السلام عليكم
مشروع بيع المأكولات بالمدراس اكتشفت انه مشروع مربح
كانت تجي حرمة شوي كبيرة بالسن في المدرسة وقت الفسحة وشايلة معاها كيس وش كبره يمكن فيه حوالي 100 او اكثر طبق مليان اطباق ورق عنب و اطباق يغمش و فيه كثير اطباق بس مااعرف وش اسمها
تخيلوا الطبق الواحد بعشرة ريالات وفيه اطباق 12 و 15 بس اقل سعر 10 ريال وحوالي اكثر من 35 طالبة تشتري هاذا غير المعلمات
في بعض الايام ماتجي عندنا تروح تلف في مدارس ثانية يعني 100طبق الي معاها في الكيس × سعر الطبق10 ريال يطلع 1000 ربال في اليوم آآممم نخصم منها 200 ريال لان اكيد ماتبيع كل الكيس في يوم واحد يعني السعر التقديري اتوقع 800 ريال في اليوم ونجي نحسبها في الشهر،، الشهر الدراسي 20 يوم × 800 ريال سعر الاجمالي في الشهر يطلع 16.000الف ريال الله يوفقها ويرزقها

لا مو خيااااااااااااااالي

ويمكن مو بس تبيع في المدارس يمكن تبيع لجاراتها او لصديقاتها شوفي كم يطلع لها

بصراحة اهم شئ الابتسامة لانها دايم تبتسم و بشوشة حتى لو ماكان ودك تشترين يوم تطالعين في وجهها
سبحان الله على طول تروحين تشترين بدون تفكير مو اشفاق لالا مااعرف كيف اصف بس تحسين وجهها منور
دايم مبتسمه

مااعتقد ان هي الي تطبخه اتوقع متفقه مع محل واكيد للمحل نسبة
لان الكمية كبيرة

افظل انها تروح لبنات الابتدائي و المتوسط لان اتوقع الاقبال عليها اكثر لان الثانوي اصلا البنات مايشترون فطور الا نادر النادر شكلهم عاملين رجيم خخخخ ويبغون يحافظون على اجسامهم كل وحدة تقول النحف عندي لاكن المتوسط و الابتدائي اتوقع يشترون بالهبل
لان اتوقع الي يشغل بالهم البعض في المدرسة الاكل و اللعب وبس
السلبيات من وجهه نظري
ان الشغلة مو هينة مو كل المدراس ترضى بدخول البائعات
في بعض المديرات ممكن يخرجونها حسد والبعض خوفا من تسمم الطالبات والدخول في سين وجيم

وش رااايكم

الله يوفقها و يوفق الجميع
06-02-1432 هـ, 08:14 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ررفع لعيوونك غااليتي
والله المووفق
06-02-1432 هـ, 09:38 مساءً
 
سبحان الله
الله يفتح لنا وياها باب الرزق
06-02-1432 هـ, 10:02 مساءً
 
اعرف ان الوزارة تمنع هذا الشي وبقووووة
07-02-1432 هـ, 11:48 صباحاً
 
99 % من المدارس ترفض وبقوه دخول اي بائعه للمدرسه اصلا فيها مسآئله من الوزاره
نااادرا جدا يسمحون بدخولها الا في حال كانت تعرف احد بالمدرسه وهي ثقه وبطلب من المعلمات
ولو حصل بيع فهو للمعلمات لان حسب علمي مشددين مايبيعون اي شي للطالبات يخافون من المسؤليه
07-02-1432 هـ, 11:52 صباحاً
 


الساعة الآن 06:41 .