07 مساءً
 
27-01-1432 هـ, 11:12 مساءً
 
يعطيك العافيه لاكن قصدك الكسكسي
27-01-1432 هـ, 11:48 مساءً
 


الساعة الآن 07:18 .