نفس السؤال يراودني كثير
02-02-1432 هـ, 06:34 مساءً
 
السلام عليكم

مساء الخير يالغلاااا

مشكوره يا سنع ودلع يزاج الله خير على الكلام الطيب


نرجع نحسبها مره ثانيه

الطاوله ب 2000 ريال
المده 3 ايام
البضاعه ب 3 ريال

بعلمج طريقة الحساب عشان اذا بتشاركين في بازارات تعرفين كيف تحسبينها
تقسمين اجار الطاوله على عدد الايام تطلعلج النتيجه هنيه طلعت 667 ريال لليوم الواحد يعني لازم تبيعين في اليوم الواحد
بهذه العدد عشان تغطين خسارتج الحين تضربين قيمة البضاعه في العدد المطلوب عشان تغطين الاجار للطاوله
العدد الي لازم تبيعينه من البضاعه 669عشان تغطين سعر الطاوله في اليوم الواحد
وعشان تربحين لازم يكون فوق هذا العدد

اذا تحسين تقدرين تصرفين هالبضاعه الي مجموعه 2007 حبه بالتوفيق وللعلم هذا العدد بدون الربح
اذا ما تقدرين ابدا ما انصحج انج تدخلين فيه حل

1_انج تشتركين مع تاجرات عشر تقريبا اقل منجيه خساره ابصراحه
2_تشتركين في بازارات اقل قيمه

اذا تبين افكار يديه او خطه لتطوير العمل لا تترددين باي سؤال انا في الخدمه وطبعا ما ابا غير دعوه صادقه في ظهرالغيب والله يوفقج دائما يارب
02-02-1432 هـ, 07:23 مساءً
 


الساعة الآن 09:04 .