الملاهي والمنتزهات .. الخ تكلف ملايين مو 500 الف

اهم شي يشوف هو وش ميوله وش شاطر فيه .. لايستثمر المبلغ ككل لا يستثمر جزء منه عشان يضمن دخل اضافي للراتب مثلا يفتح مغسله ملابس( يجيب العدات والاغراض من الصين رخيصه بشكل كبير ) او بوفيه ( جنب مؤسسات ودوائر حكوميه ومدارس يطلع ذهب ) او بقاله او يستاجر محل ملابس في سوق عادي مثل الراجحي والمجد .. الخ ويستورد البضاعه من الصين برخص التراب على 5 وعشر ريال ويبييعها بضعفين ترا هالاسواق تطلع ذهب ماتتخيلينه لايغرك موقعها وشكلها الناس عليهم افوااااااد انصدمت صراحه
كل هالمشاريع ماتحتاج الا نص المبلغ تقريبا ويشوف نجاح المشروع بعدين يتوسع او يستثمر في اشياء ثانيه
فيه مشاااااريع بالهبل وتطلع ارباح خياله بس لو مايحب التجاره ولابراسه يتاجر يشتري ارض او اثنين كل وحده ب 200 الف او اكثر شوي وينساها كم سنه وتطلع له ضعف المبلغ
02-02-1432 هـ, 06:17 مساءً
 
فيه فكرة اشوفها ناجحة و مطلوبة
يسوي مؤسسة نقل طالبات و موظفات و بيشوف الطلبات بالهبل
بس احسن انه يبدأ بكم بباصين او ٣ قبل ما يفتح مؤسسة مع السواقين
و يشتغل فيهم سنة سنتين حتى يجمع ارباح
بعدها يفتح مؤسسة
و الله يفتحها عليكم من اوسع أبوابه
دعواتكم لنا بالرزق الطيب
02-02-1432 هـ, 08:51 مساءً
 
ما شاء الله لا قوة الا بالله اللهم بارك
03-02-1432 هـ, 04:36 مساءً
 
يعطيكم العافيه بنات

طيب المدارس الخاصه شرايكم فيها ؟

مع العلم انه يقدر يوصلها اكثر من 500 بس يعني مربحه او لا
04-02-1432 هـ, 10:09 مساءً
 
الله يوفقكم ويباااارك لكم

بس الافضل يبدا باشياء اقل تكلفه حتى يتمرس على التجاره

والله يكون بعونكم التجارة تعب
05-02-1432 هـ, 12:50 صباحاً
 


الساعة الآن 07:57 .