السلام عليكم اهلا وسهلا بالجميع
يابنات ويا سيدات ابغى طريقة كيك سهله انا صراحه احب الكيك لكن ماعرف ليه دايم ما يضبط معي طفشت نفسي في طريقه سهله ولذيذه بليييييز كيك عادي بدون نكهه الي بالدقيق الابيض ..بس نفسي يكون ناعم وطري على الاخير وحلوووو
لانو اانا اعرف اسوي التوفي للكيك فنفسي اليوم اعمل الكيكه واحط فوقها التوفي بس تكون كيكه محترمه ولذيذه


بلييييييز اعطوني طرقكم الناجحه في الكيك ربي يسعد قلوبكم ^_^
اهليييييين اختي
طبعا مقاديري هذي حقت صينية صغيرة حيل
بقول المقادير والطريقة سوا
حبتين بيض
نصف كوب سكر في الخلاط الجيك وتخبط حتى يصير لونها ابيض تقريبا 10 دقايق
بعدين تحطين نصف ملعقة صغيرة بشر ليمون
ربع كوب زيت ونصف كوب لبن وباكينج باودر و5ملاعق صغيرة حليب نيدو ممكن تحطين لزيادة الطعم اللذيذ ملعقتين صغيرة جبن سائل وتخلطينها جميعا في الخلاط بعدين تصبينها في كاسة بلاستك وتبدئين برش الدقيق بالتدريج حتى يصير معك خليط كثيف قليلا
يعني ما يكون خفيف وبعدين تصبينه في صينية مدهونة بالزيت والدقيق وعلى الفرن
وبعد ما تستوي اذا حبيتي تزينيها بالتوفي او تدهنيها بالنوتيلا وبعدين ترشي عليها جوز هند محمس تطلع خيااال
وبالف هنا ويارب تضبط معك وخبريني على الخاااص بالنتائج
وترا مقياس الكوب كوب الجبنة الطويل
اتمنى اني افدتك وما اطلت عليك
بنات فديتكم مين تصلحلي توقيع حلو
مساءك ورد
المقادير
3بيض بحرارة الغرفه
رشة فانيلا
كاس سكر
نصف كاس زيت
كاس ماء
ثلاث ملاعق حليب
كاسين طحين كويتي
ملعقة ونصف باكنج بورد
الطريقه
خفق البيض مع الفانيلا حتى ينفش ويبيض بسرعه عاليه ثم نضيف السكر بالتدريج ويكون وسط لاخشن ولا ناعم ثم الزيت ثم الماء تم الحليب البودره ثم نخلط الطحين والباكنج بودر ونقوم بنخلهم واضافتهم بالتدريج وانت تخلطين ثم ندهن الصينيه الوسط بالزيت وندخل الفرن تكوني مشغله عليه قبل على حراره متوسطه
فادخلينه ولاتفتحينه الا بعد ثلث او حتى تشمي رائحة الكيك بعدين من فوق تحمير وبعد ماتسكرين اللي فوق لاتطلعين الاكيك خليه يبرد داخل الفرن شوي وخليك فاتحه باب الفرن شوي لانه اذا طلعتيه بسرعه من الفرن راح يهبط وبالعافيه
دعواتك لي وخبريني وش يصير معاك


الساعة الآن 07:07 .