انا قصتي مع القهوة قصة مرة خفيفه ومرة ثقيله ومرة مالها طعم المهم تعقدت وتعقد زوجي من القهوة وصار لما يجي ضيف عندنا زوجي يوصيني تكفين كثري بن وضبطي الهيل ويقعد على راسي ......
طبعا قلت اكيد السبب في البن طبعا ادورلي عذر ...وغير زوجي البن يمكن اكثر من مرة ...
طبعا حكيت لامي قالتلي خلاص انا بعطيك من البن حقي واخذت منه واعتمدته لان قهوتي صارت تنشرب ....

بس كالعادة مرة تصيب ومرة تخيب ........طبعا هذا من عوايدي في كل شىء حتى في طبخي ماعندي نفس..
يعني الكبسه مااغير طريقتها بس مرة تطلع تجنن ومرة مافيها نكهة وكل اكلاتي وحلوياتي مرة تصيب ومرة تخيب مع اني احب ااطبخ اكلات جديدة وانوع كل يوم بس مادري ليه مع اني امشي مع المقادير بالملي؟؟
احس السبب لاني مادخلت المطبخ الابعد زواجي يعني زوجي شاف البلاوي كلها وهو اللي علمني الطبخ الله يسامحك يايمه كانت تقولي اهم شيء دراستك وفعلا كنت من الاوائل من ثالث ابتدائي الى ثالث ثانوي بس صراحه كان عاجبني الوضع لاني كنت اكره الطبخ ومعتمده على اختي ماشاءالله عليها ......
المهم نسيت الموضوع ودخلت في قصة حياتي ....
اشترالي زوجي خلطة القصيم وسويتها وطلعت تجنن عجبتني واخيرا صرت زي الحريم قهوتي لها طعم .........

بس زوجي مو عاجبه لونها قلتله فيها زعفران قالي المرة الثانيه تحطين ملعقه وحدة وحطي عليها هيل ..بس هل ينفع معاها مع انها حلوة.......بس زوجي يعشق الهيل..
لما اعرف انزل صور راح انزل صورتها ان شاء الله....
03-02-1432 هـ, 07:50 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ما شاء الله

يالله الحمدلله انهاا انحلت المشكله ههه

وخلطة القصيم حلوه بس انا ما افضلها دايمآ مع القهوه ..

بس دام عجبتك خلاص اعتمديها
03-02-1432 هـ, 07:55 مساءً
 
ليش يام لولي ماتفضلينها مع القهوة ؟؟هل فيها مشاكل؟؟
وايش هي طريقتك.......عندي فضول اعرف كل طرق القهوة لان عندي عقدة منها...هههههههه
03-02-1432 هـ, 08:02 مساءً
 
حلوه مرررررررره خلطة القصيم وتطلع تجنن لو زتي هيل مع القهوه
03-02-1432 هـ, 08:05 مساءً
 
السر ترى في نوعية الهيل انا احط ملعقه ونص او ثلاث ارباع بن ونص ملعقه زنجبيل مطحون وهيل ملعقتين احطها في ثلاجة القهوه الملعقه ترى حقة الاكل والقهوه تطلع ياسلام تصك في الراس
03-02-1432 هـ, 08:16 مساءً
 


الساعة الآن 09:25 .