السلام عليكم ورحمته الله وبركاته

اهلين بنات حواء

بالله ابي حشووه للاسبرنج رووول الي بالخضار

قد ذقت عند وحده مره طعمه كانت محشوووه بالملفوف والجزر و ذره بس مدري كيف مكوناتها
فيه ملح ولا كيف صلصه الصويا حاليه ولا مالحه
واذا كانت فيه حشووات ثانيه لسبرنج رول حلوه تخبرني
وهل اذا حشوتها اغمسها ببيض وبقسماط مو متشربه زيت يعني بتصير مقرمشه

ولكم جزيل الشكر
02-02-1432 هـ, 07:44 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1


عندك خلطة الاجبان (شيدر ومالح وموزريلا) وحطي معاهم زيتون شرائح وفلفل
وغمسيها ف بيض وبقسماط لذيييييييذه ..!
02-02-1432 هـ, 07:51 مساءً
 
حشوة الخضار .. كيس خضار السنبلة + بطاطس مقطع مكعبات صغيرة + بصل + بندورة + معجون طماطم + ماجي لو حابه
+ بقدونس + شبت

تكشنين البصل بشوية زيت وتضيفين لها الخضار والبطاطس بعد مايحمر شوي

تضيفين البندورة والماجي ومعجون الطماطم وشوية موياا وشوي بهارات وملح ( استخدم بهارات ايطالية ) وفلفل اسود وقفلي قدر الضغط 10 دقايق الى ربع ساعه

وبعد ماتفكين قدر الضغط اضيفي البقدونس والشبت وملعقة جبنة سايلة

واحشيها عادي

مو لازم بقسماط وبيض

وغالبا احطها بالفرن مو شرط مقلية .. لذيذة وصحية..
02-02-1432 هـ, 07:54 مساءً
 
انا حبيبتي عندي حشوة تجنن كل من ذاقها طلبني الطريقة وهي انك تكشنين عادي بصل وزيت بعدين تجيبين دجاج بدون عظم مقطع صغار وتحطينه وتسوين بهارات مشكله وماجي وتخلينه على نار هادئه لحد مايستوي نص استواء وتضيفين الخضار المكون من بطاطس مقطع صغاااااااااااار وجزر انا عن نفسي بس هذي الخضروات الي اسويها بتزيدين كيفك وتخلينها تكمل استواء كلها الدجاج والخضار وبعدين بعد ماتنضج تماااااام تطفين النار وتضيفين لها ملعقه مايونيز وملعقه جبنه سائله وتخلطينهم زيييييييين وتسوينها حشوة للاسبرينغ رول وماتحتاج لابيض ولا شي لفيها واقليها في الزيت وسوي معاها سلطه حارة روووووووووووووووعه واي سؤال انا حاضرة للطيبين
02-02-1432 هـ, 08:15 مساءً
 
ماشاء الله

كل وحده احلى من الثانيه

بس المشكله اني بلفها لعزومه

يعني بشكل الحشوات السمبوسه بالدجاج والخضار والكبه دجاج ساده والبف دجاج بالجزر والسبرنق رول بدي له الحشوه الصينيه

الي فيها ملفوف وجزر بس باقي المكونات ما ادري
03-02-1432 هـ, 01:32 مساءً
 


الساعة الآن 09:11 .