Analysis Services
الله يخليها اللى تساعدنى
زوجى اتعرف على مطعم متخصص فى الاكلات الخليجية ومن ساعتها وهو بيذلنى بالرز بتاعه
بالذات لانى مش شاطرة فى عمايل الرز ... يعنى ساعات يطلع معجن او ناقص سوا

المهم عاوزة طلب ورجاء من بنات الخليج والسعودية لو واحدة شاطرة اوى وتنافس المطاعم فى اكلها بجد تقولى على طريقته لان زوجى من النوع اللى بيهتم بجودة الاكل والطعم اوى...
والا الاكل عنده يكون بايظ وتبقى ليلة مش فايتة

هو الرز كان عبارة عن رز بسمتى اصفر ... اعتقد بالكركم ... وعليه بهارات خطيرة شفت بس قرفة خشب وقرنفل وورق لورى وشريحتين صغيرين جزر!!

وعليه مكسرات طبعا بندق ولوز وزبيب
وكان على ريش ضانى ومرة طلبناه بالفراخ


ياترى هتبردوا نارى وتقولولى عالطريقة المظبوطة ؟؟؟ ...لانى عاوزاها بتفاصيل التفاصيل بالذات فى السوا والنضج المظبوط .... وجزاكم الله كل خير ويجعله عامر
21-01-1426 هـ, 12:45 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ينقل من الاطباق الساخنه الى اطباق عالم حواء
22-01-1426 هـ, 04:13 صباحاً
 
أختى ام كوكا
انا مش عارفة بالظبط الرز اللى ب مكسرات وكركم فى نفس الوقت
لكن اللى اقدر أفيدك فيه هو الرز البسمتى بيتسوى كالتالى
كل كوب رز عليه كوباية وربع ميه ولما الميه تغلى تكونى حطه شزية زيت وملح وممكن تحطى كركم علشان اللون واى توابل انتى عاوزاها قرنفل أو ورق غار أو غيره
وتسيبيه يغلى وبعد كده تحطى تحته صاجة وتوطى الناروتسيبيه لحد ما يستوى
وان شاء الله يطلع جميل
وممكن تحمرى المكسرات بسيط وتحتيها عليه
أرجو أن أكون أفتدك فى شىء
22-01-1426 هـ, 02:46 مساءً
 
الله يكرمك على الرد يا zeireda
بس كنت عاوزة تفاصيل ادق فى السوا يعنى الوقت بالظبط وافتح عليه ولا لأ يعنى زى كده
25-01-1426 هـ, 03:33 مساءً
 
بصى يا سيتى
لكل كوب رز كوب و1/4 ماء
ولما المية تغلى تحطى الرز وتقلبيه ولما المية تغلى مع الرز توطى النار وتحطى تحطه حاجة علشان تحميه (الصاجة) وتسيبيه حوالى 20 دقيقة تفتحى عليه وتقلبيه وتشوفى استوى ولا لسه محتاج شوية او محتاج ماء
كله على حسب هتسيبى الميه تغلى اد ايه والرز نفسه هيحتاج ماء ادايه
25-01-1426 هـ, 04:08 مساءً
 


الساعة الآن 10:24 .